كۆرۈش دائىرىسى كەمتۈكلۈكى كۆرۈش دائىرىسىدە قاراڭغۇ، غۇۋا ياكى كۆرمەس بولۇپ قالغان رايوننى كۆرسىتىدۇ.
غەرب تېبابىتى نۇقتىسىدىن قارىغاندا، كۆرۈش دائىرىسىنىڭ كەمتۈكلۈكىنى كۆپ خىل سەۋەبلەر كەلتۈرۈپ چىقارغان بولۇشى مۇمكىن، ئۇ تۆۋەندىكىلەرنى ئۆز ئىچىگە ئالىدۇ:
1. كۆرۈش تور پەردىسى كېسەللىكلىرى:مەسىلەن، گلاۋكوما، سېرىق داغنىڭ ئۆزگىرىشى قاتارلىقلار كۆرۈش تور پەردىسىنى زەخىملەندۈرۈپ، كۆرۈش دائىرىسىگە تەسىر يەتكۈزىدۇ.
2. مېڭە قان تومۇر كېسەللىكلىرى:مەسىلەن:مېڭە تىقىلمىسى، مېڭىگە قان چۈشۈش قاتارلىقلار چوڭ مېڭىنىڭ كۆرۈش ئۇچۇرىنى بىر تەرەپ قىلىش ئىقتىدارىغا تەسىر يەتكۈزۈپ، كۆرۈش دائىرىسى كەمتۈكلىكىنى كەلتۈرۈپ چىقىرىدۇ.
3. نېرۋا چېكىنىش خاراكتېرلىك كېسەللىكلەر:مەسىلەن:ئالزېيمېر كېسىلى، پاركىنسون كېسىلى قاتارلىقلار نېرۋا سىستېمىسىنىڭ ئىقتىدارىغا تەسىر كۆرسىتىپ، كۆرۈش دائىرىسى كەمتۈك بولۇشنى كەلتۈرۈپ چىقىرىدۇ.
4. تاشقى زەخىم:باش قىسمى زەخىملەنسە ياكى ئوپېراتسىيەدىن كېيىن كۆرۈش نېرۋىسى زەخىملىنىپ، كۆرۈش دائىرىسى كەمتۈك بولۇپ قېلىشى مۇمكىن.
5. باشقا كېسەللىكلەر:مەسىلەن، دىئابېت كېسىلى، يۇقىرى قان بېسىم قاتارلىقلارمۇ كۆرۈش دائىرىسى كەمتۈكلۈكىنى كەلتۈرۈپ چىقىرىشى مۇمكىن.
كۆرۈش دائىرىسى كەمتۈكلۈكىنىڭ دەرىجىسى ۋە دائىرىسى ئادەمگە قاراپ پەرقلىق بولىدۇ، بەزى كىشىلەرنىڭ كۆرۈش دائىرىسى پەقەت يېنىك دەرىجىدە كىچىكلەپ كېتىشى مۇمكىن، بەزى كىشىلەردە بولسا پۈتۈنلەي كۆرمەس بولۇپ قېلىش ئەھۋالى كۆرۈلۈشى مۇمكىن. ئەگەر ئۆزىدە كۆرۈش دائىرىسى كەمتۈك بولۇش ئالامەتلىرى بايقالسا، ۋاقتىدا دوختۇرغا كۆرۈنۈپ دىئاگنوز قويۇش ۋە داۋالاش كېرەك.
