تېڭشۈن تورى خەۋىرى، نۇر تورى تەرجىمىسى:
قىش كىرگەندە ھاۋا سوغۇق بولغاچقا، بالىلار ئاسانلا زۇكام بولۇپ قالىدۇ. شۇڭا ئانىلار بالىلىرىنىڭ ئاغرىپ قېلىشىدىن ئەنسىرەپ قېلىن كىيىندۈرۈپ قويىدۇ، ئەمەلىيەتتە بالىلار بەك قېلىن كىيىنگەندە، تەرلەپ كىيىمى ھۆل بولۇپ كېتىپ، ئاسانلا سوغۇق ئۆتۈپ ئاغرىپ قالىدۇ.
لېكىن بەزىدە بالىنىڭ بەدىنىنىڭ مەلۇم قىسمى مۇزلاپ قالىدۇ، بۇ ھەرگىزمۇ توڭلاپ قالغانلىقنىڭ ئىپادىسى ئەمەس.
ئۇنداقتا ئاتا-ئانىلار بالىلارنىڭ توڭلىغان ياكى توڭلىمىغانلىقىنى قانداق بىلىشى كېرەك؟
1. دۈمبە مۇزلاش
ئاتا-ئانىلار بالىلارنىڭ توڭلىغان ياكى توڭلىمىغانلىقىنى بىلمەكچى بولسا، قولى بىلەن بالىنىڭ بوينىنىىڭ ئارقىنى تۇتۇپ باقسا بولىدۇ، ئەگەر بىر قەدەر سوغۇق بولسا بالا توڭلىغانلىقنى، ئەگەر ھۆل بولسا ئىسىپ تەرلەپ كەتكەنلىكنى چۈشەندۈرۈپ بېرىدۇ.
2. پۇت مۇزلاش
كىشىلەر «سوغۇق پۇتتىن باشلىنىدۇ» دېيىشىدۇ، ئەگەر بالىنىڭ پۇتى بەك مۇزلاپ كەتسە، پۈتۈن بەدىنمۇ توڭلاپ ئاسانلا ئاغرىپ قالىدۇ. شۇڭا بۇ ۋاقىتتا ئىسسىق ساقلايدىغان پايپاق ۋە ئاياغ كىيگۈزۈش كېرەك.
ئەگەر بالىنىڭ بۇ بىر نەچچە قىسمى بىر قەدەر سوغۇق بولسا ئەنسىرىمەڭ.
1. قول
ئادەتتە ئانىلار بالىنىڭ قولىنى تۇتقاندا، ئازراق سوغۇق ھېس قىلىشى مۇمكىن. بۇ ۋاقىتتا پەقەت بالىنى مۇۋاپىق كىيندۈرسەكلا بولىدۇ.
2. ساغرا
بالىنىڭ ساغرىسى ئەسلىدىنلا تېمپېراتۇرىسى بىر قەدەر تۆۋەن بولغان ئورۇنغا تەۋە بولىدۇ. شۇڭا بەزى بالىلار قىشتا ئېغى ئوچۇق ئىشتان كىيسىمۇ زۇكام بولۇپ ئاغرىپ قالمايدۇ. بالىنىڭ ساغرىسىنى تۇتۇش ئارقىلىق توڭلىغان ياكى توڭلىمىغانلىقىنى ھۆكۈم قىلىش ئانچە توغرا ئەمەس.
3. پېشانە
قىش كۈنلىرى سىرتقا چىققاندا، ئانىلار بالىسىغا قېلىن باش كىيمى كىيگۈزۈپ، ئىسسىق ساقلاش تەدبىرلىرىنى ياخشى ئىشلەپ، توڭلاپ قېلىشىنىڭ ئالدىنى ئالىدۇ. بىراق بالىنىڭ پېشانىسىنڭ مۇزدەك بولۇشى توڭلىغانلىقىدىن دېرەك بەرمەيدۇ.
ھازىر ھاۋا بارغانسېرى سوۋۇپ كەتتى، پۈتۈن مەملىكەتنىڭ نۇرغۇن جايلىرىدا قار يېغىۋاتىدۇ. ھەر بىر رايوننىڭ تېمپېراتۇرىسى ئوخشاش بولمىغاچقا، ئانىلار ئۆزى تۇرۇشلۇق رايوننىڭ تېمپېراتۇرا ئۆزگىرىشى ۋە بالىنىڭ ئەمەلىي ئەھۋالىغا ئاساسەن، بالىلارنى مۇۋاپىق كىيىندۈرۈشى كېرەك.
مەنبە:
https://m.nur.cn/news/2023/12/11407119.shtml
