ھامىلىلىكنىڭ 5-ھەپتىسى
ھەقىقىي ھامىلەلىكنىڭ 3 -ھەپتىسى
بۇ ھەپتىدە ئەڭ مۇھىم بولغان تۆرەلمە گەۋدىسى ۋە تۇخۇم سېرىق خالتىسى شەكىللىنىدۇ. چۈنكى بۇ ھەپتىدىن كېيىن تۆرەلمە گەۋدىسىدىن بەدەننىڭ دەسلەپكى شەكىللىرى چىقىشقا باشلايدۇ.بۇ مۇشۇ دەسلەپكى ھەپتىلەردە تۆرەلمە بوۋاقنىڭ ھايات قېلىش قالماسلىقى، بەدەن غەيرىلىك بولۇش بولماسلىقىنىڭ ئەڭ مۇھىم ۋاقىتلىرى ھېساپلىنىدۇ. شۇڭلاشقا بۇ ھەپتىلەردە ھامىلدار ئانا دورا ئىچىش، زىيادە سوغۇق كېلىدىغان تاماقلارنى ئىستىمال قىلىش، ئېغىر ھەرىكەتلەرنى قىلىش، زىيادە روھىي بېسىم تالاش تارتىشلاردىن … قاتتىق ساقلىنىش كېرەك.
بۇ ھەپتىدىمۇ ئانا بەدەندىكى ھورمونلار ھېلىھەم تۇراقسىز بولغاچقا، ئالدىنقى ھەپتىدە پەيدا بولغان ئالامەتلەر داۋام قىلىدۇ. يەنى قۇرۇق ھۆ تۇتۇش، بەدەن تېمپىراتۇراسى تۇراقسىزلىنىش، ئاسان ماغدۇرسىزلىنىش، كەيپىيات داۋالغۇش.. قاتارلىق ئالامەتلەر داۋام قىلىدۇ.
بۇ ھەپتىدە ھامىلدارلىق سىناق تاياقچىسى، قان تەكشۈرۈشلەر ئارقىلىق دەسلەپكى مەزگىلدە ھامىلە بولغانلىقنى جەزىملەشتۈرگىلى بولىدۇ. تۆرەلمە ھېلىھەم ناھايىتى ناھايىتى كىچىك بولغاچقا، ئۇلترائاۋازلىق تەشكۈرۈشتە كۆرگىلى بولمايدۇ. دوختۇرلار يەنە بىرقانچە ھەپتە ساقلىشىنى، ئاندىن ئۇلترائاۋازلىق تەشكۈرۈش قىلىشنى تەۋسىيە قىلىدۇ. شۇڭا ئانا ۋە پۈتۈن ئائىلىدىكىلەرنىڭ كۆپرەك سەۋىرچان بولۇش تەلەپ قىلىنىدۇ.
بۇنىڭدىن سىرت ئالدىنقى ھەپتىلەردە قىلىنغان تەۋسىيەلەرنىمۇ كۆرۈپ بېقىشىڭىزنى ئۈمىد قىلىمىز.
يۇقارىدىكى مەزمونغا قانداق قارايسىز؟
+1
+1
+1
+1
+1
+1
+1
