بەلنى چىڭ بوغۇش ئاياللار كېسەللىگىنى كەلتۈرۈپ چىقىرىدۇ

خەۋەرلەرگە قارىغاندا، ى ئىككى نەپەر ياش قىزلار فىگورسىنىڭ چىرايلىق بولۇشىنى قوغلىشىپ، كالا خۇرۇمىدىن ئالاھىدە ياسالغان كەڭ بەلۋاغ بىلەن كۈن بويى بېلىنى چىڭ باغلاپ يۈرگەن ئاقىۋەتتە بالىياتقۇ ئورنىدىن سىلجىپ، ھەيىز قالايمىقالىشىش ۋە قان ئازلىق قاتارلىق ئەھۋاللار كېلىپ چىققان.

بەلنى چىڭ بوغۇش ئاياللار كېسەللىگىنى كەلتۈرۈپ چىقىرىدۇ

ئانا – بالىلار ساقلىقىنى ساقلاش تارماقلىرىنىڭ ئالاقىدار تەكشۈرشىگە قارىغاندىمۇ يۇقىرقى كېسەللىككە گىرىپتار بولغان ياش قىزلارنىڭ ئىچىدە %60 تىن كۆپرەگىنىڭ بەلنى چىڭ بوغىدىغان ۋە بەدەننى چىڭ قىسىپ تۇرىدىغان ئىشتان كىيىش تارىخى بارلىقى ئىسپاتلانغان .

ھازىرقى زامان تېببىي ئىلمىنىڭ قارىشچە ، بەلنى چىڭ بوغۇشنىڭ بەدەنگە بولغان زىيىنى كۆپ تەرەپلىمىلىك بولۇپ، ئاياللار كېسەللىگى نوقتىسىدىن قارىغاندا ، بەلنى چىڭ بوغقاندا ، قوساق بېسىمغا ئۇچىراپ ، ئۈچەي داس بوشلۇقىغا قىسىلىپ قېلىپ، داس بوشلۇغىنىڭ بېسىمى ئېشىپ كەتكەلىكتىن ، بالىياتقۇ نورىمال ئورنىدىن قوزغىلىپ ، بالىياتقۇ ئورنىدىن سىلجىشنى كەلتۈرۈپ چىقىردۇ ھەمدە داس بوشلىغىدىكى ئەزالارنىڭ قان ئايلىنىشىغا توشقۇنلۇق قىلىپ ، ھەيىز قالايمىقانلىشىش ۋە ئاغرىتىپ كېلىشنى كەلتۈرۈپ چىقىردۇ .

نەپەسلىنىش سېستىمىسى نوقتىنەزىردىن قارىغاندا، بەلنى چىڭ بوغقاندا دىئافراگمىنىڭ يۇقرى – تۆۋەن ھەركىتى چەكلىمىگە ئۇچىرغانلىقتىن، كۆكرەك بوشلىغى توللۇق كېڭىيەلمەي ، ئاقىۋەتتە ئۆپكىدىكى ھاۋا ئالمىشىشى ئازىيىپ ، ئورگانىزمغا ئوكسىگىن يېتىشمەسلىكنى كەلتۈرۈپ چىقارغانلىقتىن، دېمص سىقىلىش ، باش قېيىش ، يۈرەك سېلىشتەك ئالامەتلەر كۆرىلدۇ .

بەلنى چىڭ بوغۇش ھەزىم قىلىش سېستىمىسىنىڭ فونكىسىيەسىگىمۇ تەسىر يەتكۈزىدۇ . بەلنى چىڭ بوغقاندا ئاشقازان ئۈچەي بېسىلغاچقا نورمال كېڭىيەلمەيدۇ. تاماقنى كۆپ قۇبۇل قىلالمايدۇ . ئاشقازان ئۈچەينىڭ لۆمۈلدىشى چەكلىمىگە ئۇچىراپ، قان ئايلىنىشقىمۇ تەسىر يەتكۈزىدۇ . ئاشقازان ئۈچەينىڭ ھەزىم قىلىش ۋە سۈمۈرلۈش ئىقتىدارى كۆپ ئاجىزلاپ كەتكەنلىكتىن، ئوزۇقلىنىش ناچارلىغى ۋە قان ئازلىغىنى كەلتۈرۈپ چىقىردۇ.

بۇنىڭدىن كۆرىۋېلىشقا بولۇدىكى ، بەلنى چىڭ بوغۇش ئاياللار كېسەللىكىنىلا كەلتۈرۈپ چىقارماستىن ، ئورگانىزمدىكى باشقا سېستىمىلارغىمۇ ئېغىر خەۋىپ يەتكۈزىدۇ. ياش خېنىملار بەدەن گۈزەللىكىگە توغرا قارىشى كېرەك. بەلنى چىڭ بوغۇشقا تايىنىپ چىرايلىق بولۇشنى قوغلىشىش، پۇتنى يۇنۇپ ئۆتەككە لايىقلاشتۇرغاندىن باشقا نەرسە ئەمەس.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,052FansLike
163FollowersFollow
1,490SubscribersSubscribe

يېڭى مەزمونلار