ئۇيقۇ دېۋەڭلىك كېسىلىنىڭ ئالدىنى ئېلىشقا ياردەم بېرەلەمدۇ؟

ئۈندىدار سالونى خەۋىرى، نۇر تورى تەرجىمىسى:

ئالزېيمېر كېسىلى (Alzheimer’s disease) يوشۇرۇن تەرەققىي قىلىدىغان نېرۋا سىستېمىسى چېكىنىش خاراكتېرلىك كېسەللىك. كىلىنىكىدا ئەستە تۇتۇش توسالغۇسى، سۆزلىيەلمەسلىك، بىر نەرسىلەرنى ئىشلىتەلمەسلىك، تونۇيالماسلىق، كۆرۈش ئىقتىدارى زىيانغا ئۇچراش، ئىجرا قىلىش ئىقتىدارى توسالغۇغا ئۇچراش ھەمدە خاراكتېر ۋە ھەرىكەت ئۆزگىرىشى قاتارلىق ئومۇميۈزلۈك دېۋەڭلىك (dementia) نىڭ ئىپادىسى ئالاھىدىلىك قىلىنىدۇ، كېسەللىك سەۋەبى ھازىرغىچە ئېنىق ئەمەس.

ئالزېيمېر كېسىلى كراخمالسىمان ئاقسىلنىڭ چوڭ مېڭىدىكى بىنورمال توپلىنىشى مۇناسىۋەتلىك، چوڭ مېڭىدىكى لىمفا توقۇلمىلىرى مېڭە-يۇلۇن سۇيۇقلۇقى ئارقىلىق بۇ خىل ئاقسىلنى تازىلاپ چىقىرىدۇ. تەتقىقاتلاردىن مەلۇم بولۇشىچە، لىمفا توقۇلمىلىرىنىڭ بۇ خىل پائالىيىتى ئۇخلىغاندا ئىنتايىن جانلىق بولىدىكەن، بۇ بەلكىم ئۇخلىغاندا چوڭ مېڭىنىڭ پۈتۈن مېڭە پائالىيىتى بىلەن مۇناسىۋەتلىك بولۇشى مۇمكىن ئىكەن.

تەتقىقاتچىلار 118 پىدائىينى ئىككى يىل ئىز قوغلاپ تەكشۈرگەن، نەتىجىدە ساغلام كىشىلەرگە سېلىشتۇرغاندا، ئالزېيمېر كېسىلى بىمارلىرى ياكى خەۋپ-خەتىرى يۇقىرى كىشىلەر توپىدا، مېڭە ھەرىكىتى ۋە مېڭە-يۇلۇن سۇيۇقلۇقىنىڭ ئېقىش ئەندىزىسى ئارىسىدىكى باغلىنىشچانلىقنىڭ بىر قەدەر ئاجىز ئىكەنلىكى ھەمدە بۇ خىل ئاجىز باغلىنىشچانلىقنىڭ ھەمىشە يۇقىرى سەۋىيەدىكى كىراخمالسىمان ئاقسىلنىڭ جۇغلىنىشى ۋە ئالزېيمېر كېسىلى ئالاھىدىلىكىگە ئەگىشىپ كېلىدىغانلىقى بايقالغان. بۇ تەتقىقات يېڭى ئالزېيمېر كېسىلىگە دىياگنوز قويۇش تېخنىكىسىنى ئېچىشقا ياردەم بېرىدۇ.

مەنبە:
https://m.nur.cn/news/2023/12/17878091.shtml