ئامېرىكىدا ئېلىپ بېرىلغان بىر تۈرلۈك تەتقىقاتتىن مەلۇم بولۇشىچە، قەيسەر ئەرلەرنىڭ ئىممۇنىتېت كۈچى كۈچلۈكرەك بولىدىكەن، بۇنىڭ سەۋەبى قەيسەر ئەرلەرنىڭ بەدىنىدىكى ئىككى تۈرلۈك لىمفا ھۈجەيرىسىنىڭ تەركىبى ئادەتتىكى ئەرلەرنىڭكىدىن يۇقىرىراق بولىدىكەن
بۇ، يۇقۇملۇق كېسەلگە تاقابىلچانلىقنى ئاشۇرىدىكەن. تەتقىقاتچىلار ئەنئەنىۋى‹‹تەبىئىي تاللىنىش›› نەزەرىيەسى بىلەن بۇنى چۈشەندۈرگەن. ئۇلارنىڭ قارىشىچە، قەدىمقى ۋاقىتلاردا قەيسەر، كۈچلۈك ئەرلەرلا ئەينى ۋاقىتتىكى ياشاش مۇھىتىغا ماسلىشالىغان.
نۇرغۇن كىشىلەر دائىم ھايۋاناتلار ياكى باشقا كىشىلەر بىلەن قانلىق توقۇنۇشلاردا بولۇپ، نەتىجىدە بىر قەدەر كۈچلۈك ئىممۇنىتېت كۈچىنى يېتىلدۈرگەن، سانسىزلىغان ئەۋلادلارنىڭ تەدرىجىي تەرەققىي قىلىپ ئۆزگىرىشى بىلەن، قەيسەر ئەرلەر بىر قەدەر كۈچلۈك ئىممۇنىتېت كۈچىگە ۋارىسلىق قىلغان.
ئەمما تەتقىقاتچىلارنىڭ كۆرسىتىشىچە، ئىممۇنىتېت سىستېمىسىغا پايدىلىق بولغان خاراكتېر ئالاھىدىلىكى‹‹ئازراق›› قەيسەر بولۇش ئىكەن، ئەگەر زىيادە قەيسەرلىك بولسا ئەكسىچە بۇنداق ئۈستۈنلۈكتىن ئايرىلىپ قالىدىكەن.
