ھامىلىلىكنىڭ 6-ھەپتىسى
ھەقىقىي ھامىلەلىكنىڭ 4 -ھەپتىسى
بۇ ھەپتىدىن باشلاپ، تۆرەلمە بوۋاقنىڭ باش، يۈرەك، بىلەكلەرنىڭ دەسلەپكى بىخلىرى شەكىللىنىشكە باشلايدۇ.بەدەندە تۇنجى بولۇپ ئىشقا كىرىشكەن ئورگان يۈرەك ھىساپلىنىدۇ. گەرچە تۇغۇلغان بوۋاق، قۇرامىغا يەتكەنلەرگە ئوخشاش ئىشلىمىسىمۇ، ئەمما ھىچ بولمىسا دەسلەپكى سوقۇشلار ئاستا ئاستا باشلايدۇ.
بۇ ھەپتىلەردە تۆرەلمە ھىلىھەم گۈرۈچ چوڭ كىچىكلىكىدە، شۇڭا ئۇلترائاۋازلىق تەكشۈرۈشتە كۆرگىلى بولمايدۇ. بوۋاقنىڭ جىنسىيەتى گەرچە ئالدىنقى ھەپتىلەردىلا مۇقىملىشىپ بولغان بولسىمۇ، ئەمما ئۇلترائاۋازلىق تەكشۈرۈشتە نورمالدا 12-16 ھەپتىلەردە ئاندىن بىلگىلى بولىدۇ.
بۇ ھەپتىدە ھىلىھەم ئانىلار، دوختۇرلارنىڭ رۇخسىتىسىز دورا ئىچمەسلىك، سوغۇق ئىچىملىك، ئاچچىق چۈچۈك سوغۇق يىمەكلىكلەردىن پەرھىز تۇتۇش، روھىي كەيپىياتنى ياخشى تەڭشەش، چېچىلماسلىق، ئېغىر جىسمانىي ھەرىكەتلەردىن ساقلىنىش لازىم.
ئانىلاردا ئالدىنقى ھەپتىلەردە بولۇۋاتقان ھارغىنلىق، كەيپىيات تۇراقسىزلىشىش، ئىشتىھا ئۆزگىرىش، ھۆ تۇتۇش قاتارلىق ئالامەتلەر داۋام قىلىدۇ. بۇ ھەپتىلەردە ئىچ كىيىمدە رەڭگى ئادەت قېنىغا ئوخشاش، ئەمما مىقتارى ناھايىتى ئاز بىرقانچە تامچە قان دۇغلىرى كۆرۈلۈشى مۇمكىن. گەرچە بۇ ئەھۋال كۆپىنچە نورمال بولسىمۇ ئەمما ھەر ئىھتىمالغا قارشى، ئەگەر قان كۆرسىڭىز ئەڭ قىسقا ۋاقىت ئىچىدە تۇغۇت بۆلۈمىگە ۋەيا مۇنتىزىم جىددىي قۇتقۇزۇش بۆلۈمىگە (بۇ بۆلۈم ئاياللار كېسەللىكلىرى بۆلۈمى بىلەن كۆرۈشىدۇ) بېرىپ بېقىشنى تەۋسىيە قىلىمىز.
بۇنىڭدىن سىرت ئالدىنقى ھەپتىلەردە قىلىنغان تەۋسىيەلەرنىمۇ كۆرۈپ بېقىشىڭىزنى ئۈمىد قىلىمىز.
