ساغلام يېمەكلىك يۈرەك كېسىلىگە گىرىپتار بولۇش خەۋپىنى ئازايتىش مۇھىم ھالقا

بېتا تورى خەۋىرى، نۇر تورى تەرجىمىسى:

چەتئەل تاراتقۇلىرىنىڭ خەۋىرىگە قارىغاندا، ئىسرائىلىيە بېس ئاياللار داۋالاش مەركىزى (Beth Israel Deaconess Medical Center) نىڭ بىر تۈرلۈك يېڭى تەتقىقاتىدا كۆرسىتىلىشىچە، ئالاھىدە تىپتىكى يېمەك-ئىچمەككە ئەمەس بەلكى ساغلام يېمەكلىككە كۆڭۈل بۆلۈش يۈرەك كېسىلى قوزغىلىش خەتىرىنى تۆۋەنلىتىشنىڭ ئاچقۇچى ئىكەن. تەتقىقاتچىلار بۇنىڭغا قارىتا ئوخشاش بولمىغان ئۈچ خىل يېمەك-ئىچمەكنىڭ ئۈنۈمىنى تەتقىق قىلغان، ھەر بىر خىل يېمەك-ئىچمەكنىڭ ئوخشاش بولمىغان ئوزۇقلۇق ماددىلىرى بولىدۇ، نەتىجىدە ئۇلار بۇ ئۈچ خىل يېمەكلىكنىڭ يۈرەك ساغلاملىقىغا پايدىلىق ئىكەنلىكىنى بايقىغان.

ئىگىلىنىشىچە، بۇ ئۈچ خىل يېمەكلىكنىڭ يادروسى ساغلام يېمەكلىكنى تەكىتلەش ئىكەن.

تەتقىقاتتا ئۈچ خىل ئوخشاش بولمىغان يېمەك-ئىچمەك ئىچىدىكى بىر خىلىنى يېگەن ئادەمنىڭ ھەر خىل قان ئەۋرىشكىسى تەھلىل قىلىنغان. ئۇلارنىڭ ئىچىدىكى بىر خىلى مول كاربون سۇ بىرىكمىلىرىنى ئۆز ئىچىگە ئالغان، يەنە بىرىدە ئاقسىل مىقدارى كۆپرەك، يەنە بىر خىلىدا قاتتىق پوستلۇق مېۋىلەر ۋە پېرسېيە دەرىخى مېۋىسى تەركىبىدىكى تويۇنمىغان ياغ كىسلاتاسى كۆپرەك؛ ئەمما، بۇ ئۈچ خىل يېمەكلىكنىڭ بەزى ئورتاقلىقى بار، يەنى تۇز، خولېستېرىن ۋە ياغ تەركىبى تۆۋەنرەك.

بۇ تەتقىقاتقا قاتناشقان 150 ئادەمگە يۇقىرى قان بېسىم كېسىلىگە گىرىپتار بولغان دەپ دىياگنوز قويۇلغان، ئەمما يۇقىرى قان بېسىمى ياكى باشقا مۇناسىۋەتلىك دورىلارنى يېمىگەن. قاتناشقۇچىلار تەجرىبە مەزگىلىدە بۇ يېمەكلىكلەرنى ئالتە ھەپتە ئىستېمال قىلغان، ئارىلىقتا بىر قېتىم ئۈزۈلۈش بولغان، ئىككى قېتىملىق ئىستېمال مەزگىلىدىكى قان ئەۋرىشكىسى يىغىۋېلىنغان.

ئالىملار قاتناشقۇچىلارنىڭ ئالتە ھەپتىلىك تەجرىبىدىن بۇرۇنقى، تەجرىبە مەزگىلىدىكى ۋە تەجرىبىدىن كېيىنكى قان ئەۋرىشكىسىدىكى يۈرەك ساغلاملىقى بىلەن مۇناسىۋەتلىك كۆرسەتكۈچلەرنى كۆزەتكەن. نەتىجىدە، شەخسنىڭ ئوزۇقلۇق ماددا سەۋىيەسىنىڭ قانداق بولۇشىدىن قەتئىينەزەر، بۇ ئۈچ خىل ساغلام ئوزۇقلۇقنى ئىستېمال قىلغان كىشىلەرنىڭ ياللۇغلىنىش ۋە يۈرەك ساغلاملىقىغا مۇناسىۋەتلىك كۆرسەتكۈچلەرنىڭ ھەممىسىدە ياخشىلىنىش بولغانلىقى بايقالغان.

تەتقىقاتلاردىن مەلۇم بولۇشىچە، تۆۋەن كاربون سۇ بىرىكمىلىرىغا ئوخشىمايدىغىنى، يۇقىرى كاربون سۇ بىرىكمىلىرى مول بولغان يېمەك-ئىچمەك تۈرى يۈرەك ساغلاملىقىغا تېخىمۇ پايدىلىق بولۇپ، ھەقىقىي ساغلام يېمەكلىك ھېسابلىنىدىكەن.

مەنبە:
https://m.nur.cn/news/2024/08/6280090.shtml