تېرە ئادەم تېنىنى ئوراپ تۇرىدىغان بولغاچقا، ئىچكى ئەزالاردىكى كېسەللىك ئۆزگىرىشلىرىنى ئەكس ئەتتۈرۈپ بېرەلەيدۇ دىئابېت كېسىلىگە گىرىپتار بولغانلارغا نىسبەتەن ئېيتقاندا، ئۇنىڭ تېرىدىكى بەلگىلىرى تۆۋەندىكىدەك بولىدۇ:
تېرىدە قىزىل داغ پەيدا بولىدۇ، پۇت-قول بارماقلىرى، ئالقىنى ۋە دۈمبىدە يالغۇز ياكى بىر نەچچە سۇلۇق خالتا پەيدا بولۇپ، بىر نەچچە ھەپتە ئىچىدە ئۆزلۈكىدىن يوقاپ كېتىدۇ، لېكىن يەنە تەكرارلىنىدۇ.تېرە قىچىشىپ تۇرىدۇ.
دىئابېت كېسەلىگە گىرىپتار بولغان تەخمىنەن يەتتە پىرسەنت بىمارنىڭ پۈتۈن بەدىنى ياكى قىسمە جايلىرىنىڭ تېرىسى قۇرغاقلىشىپ قاسىراق تاشلايدۇ، تاتلىق قىچىشىدۇ.گەدەن تۈك خالتىسى ياللۇغلىنىدۇ. گەدەن قىسمىغا ئىسسىقلىق پەيدا بولۇپ بىر نەرسە تەگسىلا ئاغرىيدۇ.
ۋاقتىدا داۋالىمىسا تەرەققىي قىلىپ، كۆنەكسىمان توقۇلما ياللۇغىغا ئايلىنىپ كېتىدۇ. زەردىپى چىقىرىۋېتىلگەندىن كېيىن، ئۆزلۈكىدىن ساقىيىپ قالىدۇ. لېكىن يەنە تەكرارلىنىدۇ.نورمالسىز تەرلەيدۇ، كۆپ تەرلەيدۇ (كۆپىنچە قول ياكى بەدىنى) ياكى ئاز تەرلەيدۇ ( كۆپىنچە پۇت ياكى بەدىنى)، بەزى بىمارلار چىپىلداپ تۇرىدۇ.پۇت قىسمىدا گانگرېنا پەيدا بولىدۇ.
بىمارنىڭ پۇتى ئاغرىپ ئىسسىمايدۇ، قۇرغاقلىشىپ يېرىلىدۇ، يىرىڭدايدۇ، توقۇلمىلىرى بۇزۇلۇپ ئاسانلىقچە ساقايمايدۇ، ھەتتا پۇتى تېشىلىدۇ.سېرىق ئۆسمە پەيدا بولىدۇ. پۇت-قول بەلدەملىرى، مۈرە، گەدەن، تىز قاتارلىق جايلارنىڭ تېرىسىدە سېرىق مونەكچىلەر ياكى ئۇششاق دۆڭچە ئەسۋىلەر ئۆرلەپ چىقىدۇ. ئۇنىڭ ئەتراپى قىزىرىپ قىچىشىدۇ، يۇقىرىقى كېسەللىك دىئابېت كېسىلىنىڭ دەسلەپكى مەزگىلىدىكى بەلگىلىرى بولۇپ، بۇ ئالامەتلەرنىڭ بىر كۆرۈلسە، ۋاقتىدا دوختۇرخانىغا بېرىپ، قان، سۈيدۈكنى تەكشۈرتۈپ، ۋاقىتنى چىڭ تۇتۇپ داۋالىنىشى كېرەك.