تۇلەن ئۇنىۋېرسىتىتى تەتقىقاتچىلىرىنىڭ مېڭە HIV ۋىرۇسلىرىنى يوقىتىشتىكى نەتىجىلىرى

HIV يۇقۇملانغۇچىلار نۆۋەتتە ۋىرۇسنى كونترول قىلىش ئۈچۈن ئۆمۈر بويى دورا ئىچىشى كېرەك، لېكىن بەدەندىكى HIV ۋىرۇسىنى ئۈزۈل – كېسىل يوقىتالمايدىكەن، بولۇپمۇ چوڭ مېڭىگە يوشۇرۇنغان ۋىرۇسنى ئەڭ تەس، بۇنىڭ سەۋەبى قان-مېڭە پەردىسى توسىقىدىن بىخەتەر ئۆتۈپ ۋىرۇسنى ئۆلتۈرەلىگەن دورىلار ئىنتايىن ئاز. شۇڭا مېڭىگە ئوخشاش يوشۇرۇن ۋىرۇس ئامبىرى بولۇش سەۋەبلىك، ھازىر بار بولغان داۋالاش ئۇسۇللىرى ئارقىلىق ئەيدىز ۋىرۇسىنىڭ يۇقۇملىنىشنى، كۆپىيىشىنى تۈپتىن ساقايتقىلى بولمايۋاتقان بىر مەسىلە ئىدى.

يېقىندا تۇلەن ئۇنىۋېسىتىتىكى تەتقىقاتچىلار تەتقىقات ئېلىپ بېرىۋاتقان يېڭى بىر دورا چوڭ مېڭىدىكى HIV ۋىرۇسىنى تازىلاش يوشۇرۇن كۈچىنى نامايان قىلدى. بۇ تەتقىقاتقا تۇلەن دۆلەتلىك پرىماتلار تۈرىدىكى ھايۋانلار تەتقىقات مەركىزىدىكى دوكتور Woong – Ki Kim رەھبەرلىك قىلغان بولۇپ، ئەڭ دەسلەپتە راك كېسىلىنى داۋالاشقا ئىشلىتىلگەن كىچىك مولېكۇلىلىق تورمۇزلىغۇچى دورا BLZ945 نى بايقىغان بولۇپ، بۇ ئارقىلىق SIV ( HIV مايمۇن نۇسخىسى ) نىڭ چوڭ مېڭىسىدىكى سەۋىيەسىنى كۆرۈنەرلىك تۆۋەنلەتكىلى بولىدىكەن.

تەتقىقاتچىلارنىڭ بايقىشىچە، بۇ خىل دورا مېڭە قان توسۇقىدىن ئۆتۈپ، چوڭ مېڭىدىكى HIV ۋىرۇس ھۈجەيرىسىگە بىۋاسىتە تەسىر كۆرسىتىپ، يوشۇرۇن ۋىرۇس ئامبىرىنى تازىلايدىكەن. دەسلەپكى تەجرىبە نەتىجىسىدىن مەلۇم بولۇشىچە، بۇ خىل دورا ھايۋانات مودېلىدا ئۈنۈملۈك ھەم بىخەتەر ئىكەنلىكى ئېنىقلاندى. تەتقىقاتچىلار مۇنۇلارنى بىلدۈردى: بۇ بايقاش HIV يۇقۇملانغۇچىلارنى يېڭى داۋالاشقا يېڭى ئۈمىد ئېلىپ كەلدى ،كەلگۈسىدە ئەيدىز يۇقۇملىنىشنى يىلتىزىدىن ساقايتقىلى بولىدىغان داۋالاش ئۇسۇللىرىنى تەتقىق قىلىپ چىقىشتىن يول كۆرسىتىشى مۇمكىن.

كونكرېت قىلىپ ئېيتقاندا، بۇ خىل يېڭى دورا نانومېتىر تېخنىكىسىدىن پايدىلىنىپ، دورا مولېكۇلىلىرىنى نانومېتىر دانچىلىرىغا ئوراپ، ئۇنى مېڭە قان توسۇقىدىن ئوڭۇشلۇق ئۆتكۈزۈپ، HIV ۋىرۇس ھۈجەيرىسىگە نىشانلىق تەسىر كۆرسىتىدۇ. تەجرىبە نەتىجىسىدە كۆرسىتىلىشىچە ،بۇ خىل دورا چوڭ مېڭىدىكى HIV ۋىرۇسىنىڭ سانىنى كۆرۈنەرلىك ئازايتىپلا قالماي ،يەنە ۋىرۇسنىڭ قايتا تارقىلىش خەتىرىنى تۆۋەنلىتىدىكەن. بۇنىڭدىن باشقا، تەتقىقاتچىلار يەنە بۇ خىل داۋالاشنى قوبۇل قىلغان چاشقاننىڭ بىلىش ئىقتىدارى ۋە ھەرىكەت ئىپادىسىدە ياخشىلىنىش بولغانلىقىنى بايقىغان، بۇ دورىنىڭ ۋىرۇسنى تازىلاپلا قالماي، يەنە زىيانغا ئۇچرىغان نېرۋا سىستېمىسىنى ئەسلىگە كەلتۈرۈشكە ياردىمى بولۇشى مۇمكىنلىكىنى چۈشەندۈرىدۇ.

بۇ تەتقىقاتنىڭ كېيىنكى قەدىمى ئادەم بەدىنىدە كېلىنكىلىق تەجرىبە قىلىش ئارقىلىق بۇ خىل دورىنىڭ بىخەتەرلىكى ۋە ئۈنۈملۈكلۈكىنى ئىسپاتلاش. ئەگەر مۇۋەپپەقىيەتلىك بولسا ،بۇ HIV داۋالاش تارىخىدىكى بىر زور بۆسۈش بولۇپ، نەچچە مىليون HIV يۇقۇملانغۇچىغا يېڭى ئۈمىد ۋە داۋالاش تاللىشى ئېلىپ كېلىدۇ. تەتقىقات ئۆمىكى يەنە دورا رېتسىپى ۋە دورا بېرىش ئۇسۇلىنى يەنىمۇ ئەلالاشتۇرۇپ، داۋالاش ئۈنۈمى ۋە بىمارلارنىڭ بېقىنىشچانلىقىنى يۇقىرى كۆتۈرۈشنى پىلانلىماقتا.

مەنبە:
New drugs show promise in clearing HIV from the brain