ستېتوسكوپ
ئۇيغۇرچە باشقا ئاتىلىشلىرى:
تىببىي ستېتوسكوپ，فونېندوسكوپ, تىڭشىغۇچ
stethoscope
ئىنگىلىزچە باشقا ئاتىلىشلىرى:
phonendoscope
听诊器
Stetoskop
تىببىي ساھەدە ئەڭ مۇھىم ۋە ئەڭ بۇرۇن ئىجاد قىلىنغان تەكشۈرۈش قوراللىرىنىڭ بىرى مۇشۇ تىڭشىغۇچتۇر. بەدەن ئىچكى ئەزاسىدىكى ھەر تۈرلۈك ئاۋازلارنى ئاڭلاش ئارقىلىق مۇناسىۋەتلىك ئورگانلارنىڭ ساغلام ياكى ئەمەسلىكىنى بىلگىلى بولىدۇ. كۆپىنچە ئەھۋاللاردا نەپەسلىنىش ئاۋازىنى ئاڭلاشقا ئىشلىتىدۇ. بۇنىڭدىن سىرت يەنە يۈرەك سوقۇش ئاۋازى، قورساق ئۈچەي ھەرىكەت ئاۋازلىرى، قان تومۇر سوقۇش ئاۋازلىرى… غىمۇ كۆپ ئىشلىتىدۇ.
تىببىي ساھەسىنىڭ تەرەققىي قىلىشىغا ئەگىشىپ ھەر تۈرلۈك تىڭشىغۇچلار ئىجاد قىلىندى. چوڭلار ئۈچۈن، يۈرەك ئۈچۈن، بالىلار ئۈچۈن، بوۋاقلار ئۈچۈن … ئوخشىمىغان تەكشۈرۈشلەرگە ئوخشىمىغان تىڭشىغۇچلار مەيدانغا كەلدى.
يۇقارىدا تىلغا ئېلىنغان فونېندوسكوپ ئىسىملىك تىڭشىغۇچ بولسا ئاۋازنى چوڭايتىپ بېرىش رولىغا ئېگە بولغان تىڭشىغۇچنىڭ ئىسمى..
