مەقئەت يېرىلىش مەقئەت شىللىق پەردىسى ۋە قىسمەن قورۇغۇچى مۇسكۇللاردا يېرىق پەيدا بولىدىغان بىر خىل دائىم كۆرۈلىدىغان كېسەللىكنى كۆرسىتىدۇ. ئۇ ئادەتتە چوڭ تەرەت قىلغاندا قاتتىق ئاغرىش ۋە قاناشنى كەلتۈرۈپ چىقىرىپ، بىمارغا ناھايىتى زور بىئاراملىق ئېلىپ كېلىدۇ.
سەۋەبى:
1. قەۋزىيەت:ئۇزاق مۇددەت قەۋزىيەت بولغاندا چوڭ تەرەت قاتتىق كېلىدۇ، كۈچەپ تەرەت قىلىشقا توغرا كېلىدۇ، بۇنىڭ بىلەن تۈز ئۈچەيدىكى بېسىم ئېشىپ، مەقئەت شىللىق پەردىسى يىرتىلىپ كېتىدۇ.
2. ئىچ سۈرۈش:توختىماي ئىچ سۈرۈشمۇ مەقئەت شىللىق پەردىسىنى زىيانغا ئۇچرىتىشى مۇمكىن.
3. تۇغۇش:تۇغۇش جەريانىدا، بولۇپمۇ جىنسىي يول ئارقىلىق تۇغۇش مەقئەت شىللىق پەردىسىنىڭ يىرتىلىشىنى كەلتۈرۈپ چىقىرىشى مۇمكىن.
4. باشقا كېسەللىكلەر:مەسىلەن، ياللۇغلۇق ئۈچەي كېسىلى، ئۆسمە قاتارلىقلارمۇ مەقئەت يېرىلىشنى كەلتۈرۈپ چىقىرىشى مۇمكىن.
5. ئادەت خاراكتېرلىك كۈچەپ تەرەت قىلىش:بەزى كىشىلەر تەرەت قىلغاندا ئادەت خاراكتېرلىك كۈچەپ تەرەت قىلىدۇ، بۇمۇ مەقەت يېرىلىشنى كەلتۈرۈپ چىقىرىدىغان دائىم كۆرۈلىدىغان بىر سەۋەب.
6. تۇغما ئامىل:بەزى كىشىلەردە تۇغما مەقئەت تارىيىش ياكى مەقئەت تولۇق يېتىلمەسلىك سەۋەبىدىن مەقئەت يېرىلىش كېلىپ چىقىشى مۇمكىن.
تەكشۈرۈش ۋە دىئاگنوز قويۇش ئۇسۇلى:
1. بەدەن تەكشۈرۈش:دوختۇر مەقئەتنى كۆرسىتىپ، مەقئەتتە يېرىق بار – يوقلۇقىنى كۆزىتىدۇ.
2. تۈز ئۈچەينى بارماق بىلەن تەكشۈرۈش:تۈز ئۈچەينى بارماق بىلەن تەكشۈرۈش ئارقىلىق تۈز ئۈچەينىڭ ئىچكى ئەھۋالىنى ئىگىلەپ، باشقا كېسەللىكلەرنىڭ ئېھتىماللىقىنى نەزەردىن ساقىت قىلغىلى بولىدۇ.
3. بارىي دورىسى بىلەن ھەمەل قىلىش X نۇرى ئارقىلىق تەكشۈرۈش:باشقا ئۈچەي يولى كېسىلى بار دەپ گۇمان قىلىنغان بىمارلار بۇ خىل تەكشۈرۈشنى ئېلىپ بېرىشى مۇمكىن.
4. تىرىك توقۇلمىلارنى تەكشۈرۈش:بەزى ئەھۋاللاردا، باشقا كېسەللىكلەرنىڭ بولماسلىقىغا كاپالەتلىك قىلىش ئۈچۈن، كىچىك بىر پارچە توقۇلمىلارنى ئېلىپ پاتولوگىيەلىك تەكشۈرۈشكە توغرا كېلىشى مۇمكىن.
داۋالاش ئۇسۇلى:
1. مۇتەئەسسىپ داۋالاش:يېنىك دەرىجىدىكى مەقئەت يېرىلىشنى ئالدى بىلەن مۇتەئەسسىپ داۋالاش تەۋسىيە قىلىنىدۇ، بۇ يېمەك – ئىچمەكنى تەڭشەش ( تاماق تالاسىنى كۆپەيتىش )، سۇ تەركىبىنىڭ قوبۇل قىلىنىشىنى ئاشۇرۇش، ئۇزۇن ۋاقىت ئولتۇرۇشتىن ساقلىنىش، سىلىقلاش مېيى ئىشلىتىش قاتارلىقلارنى ئۆز ئىچىگە ئالىدۇ. ئۇنىڭدىن باشقا، يەنە دورا بىلەن داۋالاشقىمۇ بولىدۇ، مەسىلەن، ياللۇغ قايتۇرۇش، ئاغرىق توختىتىش دورىسى، چوڭ تەرەتنى يۇمشىتىدىغان دورا قاتارلىقلار.
2. مىكرو زەخىملىك داۋالاش:مەقئەت يېرىلىشنى ئوتتۇراھال ۋە ئېغىر دەرىجىدە داۋالاشتا، مىكرو زەخىملىك داۋالاشنى ئويلىشىشقا بولىدۇ، مەسىلەن، قاتۇرغۇچى دورىلارنى ئوكۇل قىلىش، رېزىنكە بوغقۇچ بىلەن تېڭىش تېخنىكىسى قاتارلىقلار. بۇ ئۇسۇللار ئەنئەنىۋى ئوپېراتسىيەگە قارىغاندا يارىسى كىچىك، ئەسلىگە كېلىشى تېز بولۇشتەك ئەۋزەللىككە ئىگە.
3. ئوپېراتسىيە قىلىپ داۋالاش:مەقئەت يېرىلىش ئېغىر بولغان ياكى مۇتەئەسسىپ داۋالاش ئۈنۈم بەرمىگەن ئەھۋالدا، ئوپېراتسىيە قىلىپ داۋالاشقا توغرا كېلىشى مۇمكىن. ئوپېراتسىيە ئۇسۇلى كۆپ خىل بولىدۇ، مەسىلەن، ئېلىۋېتىش ئوپېراتسىيىسى، لازېر نۇرى ئارقىلىق داۋالاش قاتارلىقلار. قايسى خىل ئوپېراتسىيە ئۇسۇلىنى تاللاش بىمارنىڭ كونكرېت ئەھۋالى ۋە دوختۇرنىڭ تەكلىپىگە باغلىق.
