تۈركىيىدە قويۇلغان كىنو، فىلىملەر، كۆرۈنۈشلىك خەۋەر مەزمونلارنىڭ باشلىنىشنىڭ ئالدىدا بەزى بەلگىلەرنى چىقىرىپ قويىدۇ. بۇ بەلگە ئىشارەتلەر، مەزكۇر فىلىمنىڭ ئىچىدىكى مەزمونلارنىڭ قايسى ياش گۇرۇپپىسىدىكى كىشىلەرگە ماس كېلىدىغانلىقىنى بەلگىلەيدۇ.
«5244 – نومۇرلۇق كىنونى باھالاش ۋە تۈرگە ئايرىش ھەم قوللاش قانۇنى» ۋە «كىنونى باھالاش ۋە تۈرگە ئايرىش تەرتىپى ھەم پىرىنسىپ نىزامى» غا ئاساسەن، مەدەنىيەت ۋە ساياھەت مىنىستىرلىقى قارمىقىدىكى باھالاش ۋە تۈرلەرگە ئايرىش كومىتېتى دۆلەت ئىچىدە ئىشلەپچىقىرىلغان ياكى ئىمپورت قىلىنغان كىنولارنى باھالاش ۋە تۈرلەرگە ئايرىشقا مەسئۇل بولىدۇ.
كىنو، رەقەملىك ئويۇن ۋە ئالدىن ئېلان قىلىنغان فىلىمىنى باھالاش ۋە تۈرگە ئايرىشنى ئىككى كومىتېت ئېلىپ بارىدۇ : بىرىنچى، مەدەنىيەت ۋە ساياھەت مىنىستىرلىقىنىڭ ۋەكىلى، كىنوچىلىق كەسپىي جەمىئيىتىنىڭ ۋەكىلى ھەمدە مەدەنىيەت ۋە ساياھەت مىنىستىرلىقى بېكىتكەن بىر نەپەر پىسخولوگدىن تەشكىللەنگەن «تارماق كومىتېت» بولىدۇ ؛ ئىككىنچىسى، مەدەنىيەت ۋە ساياھەت مىنىستىرلىقى، ئىچكى ئىشلار مىنىستىرلىقى ۋە مائارىپ مىنىستىرلىقىنىڭ بىردىن ئەزاسى، ئالاقىدار ساھەلەردىكى كەسپىي جەمئىيەتلەر كۆرسەتكەن مۇتەخەسسىسلەر ئىچىدىن تاللاپ چىقىلغان ئۈچ ئەزا، شۇنداقلا مەدەنىيەت ۋە ساياھەت مىنىستىرلىقى بېكىتكەن دوكتورلۇق ئۇنۋانىغا ئىگە بىر جەمئىيەتشۇناس، بىر پىسخولوگ ۋە بىر بالىلار تەرەققىيات مۇتەخەسسىسى بولۇپ جەمئىي توققۇز ئەزادىن تەركىب تاپقان «باھالاش ۋە تۈرگە ئايرىش كومىتېتى» بولىدۇ.
كومېتىت كىنو ۋە ئالدىن ئېلان قىلىش فىلىمىنى باھالاش ۋە تۈرگە ئايرىغاندا، ئۇنىڭ ئىچىدە مەۋجۇت بولۇش ئېھتىمالى بولغان زوراۋانلىق، تېررورلۇق، جىنسىيەت ۋە يالىڭاچ مەزمۇنلار، شۇنداقلا زەھەر، قوپال تىل قاتارلىق سەلبىي تەسىر پەيدا قىلىش ئېھتىمالى بولغان قىلمىشلارنىڭ دەرىجىسىنى ئويلىشىدۇ. بۇ تىلغا ئېلىنغان بارلىق ئامىللارنى ئۆز ئىچىگە ئېلىپ تۇرۇپ، تۆۋەندىكى تۈرلەرگە ئايرىپ چىقىدۇ.
ئائىلىدە يالغۇز ياكى بالىلىرىڭىز بىلەن بىللە كىنو فىلىم كۆرگەندە ، ئەڭ بېشىدا چىققان بەلگىگە ئاساسەن بالىڭىز ۋەيا سىز بىلەن بىللە بولغان كۆرۈرمەننىڭ بۇ فىلىمنى كۆرۈش ۋەيا كۆرمەسلىكنى قارار بەرسىڭىز بولىدۇ.
كىنو-فىلىملەر باھالاش ۋە تۈرگە ئايرىش بەلگىلىرى
6 ياشتىن كىچىك
كۆرۈرمەنلەر ئائىلە ھەمرالىقىدا كۆرسە بولىدۇ
6 ياش ۋە ئۈستىدىكى
كۆرۈرمەنلەر ئۈچۈن تەييارلانغان
10 ياشتىن كىچىك
كۆرۈرمەنلەر ئائىلە ھەمرالىقىدا كۆرسە بولىدۇ
10 ياش ۋە ئۈستىدىكى
كۆرۈرمەنلەر ئۈچۈن تەييارلانغان
13 ياشتىن كىچىك
كۆرۈرمەنلەر ئائىلە ھەمرالىقىدا كۆرسە بولىدۇ
13 ياش ۋە ئۈستىدىكى
كۆرۈرمەنلەر ئۈچۈن تەييارلانغان
16 ياش ۋە ئۈستىدىكى
كۆرۈرمەنلەر ئۈچۈن تەييارلانغان
18 ياش ۋە ئۈستىدىكى
كۆرۈرمەنلەر ئۈچۈن تەييارلانغان
ھەرياش كۆرۈرمەنلەر
ئۈچۈن تەييارلانغان.
شىددەت ۋە قورقۇنچ
مەزمونلار بار.
جىنسى ۋە يالىڭاچ
مەزمونلار بار
پاسسىپ ئۈلگە
بولىدىغان مەزمونلار بار.
پايدىلانغان مەنبە:
https://sinema.ktb.gov.tr/TR-144749/degerlendirme-ve-siniflandirma-isaretleri.html
باھالانغان ۋە تۈرگە ئايرىلغان كىنو ۋە رەقەملىك ئويۇنلارنى كۆرمەكچى بولسىڭىز تۆۋەندىكى ئۇلانمىنى چېكىڭ:
http://filmsiniflandirma.ktb.gov.tr
