بوۋاسىر يەنە گېموروي دەپمۇ ئاتىلىدۇ، ئۇ مەقئەت ۋە تۈز ئۈچەي ئەتراپىدىكى قان تومۇرلارنىڭ كېڭىيىشى ۋە پولتىيىپ چىقىشىنى كۆرسىتىدۇ. بۇ خىل ئەھۋال غەرب تېبابىتىدە ئىنتايىن كۆپ ئۇچرايدۇ، بولۇپمۇ ئۇزاق مۇددەت قەۋزىيەت بولغان، ھامىلدار بولغان ياكى دائىم ئېغىر نەرسىلەرنى كۆتۈرىدىغان كىشىلەر توپىدا كۆپ كۆرۈلىدۇ.
سەۋەبى:
1. قەۋزىيەت:ئۇزۇن ۋاقىت كۈچەپ تەرەت قىلغاندا تۈز ئۈچەيدىكى بېسىم ئېشىپ كېتىپ، قان تومۇرلار كېڭىيىدۇ.
2. ھامىلىدارلىق:ھامىلىدارلىق مەزگىلىدە بالىياتقۇ تۆۋەنكى قورساق قىسمىدىكى چوڭ قان تومۇرلارغا بېسىم پەيدا قىلىپ، قاننىڭ قايتىشىنى توسقۇنلۇققا ئۇچرىتىپ، تۈز ئۈچەيدىكى بېسىمنى ئاشۇرۇۋېتىدۇ.
3. ئىرسىيەت ئامىلى:جەمەت تارىخى بار كىشىلەر ئاسانلا بوۋ* كېسىلىگە گىرىپتار بولىدۇ.
4. ئۇزاق ۋاقىت مىدىرلىماي تۇرۇش:بۇ داس بوشلۇقى رايونىنىڭ بېسىمىنى ئاشۇرۇپ، قان ئايلىنىشنىڭ راۋان بولماسلىقىنى كەلتۈرۈپ چىقىرىدۇ.
5. سېمىزلىك:بەدەن ئېغىرلىقى ئېشىپ كېتىش ياكى سېمىزلىك داس بوشلۇقىنىڭ بېسىمىنى ئاشۇرۇپ، بوۋاسىر ( گېموروي ) لارنى كەلتۈرۈپ چىقىرىشى مۇمكىن.
6. ياش:ياشنىڭ چوڭىيىشىغا ئەگىشىپ، توقۇلمىلار تېخىمۇ ئاجىزلىشىپ، ئاسانلا زەخىملىنىدۇ.
7. باشقا كېسەللىكلەر:مەسىلەن، جىگەر كېسىلى، يۈرەك زەئىپلىشىش قاتارلىقلارمۇ بوۋاسىر كېسىلىگە گىرىپتار بولۇش خەۋپىنى ئاشۇرۇۋېتىشى مۇمكىن.
تەكشۈرۈش ۋە دىئاگنوز قويۇش ئۇسۇلى:
1. بەدەن تەكشۈرۈش:دوختۇر ئادەتتە مەقئەتنى بارماق بىلەن تەكشۈرۈش ئارقىلىق بوۋاسىر بار-يوقلۇقىنى تەكشۈرىدۇ. بۇ جەرياندا دوختۇر پەلەي كىيىپ ھەمدە سىلىقلاش مېيى سۈركەپ، ئاندىن بارماق بىلەن مەقئەت ۋە تۈز ئۈچەينىڭ ئىچكى قىسمىنى تەكشۈرىدۇ.
2. مەقئەت ئەينىكىدە تەكشۈرۈش:ئەگەر تېخىمۇ تەپسىلىي تەكشۈرۈشكە توغرا كەلسە، دوختۇر مەقئەت ئەينىكى ئارقىلىق مەقئەت ۋە تۈز ئۈچەينىڭ ئىچكى ئەھۋالىنى كۆزىتىشى مۇمكىن.
3. بوغماق ئۈچەي ئەينىكىدە تەكشۈرۈش:بەزى ئەھۋاللاردا، باشقا كېسەللىكلەرنىڭ ئېھتىماللىقىنى نەزەردىن ساقىت قىلىش ئۈچۈن، دوختۇر بوغماق ئۈچەي ئەينىكىدە تەكشۈرۈش تەكلىپىنى بېرىشى مۇمكىن.
4. ئۇلترا ئاۋاز دولقۇنىدا تەكشۈرۈش:بەزى ئەھۋاللاردا، دوختۇر ئۇلترا ئاۋاز دولقۇنى ئارقىلىق مەقئەت ۋە تۈز ئۈچەينىڭ قۇرۇلمىسىنى تەكشۈرۈشى مۇمكىن.
داۋالاش ئۇسۇلى:
1. ئائىلىدە داۋالاش ئۇسۇلى:ئولتۇرۇپ يۇيۇنۇش، رېتسېپسىز مەلھەم دورا ياكى نوكچا دورا ئىشلىتىش، چوڭ تەرەتنىڭ راۋانلىقىنى ساقلاش قاتارلىقلارنى ئۆز ئىچىگە ئالىدۇ.
2. دورا بىلەن داۋالاش:ئاغرىق توختىتىش دورىسى، ياللۇغ قايتۇرۇش دورىسى ياكى چوڭ تەرەتنى يۇمشىتىدىغان دورىلارنى ئىشلىتىش ئارقىلىق كېسەللىك ئالامىتىنى پەسەيتكىلى بولىدۇ.
3. ئەڭ كىچىك يارىلىغۇچى خاراكتېرلىك ئوپېراتسىيە:مەسىلەن، قاتتىقلاشتۇرۇپ داۋالاش ئۇسۇلى، رېزىنكە بوغقۇچ بوغۇش ئوپېراتسىيىسى قاتارلىقلار. بۇ ئوپېراتسىيەلەر ئادەتتە ئامبولاتورىيەدە ئوپېراتسىيە قىلىنىدۇ، ئەسلىگە كېلىش ۋاقتى بىر قەدەر قىسقا.
4. ئەنئەنىۋى ئوپېراتسىيە:ئېغىر بوۋاسىر ( گېموروي ) لارنى ئەنئەنىۋى ئوچۇق ئوپېراتسىيە قىلىش ئارقىلىق بوۋاسىر توقۇلمىلىرىنى كېسىپ ئېلىۋېتىشكە توغرا كېلىدۇ. بۇ خىل ئوپېراتسىيەدە ئادەتتە دوختۇرخانىدا يېتىپ داۋالىنىشقا توغرا كېلىدۇ، ئەسلىگە كېلىش ۋاقتى بىر قەدەر ئۇزۇن.
