توۋتياۋ تورى، نۇر تورى تەرجىمىسى
پىياز، زەنجىۋىل، سامساق بىز ئادەتتە تاماق ئەتكەندە ئىشلىتىدىغان تەم تەڭشىگۈچ، ئەگەر قورۇما قورۇغاندا زەنجىۋىل، سامساقنى قورۇمىغاندا بىرەر نەرسە كەم بولۇپ قالغاندەك ھېس قىلىمىز. ئۇ بىر خىل ئادەمنى ھەم ياخشى كۆرگۈزىدىغان ھەم نەپرەتلەندۈرىدىغان يېمەكلىك، ئۇنى ياخشى كۆرۈشتىكى سەۋەب ئۇنىڭ ساقلىقنى ساقلاش ئۈنۈمىگە ئىگە بولغانلىقىدا؛ ئۇنىڭغا ئۆچ بولۇشتىكى سەۋەب ئۇنىڭ تەمى بەك «ئالاھىدە».
سامساقنىڭ پايدىسى
1. سامساق باكتېرىيە ئۆلتۈرەلەيدۇ.
ئۇ بىر خىل «تەبىئىي ئانتىبىئوتىك» بولۇپ، تولغاق تاياقچە باكتېرىيەسى، كېزىك تاياقچە باكتېرىيەسى، چوڭ ئۈچەي تاياقچە باكتېرىيەسى، كۆكيۆتەل تاياقچە باكتېرىيەسى، ۋىرۇس، تامچە قۇرت قاتارلىقلارغا نىسبەتەن بەلگىلىك تىزگىنلەش رولىغا ئىگە، ھەتتا بۇ باكتېرىيە ياكى ۋىرۇسلارنى پۈتۈنلەي يوقاتقىلى بولىدۇ، ئەگەر يۆتىلىپ قالسا سامساقنى سۇدا قاينىتىپ ئىچىشكە بولىدۇ.
2. سامساق ئەقىلنى ئاچىدۇ
سامساق بەك ئاچچىق، تەمىمۇ غەلىتە، ئەمەلىيەتتە بۇ سېسىق نەرسە ئەكسىچە ئەقىلنى ئاچىدۇ. دائىم يەپ بەرسە، مېڭىنى ئېچىش رولىنى ئوينايدۇ، يەنە تومۇرلارنى راۋانلاشتۇرۇپ، قان ئايلىنىشنى ئىلگىرى سۈرۈپ، ئادەمنى تېخىمۇ روھلۇق قىلىدۇ. مانا بۇ نېمە ئۈچۈن شىماللىقلارنىڭ قىشتا سامساق يېيىشنى ياخشى كۆرىدىغانلىقىنىڭ سەۋەبى.
3. سامساق ماينى تۆۋەنلىتىدۇ.
سامساق ئادەم بەدىنىدىكى قان تومۇرلاردىكى ئەخلەتلەرنى تازىلاپ چىقىرىۋېتەلەيدۇ، مەسىلەن، قان تومۇر دىۋارىدىكى ياغ ماددىسىغا يىغىلىپ، قان تومۇرلارنىڭ راۋانلىقىغا كاپالەتلىك قىلىپ، قاندىكى ماينى تۆۋەنلىتىش، قان نۆكچىسى شەكىللىنىشنىڭ ئالدىنى ئېلىش، قان ئۇيۇپ قېلىشىنىڭ ئالدىنى ئېلىش رولىنى ئوينايدۇ. يۇقىرى قان بېسىمى، قاندىكى ماي مىقدارى يۇقىرى، ياغ مىقدارى يۇقىرى كىشىلەرنىڭ ھەر كۈنى 2-3 تال چىش سامساق يەپ، ياغ ماددىسى ئېشىپ كېتىشنىڭ ئالدىنى ئېلىشىنى تەۋسىيە قىلىمىز.
4. سامساق ئىشتىھانى ئاچىدۇ.
سامساق ئىشتىھانى ئېچىپ، تالنى ساغلاملاشتۇرۇپ، بەدەندىكى ئاشقازان-ئۈچەي كېسەللىكلىرىنى كەلتۈرۈپ چىقىرىدىغان باكتېرىيەلەرنى تورمۇزلاپ ۋە ئۆلتۈرۈپ، ھەزىم قىلىش سۇيۇقلۇقىنىڭ ئاجرىلىشىنى غىدىقلاپ، ھەزىم قىلىشنى تېزلىتىدۇ. ئەگەر ئىشتىھايى ياخشى بولمىسا، ئازراق سامساق يېسە بولىدۇ، مەسىلەن، شىمالدا داڭقى چىققان لابا سامسىقىنىڭ ئىشتىھانى ئېچىش رولى بەك ياخشى.
سامساق ئىستېمال قىلغاندا دىققەت قىلىشقا تېگىشلىك نۇقتىلار:
1. سامساقنى خام يېسە تېخىمۇ ياخشى بولىدۇ، چۈنكى قىزدۇرۇلغاندىن كېيىنكى سامساق ھورمۇنىنىڭ ئۈنۈمى پارغا ئايلىنىپ، ساقلىقنى ساقلاش ئۈنۈمىنى تۆۋەنلىتىۋېتىدۇ؛
2. سامساقنى ئاچ قورساق ئىستېمال قىلىشقا بولمايدۇ، سامساق بەك ئاچچىق بولۇپ، غىدىقلاش رولى ئىنتايىن كۈچلۈك، ئاچ قورساق يېسە ئاشقازاننى غىدىقلاش بەك چوڭ بولۇپ كېتىپ، ئادەمنى بىئارام قىلىدۇ؛
3. سامساقنى بەك كۆپ يېمەسلىك كېرەك، ئۇزاق مۇددەت كۆپ مىقداردا سامساق ئىستېمال قىلسا، ئەكسىچە ئۈچەي يولىدىكى پايدىلىق باكتېرىيە توپىنى بۇزغۇنچىلىققا ئۇچرىتىدۇ؛
4.بەزى كىشىلەر سامساق يېيىشكە ماس كەلمەيدۇ، سامساق گەرچە ياخشى بولسىمۇ، لېكىن ئاشقازان-ئۈچەي ياللۇغى بىمارلىرى، ئاشقازان يارىسى بىمارلىرى خام يېمەسلىكى، ئەڭ ياخشىسى پىشۇرۇپ يېيىشى كېرەك.
مەنبە:
https://m.nur.cn/news/2024/08/6214151.shtml
