دوختۇرلار تورى

تەن ساقلىق زور بايلىق

بالا تەربىيلەشتىكى 40 ماددا

بالىڭىزنى ياخشى تەربىيلەپ ياراملىق ئادەم قىلىپ چىقماقچى بولسىڭىز ، تۆۋەندىكى تەكلىپلەردىن پايدىلىنىپ كۆرۈڭ :

1 – بالىلار ئوتتۇرىغا قويغان ئەمەلىي مەسىلىلەر ۋە كۆز قاراشلارغا ئەستايىدىل مۇئامىلە قىلىش كېرەك .

2 – بالىلار ئوتتۇرىغا قويغان بارلىق مەسىلىلەرگە سوغۇققانلىق ۋە راستچىللىق بىلەن جاۋاپ بېرىش كېرەك .

3 – بالىلارنىڭ ياتاق ئۆيىگە كىتاب تەكچىسىدىن بىرنى قويۇپ قويۇڭ ھەمدە كىتاب تەكچىسنىڭ ئۈستىگە بالىنىڭ ئۆزى ياسىغان نەرسىلىرىنى تىزىپ ئويناشقا يول قويۇش كېرەك .

4 – بالىلار ھەرخىل ئىجادىيەت بىلەن شۇغۇللىنىش جەريانىدا ياتاق ئۆي ياكى شىرەنىڭ ئۈستىنى قالايمىقان قىلىۋەتسە ، بالىلارنى ئەيىبلىمەسلىك كېرەك .

5 – بالىغا بىر ئۆي بېرىش ياكى ئۆينىڭ مەلۇم قىسمىنى تەۋە قىلىپ ئايرىپ بېرىش كېرەك .

6 – بالىغا بالىنىڭ تولىمۇ سۆيۈملۈك ئىكەنلىكىنى دائىم بىلدۈرۈپ تۇرۇش كېرەك .

7 – بالىلارنىڭ شەخسى پىلان تۈزۈشىگە ۋە شەخسى پىلانىنى ئەمەلگە ئاشۇرۇشقا ياردەم بېرىش كېرەك .

8 – بالىلار قىلالىغۇدەك ئىشلارنى ئىمكانىيەتنىڭ بارىچە ئۆزىگە قىلدۇرۇش كېرەك .

9 – بالىلارنى قىزىقارلىق جايلارغا ئاپىرىپ ئوينىتىش كېرەك .

10 – بالىلارنىڭ تاپشۇرۇق ئىشلىشىگە ياردەم بېرىش كېرەك .

11 – بالىلارنىڭ ھەرخىل قاتلامدىكى بالىلار بىلەن نورمال ئارىلىشىشىغا ياردەم بېرىش كېرەك .

12 – بالىلارنى ياخشى پەزىلەت ، ئېسىل خىسلەت يېتىلدۈرۈشكە ئادەتلەندۈرۈش كېرەك .

13 – بالىلارنى ئۆزىنى تۆۋەن چاغلايدىغان قىلىپ قويماسلىق كېرەك .

14 – بالىلارنى ھەرگىزمۇ ھاقارەتلىمەسلىك ،تىللاپ جازالىماسلىق كېرەك .

15 – بالىلارنى كىتاب ، ماتېرىياللار بىلەن تەمىنلەپ ، بالىلارنىڭ ئۆزى قىلىشنى خالىغان ئىشلارنى قىلىشقا يول قويۇش كېرەك .

16 – بالىلارنى مۇستەقىل پىكىر قىلىشقا ئۆگىتىش كېرەك .

17 – بالىلارغا بەزى پايدىلىق نەرسىلەرنى قەرەللىك ئوقۇپ بېرىش كېرەك .

18 – بالىلاردا كىچىكىدىن باشلاپ كىتاب ئوقۇش ئادىتىنى يېتىلدۈرۈش كېرەك .

19 – بالىلارغا ھېكايە ، چۆچەك توقۇشقا ، خام – خىياللارنى قىلىشقا ئىلھاملاندۇرۇش كېرەك .

20 – بالىلارنىڭ شەخسى تەلەپلىرىگە ئەستايىدىل مۇئامىلە قىلىش كېرەك .

21 – ھەر كۈنى ۋاقىت چىقىرىپ بالىلار بىلەن بىردەم – يېرىمدەم بىرگە بولۇش كېرەك .

22 – بالىلارنى ئائىلىنىڭ مۇناسىۋەتلىك چوڭ ئىشلارنى پىلانلاشقا ۋە سىرتلارغا چىقىش ئىشلىرىغا قاتناشتۇرۇش كېرەك .

23 – بالىلارنىڭ ساددىلىقىدىن پايدىلىنىپ بالىلارنى ئەخمەق ئېتىپ ئوينىماسلىق كېرەك .

24 – بالىلارنىڭ شېئىر يادلاش ، ھېكايە .ئېيتىش ، ناخشا ئوقۇش قاتارلىق ئىشلىرىنى ۋاقتىدا تەقدىرلەش كېرەك .

25 – بالىلارنى ئۆزىدىن چوڭ ۋە كىچىك ھەر ساھەدىكى كىشىلەر بىلەن ئىختىيارى بېرىش – كېلىش قىلىشىغا ئۈندەش كېرەك .

26 – بالىلارنىڭ ئۆگىنىش ، تەجرىبە قىلىش پىلانلىرىنى تەپسىلى تۈزۈپ چىقىشىغا ياردەملىشىپ ، ئۇلارنى تېخىمۇ كۆپ نەرسىلەرنى بىلىۋېلىشىغا يېتەكلەش كېرەك .

27 – بالىلارنىڭ تۈرلۈك كېرەكسىز نەرسىلەرنى ئوينىشىغا رۇخسەت قىلىش كېرەك .

28 – بالىلارنىڭ ئەمەلىيەت جەريانىدا مەسىلىلەرنى بايقاشقا ۋە ھەل قىلىشىغا رىغبەتلەندۈرۈش كېرەك .

29 – بالىلارنىڭ ئىشلىرىدىن ماختاشقا تېگىشلىك بولغانلىرىنى تېپىشقا ئەھمىيەت بېرىش كېرەك .

30 – بالىلارنى ئورۇنسىز ماختىماسلىق كېرەك .

31 – چوڭلار بالىلارغا بولغان ھېسسىياتنى سەمىمىي ئىپادىلىشى كېرەك .

32 – بىر قىسىم ئىشلارنى بالىلار بىلەن بىرگە مەسلىھەتلىشىپ قىلىش كېرەك .

33 – بالىلارغا مۇستەقىل قارار چىقىرىش پۇرسىتى بېرىش كېرەك .

34 – بالىلارنىڭ ئۆزىگە خاس خاراكتېر يېتىلدۈرۈشكە ياردەملىشىش كېرەك .

35 – بالىلارغا بالىلارنىڭ دىققىتىنى قوزغايدىغان تېلېۋىزىيە نومۇرلىرى كۆپرەك كۆرسىتىش كېرەك .

36 – بالىلار ئۆزىگە ئۆزى ئىگە بولۇشى ، ئۆز ئىقتىدارىنى تونۇشى ۋە ئاكتىپلىق بىلەن جارى قىلدۇرۇشى كېرەك .

37 – بالىلار ئىشنى بۇزۇپ قويسا ، ئۇلارغا خاپا بولماي ۋە تاپا – تەنە قىلماي مەن بۇ ئىشنى قىلالمايمەن ، ئىككىمىز بىرلىكتە قىلايلى دەپ ئىلھام بېرىش كېرەك .

38 – بالىلارنى ئىمكان قەدەر چوڭلارغا يۆلىنىۋالماسلىققا رىغبەتلەندۈرۈش كېرەك .

39 – بالىلارنىڭ ئەقلىگە ۋە ئۆزىگە ئىشىنىش كېرەك .

40 – بالىلار بىرەر ئىشنى مۇستەقىل قىلىۋاتقان بولسا ، چوڭلار بالىلارنىڭ بۇ ئىشنى باشقا ئېلىپ چىقالمايدىغان تەقدىردىمۇ ، ئىشنىڭ ئاساسى قىسمىنى بالىلارنىڭ قىلغانلىقىنى مۇئەييەنلەشتۈرۈشى كېرەك

مەزكۈر مەزمون قوشۇلغان ۋاقىت: 2022-05-05

مەزكۈر مەزمون ئاخىرقى قېتىم يېڭىلانغان ۋاقىت: 2022-05-01 / 08:23:21

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,686FansLike
697FollowersFollow
1,870SubscribersSubscribe

يېڭى مەزمونلار

مەخسۇس سەھىپىلەر