«كىشىلەر دائىم سۈيدۈكتىكى شېكەرنى تەكشۈرۈپ كۆرسىلا دىيابېت كېسىلى ئىكەنلىكىنى بىلگىلى بولىدۇ» دەيدۇ ئەمەلىيەتتە بۇ خىل كۆزقاراش مۇكەممەل ئەمەس دىيابېت بولغانلارنىڭ سۈيدۈكىدە شېكەر بولىدۇ بىراق سۈيدۈكتە شېكەر بولغانلارنىڭ ھەممىسى دىيابېت كېسىلى ئەمەس، سۈيدۈكتە شېكەر بولمىسىمۇ دىيابېت كېسىلى بولۇشى مۇمكىن
سۈيدۈكتە شېكەر بولسىلا، دىيابېت كېسىلى بولۇۋەرمەيدۇ. بۇنى جەزمەن پەرقلەندۈرۈش كېرەك.
(1) بۆرەك مەنبەلىك شېكەر سىيىش: ئاچ قورساق ۋاقىتتىكى قان شېكىرى ۋە شېكەرگە چىدامچانلىقى نورمال بولىدۇ، جەمەتىدە ئىرسىيەت خاراكتېرلىك بۆرەك مەنبەلىك شېكەر سىيىش، سوزۇلما بۆرەك نەيچىلىرى كىسلاتادىن زەھەرلىنىش، سوزۇلما بۆرەك نەيچىلىرى كىسلاتادىن زەھەرلىنىش، سوزۇلما خاراكتېرلىك بۆرەك ياللۇغى، سۈيدۈكتىن زەھەرلىنىش قاتارلىق ھەرخىل تۇغما ياكى ئىككىلەمچى كېسەللىكلەر بار بولسا، بۆرەك نەيچىلىرىنىڭ زەخىملىنىشىنى كەلتۈرۈپ چىقىرىپ، شېكەرنىڭ قايتا سۈمۈرۈلۈشىنى ئازايتىدۇ. بۆرەك شېكەر بوسۇغا قىممىتى تۆۋەنلەپ، سۈيدۈكتىكى شېكەر مۇسبەت ئىپادىلىنىدۇ.
(2) ھامىلىدارلىق ۋاقىتتىكى شېكەر سىيىش: ھامىلىدار بولغان ئاياللار ھۈجەيرە سىرتقى سۇيۇقلۇقى يۇقىرى بولغانلىقتىن، بۆرەك شارچىلىرىنىڭ ئۆتكۈزۈشچانلىقى ئاشىدۇ. شېكەرنىڭ ئۆتكۈزۈشچانلىقى ئاشسا، بۆرەكتىكى شېكەر بوسۇغا قىممىتى تۆۋەنلەپ، شېكەر سىيىش كېلىپ چىقىدۇ ھەمدە ھۈجەيرە سىرتقى سۇيۇقلۇقىنىڭ مىقدارى ئېشىپ كېتىدۇ. بۆرەك يېقىن كانايچىلىرى شېكەرنىڭ قايتا سۈمۈرۈلۈشىنى كونترول قىلىپ، سۈيدۈكتە شېكەر بولۇشنى كەلتۈرۈپ چىقىرىدۇ.
(3) ئوزۇقلىنىش خاراكتېرلىك شېكەر سىيىش: ساغلام ئادەملەر شېكەرلىك يېمەكلىكلەرنى تېز سۈرئەتتە ئىستېمال قىلغاندا ئىنچىكە ئۈچەي تېز سۈرئەتتە سۈمۈرۈۋېلىپ، ۋاقتىنچە شېكەر سىيىشنى كەلتۈرۈپ چىقىرىدۇ.
(4) شېكەر سىيىش: ئاز ساندىكى كىشىلەر كۆپ مىقداردا شېكەر ئىستېمال قىلغاندىن كېيىن ۋاقتىنچە شېكەر سىيىش پەيدا بولىدۇ. جىگەر ئىقتىدارى مۇكەممەل بولماسلىق، ئىرسىيەت خاراكتېرلىك ئىممۇنىتېت كەمچىل بولۇش قاتارلىق سەۋەبلەر تۈپەيلىدىن مېۋە شېكىرى ۋە گىلۇكوزا قاتارلىق شېكەر تۈرىدىكى ماددىلارنىڭ مېتابولىزمى قالايمىقانلىشىپ، شېكەر سىيىشنى كەلتۈرۈپ چىقىرىدۇ.
