ساغلام ۋە ئورنى نورمال سۈت چىش چايناش ئۈنۈمىنى ياخشى جارى قىلدۇرۇپ ، ئۆسمۈرلەنىڭ ھەزىم قىلىش ۋە سۈمۈرۈش ئىقتىدارىنى كۆتۈرىدۇ
سۈت چىشى|乳牙
چايناش كۈچى چىش يىلتىزى ئارقىلىق جاغ سۆڭەككە ئۆتۈپ ، جاغ سۆڭەكنىڭ ئۆسۈپ يىتىلىشىنى ئىلگىرى سۈرىدۇ . يەنى تۇراقلىق چىشنىڭ نورمال بىخلىنىشىنى ئىلگىرلىتىپ ، غەيرى چىشنىڭ ئالدىنى ئالىدۇ ، سۈت چىش ئۆسمۈرلەرنىڭ ساغلام ئۆسۈپ يىتىلىشىدە مۇيىم ئەھمىيەتكە ئىگە .
چىش كېسەللىكلىرىنى داۋالاشتا ئۆسمۈرلەر دائىم دوختۇرغا ھەمكارلاشمىغانلىقتىن ھەمدە ئائىلە باشلىقلىرىدا سۈت چىش تۇراقلىق چىشقا ئالمىشىدۇ ، دىگەن خاتا قاراش بولغانلىقتىن ، سۈت چىشنى داۋالاشقا سەل قاراپ ، سۈت چىش كەمتۈك بولۇپ قالىدۇ . سۈت چىش بالدۇر چۈشۈپ كەتسە ، ئۇنىڭغا قوشنا چىشلار كاۋاكقا قاراپ سىلجىغانلىقتىن ، تۇراقلىق چىش بىخلانغاندا ئورۇن يىتىشمەي ، يۆتكىلىپ بىخلىنىدۇ ، سۈت چىش تولۇق بولمىسا ، چايناش ئىقتىدارىنىڭ غىدىقلىشى كەمچىل بولغانلىقتىن ، جاغ سۆڭەك تولۇق يېتىلمەيدۇ .يەنە تېخى غەيرى چىش شەكىللىنىشىمۇ مۇمكىن .
قوزۇق سۈت چىش ۋە ئىككىنچى ئېزىق سۈت چىش ، چىش يايىنىڭ يېتىلىشى ۋە تۇراقلىق چىشنىڭ تىزىلىشى بىلەن زىچ مۇناسىۋەتلىق بولۇپ ، ئۇلارنى چىش ئالمىشىش مەزگىلىگىچە ساقلاشقا تىرىشىش كېرەك . ناۋادا ئىككىنچى ئېزىق سۈت چىش بەك بالدۇر چۈشۈپ كەتسە بوشلۇقنى ساقلىغۇچى ئەسۋاپ ئورنىتىش كېرەك.
ئادەتتە ئۇدۇل سۈت چىش ۋە بىرىنچى ئېزىق سۈت چىش بالدۇر چۈشۈپ كەتسە ھىچ ۋەقەسى يوق .سۈت چىشنىڭ ئالمىشىش مەزگىلىگە ھۆكۈم قىلىشتا ئادەتتە تۇراقلىق چىش بىخلىنىدىغان ئوتتۇرچە ياش ئاساس قىلىنىدۇ . بىر تەرەپتىن بالىنىڭ تولۇق يېشىغا ئاساسلىنىش يەنە بىر تەرەپتىن بىخلىنىپ بولغان تۇراقلىق چىشنىڭ ئەھۋالىغا قاراش ھەمدە چىشنىڭ ئالمىشىش تەرتىپىنىڭ نورمال ياكى ئەمەلىكىگە دىققەت قىلىش كېرەك.يان تۇراقلىق چىشنىڭ بىخلانغا – بىخلانمىغانلىقىغا ۋە سۈت چىشنىڭ بالدۇر چۈشۈپ كىتىشىدىن تۇراقلىق چىشنىڭ بالدۇر بىخلىنىش ئەھۋالى بار – يوقلۇقىغا دىققەت قىلىش كېرەك .
ئومۇمەن تۇراقلىق چىشنىڭ بىخلىنىش ئوتتۇرچە يېشى ۋە قېتىم سانىنى پىششىق بىلىشنىڭ ئۆسمۈرلەرنىڭ سۈت چىشىنى داۋالاش ئۇسۇلىنى ئىگەللەشتە مۇيىم ئەھمىيىتى بار .
