سېنترىفۇگ ماشىنىسىنىڭ خىزمەت پىرىنسىپى مەركەزدىن قېچىش كۈچى قوللىنىلىدۇ. كونكرېت قىلىپ ئېيتقاندا، سېنترىفۇگ يۇقىرى سۈرئەتتە ئايلانغاندا، ئەۋرىشكىدىكى ئوخشاش بولمىغان تەركىبلەر مەركەزدىن قېچىش كۈچىنىڭ تەسىرىدە زىچلىق پەرقىگە ئاساسەن ئايرىلىپ چىقىدۇ. زىچلىقى بىر قەدەر چوڭ تەركىبلەر سىرتقا يەنى پروبىركىنىڭ تۆۋەن قىسىمىغا چۆكىدۇ، زىچلىقى بىر قەدەر كىچىك تەركىبلەر مەركەزگە ئىتتىرىلىدۇدە پروبىركىنىڭ ئۈستۈنكى قىسمىدا قالىدۇ.
قان تەكشۈرۈشتە، قان ئەۋرىشكىسى مەركەزدىن قاچما نەيچە پروبىركىغا سېلىنىدۇ ھەمدە سېنترىفۇگ ئىچىگە سېلىنىدۇ. سېنترىفۇگنى قوزغاتقاندىن كېيىن، تۆۋەندىكى قەۋەتلەرگە بۆلۈنۈش ھادىسىسى يۈز بېرىدۇ:
قىزىل قان ھۈجەيرىسى:زىچلىقى ئەڭ چوڭ بولغاچقا، قىزىل قان ھۈجەيرىسى نەيچە ئاستىغا ئىتتىرىلىدۇ.
ئاق قان ھۈجەيرىسى ۋە قان پىلاستىنكىلىرى:بۇ تەركىبلەرنىڭ زىچلىقى قىزىل قان ھۈجەيرىسى بىلەن قان پىلازمىسى ئارىسىدا بولۇپ، بىر نېپىز قەۋەت ھاسىل قىلىدۇ، بۇ «ئاق قان ھۈجەيرىسى قەۋىتى» ، «بۇففېر قەۋىتى» ياكى «ئاچ سېرىق قەۋىتى» دەپ ئاتىلىدۇ.
قان پلازمىسى:زىچلىقى ئەڭ كىچىك بولۇپ، ئەڭ ئۈستۈنكى قەۋەتكە جايلاشقان بولىدۇ. ئىچىدە سۇ، ئاقسىل، ئوزۇقلۇق ماددىلار، مېنىرال ماددىلار، ھورمونلار…نى ئۆز ئىچىگە ئالىدۇ.
بۇ خىل ئۇسۇل ئارقىلىق قاندىكى ھەرقايسى تەركىبلەر ئۈنۈملۈك ئاجرىتىلىپ، دوختۇرنىڭ تەپسىلىي تەھلىل قىلىشىغا قولايلىق يارىتىلىدۇ، مەسىلەن، قىزىل قان ھۈجەيرىسى، ئاق قان ھۈجەيرىسى ۋە قان پلاستىنكىلىرىنىڭ سانىنى ئۆلچەش ھەمدە قان پلازمىسىدىكى ھەر خىل تەركىبلەرنى تەكشۈرۈش.
تۆۋەندە قان ئانالىزى جەريانىدا پروبىركىدىكى قاننىڭ كۆرۈنۈشى، قاننىڭ قاتلاملارغا ئايرىلىشى ، سېنترىفۇگ ماشىنىسى كۆرۈنۈشلىرى بېرىلدى.
