شياۋخې ساغلاملىق تورى خەۋىرى، نۇر تورى تەرجىمىسى:
1.ئاشقازان-ئۈچەي كېسەللىكلىرى
كىلىنكىلىق تەكشۈرۈشلەردە كۆرسىتىلىشىچە، ئاشقازان ياللۇغى، ئاشقازان يارىسى قاتارلىق كېسەللىكلەرگە گىرىپتار بولغان كىشىلەرنىڭ كۆپىنچىسىدە ناشتا قىلماسلىق ئادىتى بار ئىكەن. بۇنداق كېسەللىكنىڭ كېلىپ چىقىشىدىكى سەۋەب شۇكى، ئادەم بەدىنىدىكى ئاشقازان، ئۈچەي بىيولوگىيەلىك سائىتىگە ئەمەل قىلىدىغان ئادەت بار، مۇقىم ۋاقىت ئىچىدە ھاسىل بولغان ھەزىم قىلىش سۇيۇقلۇقى كېچىچە ماددا ئالماشتۇرۇش ئارقىلىق ئاشقازاندا يېمەكلىك قالمايدۇ. ئەگەر ئەتىگەندە ناشتا قىلمىسا، ئاشقازان، ئۈچەي توختىماي ھەزىم قىلىش سۇيۇقلۇقى ئاجرىتىپ چىقىرىپ، ئۈچەي يولى ۋە ئاشقازاننى غىدىقلاپ، ئاشقازان يارىسى ۋە باشقا ئاشقازان-ئۈچەي كېسەللىكلىرىنى پەيدا قىلىدۇ.
2.جىگەرنى ماي قاپلاش
جىگەرنى ماي قاپلاش كېسەلللىكى كىشىلەرگە خېلى تونۇش، بەزىلەر سېمىز كىشىلەر ئاسانلا جىگەرنى ماي قاپلاش كېسىلىگە گىرىپتار بولىدۇ، دەپ قارايدۇ. ئەمەلىيەتتە ئۇنداق ئەمەس، جىگەرنى ماي قاپلاش بىمارلىرىنىڭ ئىچىدە بەدەن ئېغىرلىقى نورمال، ھەتتا ئورۇق كىشىلەرمۇ بار. جىگەرنى ماي قاپلاش كېسەللىكى يېمەكلىك بىلەنمۇ زىچ مۇناسىۋەتلىك، بولۇپمۇ ناشتا قىلمىغان چاغدا بەدىنىمىز توختىماستىن ئېنېرگىيە سەرپ قىلىپ، بەدەندىكى قان شېكەر مىقدارىنىڭ داۋاملىق تۆۋەنلىشىنى كەلتۈرۈپ چىقىرىپ، جىگەر گىلىكوگېنىنى ئۈزۈكسىز پارچىلاپ، ماددا ئالماشتۇرۇپ، ئادەم بەدىنىنى ئېھتىياجلىق بولغان ماددىلارنى تەمىنلەيدۇ، ئەمما گلىكوگېننىڭ ئازىيىشىغا ئەگىشىپ، بەدەندىكى ماي جىگەرنى قاپلاپ، ئاخىرىدا بۇ كېسەللىكنى كەلتۈرۈپ چىقىرىدۇ.
3. ئۆتكە تاش چۈشۈش
ئۆتكە تاش چۈشۈش دېگەنلىك ئۆت يولى سىستېمىسى ياكى ئۆت نەيچىسىدە پەيدا بولغان تاش چۈشۈش كېسەللىكىنى كۆرسىتىدۇ. ئۇنىڭ خەتىرى ئىنتايىن چوڭ، ئادەتتە قورساق ۋە مۈرە قىسمىنىڭ ئاغرىشىنى كەلتۈرۈپ چىقىرىدۇ. ئۆتگە چۈشكەن تاش ئۆت خالتىسىغا داۋاملىق سۈركەلگەندە ياللۇغلىنىش، ھەتتا ئۆسمە پەيدا قىلىشى مۇمكىن. ئۆتكە تاش چۈشۈشنى كەلتۈرۈپ چىقىرىدىغان ئاساسلىق سەۋەبلەرنىڭ بىرسى ناشتا قىلماسلىقدۇر، چۈنكى سەھەردە ئورنىمىزدىن تۇرغاندىن كېيىن ئاشقازان داۋاملىق لۆمۈلدەپ، ئاشقازان كىسلاتاسى ئاجرىتىپ چىقىرىدۇ. ئەگەر يېمەكلىك ھەزىم قىلىنمىسا، ئاشقازان دىۋارى ئاسانلا زەخىملىنىپ، ئۆت سۇيۇقلۇقىنى ۋاقتىدا بەدەن سىرتىغا چىقىرىۋېتەلمەيدۇ، ۋاقىت ئۇزارغانسېرى خولېستېرول ماددىسىنىڭ يىغىلىشىغا ئەگىشىپ، ئۆتكە تاش چۈشۈش ئەھۋالىنى كەلتۈرۈپ چىقىرىشى مۇمكىن.
4. يۈرەك مۇسكۇلى تىقىلمىسى
ئۈچ ۋاق تاماقنى قانۇنىيەتلىك يىيىش ماددا ئالمىشىشنىڭ نۇرماللىقى ۋە قان تومۇر ساغلاملىقىنىڭ ئاساسى. بىراق كۈندىلىك تۇرمۇشتا بەزى كىشىلەر بۇ ئىنچىكە ھالقىلارغا ئەھمىيەت بەرمەيدۇ، نەتىجىدە يېشىنىڭ چوڭىيىشىغا ئەگىشىپ قان تومۇرلار قېرىپ، ئاسانلا يۈرەك مۇسكۇلى تىقىلمىسى كېلىپ چىقىدۇ. ئاشقازان قۇرۇق ھالەتتە تۇرغاندا، قاندا B تىپلىق قان نۆكچىسى گىلوبولىنى ھاسىل بولىدۇ، بۇنداق ماددا بەزىدە قاننىڭ ئۇيۇش سۈرئىتىنى تېزلىتىپ، قان ئېقىمى ئاستىلاپ قان نۆكچىسى پەيدا بولۇپ، يۈرەك مۇسكۇلى تىقىلمىسىنى پەيدا قىلىدۇ.
مەنبە:
https://m.nur.cn/news/2023/12/17912629.shtml
