ئاشقازان كۆپۈش دېگىنىمىز، ئاشقازانغا يەل تولۇش، كۆپۈش ياكى بىئارام بولۇش ئالامەتلىرىنى كۆرسىتىدۇ.
ئۇيغۇرچە: ئاشقازان كۆپۈش
ئىنگىلىزچە: Bloating
خەنزۇچە: 胃胀
تۈركچە: Şişkinlik
تۆۋەندىكىسى مۇمكىن بولغان بەزى سەۋەبلەر:
1. يېمەك ئىچمەك مەسىلىسى تاماقنى زىيادە كۆپ يېيىش، بەك تېز يېيىش، يۇقىرى مايلىق، يۇقىرى تالالىق ياكى تەستە ھەزىم بولىدىغان يېمەكلىكلەرنى يېيىش قاتارلىقلارنىڭ ھەممىسى ئاشقازان كۆپۈشنى كەلتۈرۈپ چىقىرىشى مۇمكىن.
2. ھەزىم قىلىش ياخشى بولماسلىق ئاشقازان كىسلاتاسى ئېشىپ كېتىش ياكى ئاشقازان كىسلاتاسى يېتەرلىك بولماسلىق، ئاشقازان – ئۈچەي ئىقتىدارى قالايمىقانلىشىش قاتارلىق مەسىلىلەرمۇ ئاشقازان كۆپۈشنى كەلتۈرۈپ چىقىرىشى مۇمكىن.
3. بېسىم ۋە تەشۋىش كەيپىيات جىددىيلىشىش، تەشۋىشلىنىش ۋە بېسىم زىيادە چوڭ بولۇپ كېتىشمۇ ئاشقازان – ئۈچەي يوللىرىنىڭ نورمال ھەرىكىتىگە تەسىر يەتكۈزۈپ، ئاشقازان كۆپۈشنى كەلتۈرۈپ چىقىرىشى مۇمكىن.
ئاشقازان كۆپۈش ئەھۋالىغا قارىتا، دوختۇر ئادەتتە كېسەللىك تارىخىنى تەپسىلىي سورايدۇ ۋە بەدەن تەكشۈرىدۇ، ھەمدە تۆۋەندىكى تەكشۈرۈشلەرنى ئېلىپ بېرىشنى تەۋسىيە قىلىشى مۇمكىن:
1. قان تەكشۈرۈش يۇقۇملىنىش ياكى باشقا كېسەللىكلەرنىڭ بار – يوقلۇقىنى تەكشۈرگىلى بولىدۇ.
2.X سىزىقلىق تەكشۈرۈش:ئاشقازان – ئۈچەي يولى قۇرۇلمىسى ۋە ئىقتىدارىنىڭ نورمال ياكى نورمال ئەمەسلىكىنى كۆزىتىشكە بولىدۇ.
3. ئېندوسكوپتا تەكشۈرۈش ئاشقازان – ئۈچەي يوللىرىنىڭ ئىچكى ئەھۋالىنى، جۈملىدىن ياللۇغ، يارا قاتارلىق مەسىلىلەرنىڭ بار – يوقلۇقىنى بىۋاسىتە كۆزەتكىلى بولىدۇ.
داۋالاش ئۇسۇلى كېسەللىك سەۋەبىگە قاراپ پەرقلىنىدۇ. ئەگەر يېمەك – ئىچمەك مەسىلىسى كەلتۈرۈپ چىقارغان بولسا، يېمەك – ئىچمەك ئادىتىنى ئۆزگەرتىش ئارقىلىق كېسەللىك ئالامىتىنى پەسەيتىشكە بولىدۇ؛ ئەگەر ھەزىم قىلىش ياخشى بولماسلىقتىن كېلىپ چىققان بولسا، كىسلاتاغا قارشى دورىلار ياكى ئاشقازان – ئۈچەي يوللىرىنىڭ لۆمۈلدىشىنى ئىلگىرى سۈرىدىغان دورىلارنى ئىستېمال قىلىش ئارقىلىق داۋالاشقا بولىدۇ؛ ئەگەر بېسىم ۋە تەشۋىشلىنىش كەلتۈرۈپ چىقارغان بولسا، ئۆزىنى ئەركىن تۇتۇش ماھارىتى، پىسخىكىلىق داۋالاش قاتارلىق ئۇسۇللار ئارقىلىق كېسەللىك ئالامىتىنى پەسەيتىشكە بولىدۇ.
