گالستۇكنى بەك چىڭ چىگىۋەتكەندە، بويۇن ئارتېرىيىسى ۋە نېرۋا تومۇرلىرى سىقىلىپ، قاننىڭ نورمال ئايلىنىشى توسقۇنلۇققا ئۇچراپ، مېڭىگە قان، ئوكسىگېن يېتىشمەسلىك كېلىپ چىقىىپ، ئوزۇقلۇق بىلەن نورمال تەمىنلىنىش چەكلىمىگە ئۇچراپ، كۆرۈش نېرۋىسى ۋە كۆزنى ھەرىكەتلەندۈرگۈچى نېرۋىنى ھاردۇرۇپ، كۆز ئىششىشنى، كۆز تورلىشىشنى كەلتۈرۈپ چىقىرىدۇ.
بولۇپمۇ، كاتىپلىق خىزمىتى قىلىدىغان خادىملار، بېشىنى تۆۋەن قىلىپ خىزمەت قىلغان ۋاقىتتا، گالستۇك تېخىمۇ چىڭىپ، كۆزنىڭ ئارامسىزلىنىشى تېخىمۇ ئېنىق بولىدۇ. بۇ ۋاقىتتا گالستۇك ئازراق بوشىتىلسا، باشنى كۆتۈرگەن ۋاقىتتا كۆزنىڭ ئىششىشى سەل يېنىكلەيدۇ.
شۇڭا، كۆز بۆلۈم دوختۇرلىرىنىڭ تەكلىپى بويىچە، دائىم گالستۇك تاقاپ يۈرۈيدىغان كىشىلەر بويۇننىڭ ئازادىلىكىنى مۇۋاپىقلاشتۇرۇشى لازىم. شۇنىڭ بىلەن بىرگە، قەلەم بىلەن ھەپىلىشىدىغان كىشىلەر ھەر دائىم يىراققا قاراپ كۆزنى ئارام ئالدۇرۇشى كېرەك.
بويۇن ئارتېرىيىسى سىنۇسى سەزگۈر كىشىلەر گالستۇك چەگكەن، ياقا تۈگمىسىنى ئەتكەن ۋە يۇمىلاق ياقىلىق، ئېگىز ياقىلىق كۆڭلەك كىيگەن ۋاقىتتا بەك چىڭ بولۇپ كەتمەسلىككە دىققەت قىلىش، ئەڭ ياخشىسى بويۇننىڭ ئالدى تەرىپىدە 2 بارماق پاتقۇدەك بوشلۇق قالدۇرۇش لازىم.
خىزمەت سالمىقى كۈچلۈك، كەيپىيات ئۆزگىرىشى جىددىي ھەمدە مۇھىت تېمپېراتۇرا ۋە نەملىك يۇقىرى بولغان ۋاقىتتا دەرھال گالستۇكنى بوشىتىش ياكى يېشىۋېتىش لازىم.
