يۈرەكنىڭ قان چىقىرىش مىقدارىنىڭ ئازىيىشى يۈرەكنىڭ مىنۇتىغا چىقىرىدىغان قان مىقدارىنىڭ نورمال سەۋىيەدىن تۆۋەن بولۇشىنى كۆرسىتىدۇ. بۇ خىل ئەھۋال بەدەندىكى ئەزالارغا ئوكسىگېن يېتىشمەسلىك، چارچاش، باش قېيىش قاتارلىق كېسەللىك ئالامەتلىرىنى كەلتۈرۈپ چىقىرىشى مۇمكىن.
ئۇيغۇرچە: يۈرەك قان چىقىرىش مىقتارى ئازىيىش
ئىنگىلىزچە: Decreased cardiac output
خەنزۇچە: 心排血量减少
تۈركچە: kalp debisi azalması
غەرب تېبابىتى نۇقتىسىدىن قارىغاندا، يۈرەكنىڭ قان سىقىپ چىقىرىش مىقدارىنىڭ ئازىيىشىنىڭ سەۋەبى تۆۋەندىكى بىر قانچە تەرەپنى ئۆز ئىچىگە ئېلىشى مۇمكىن:
1. يۈرەك مۇسكۇلى كېسەللىك ئۆزگىرىشى يۈرەك مۇسكۇلىدىكى كېسەللىك ئۆزگىرىشى يۈرەك مۇسكۇلىنىڭ ئىقتىدارىنى تۆۋەنلىتىپ، يۈرەكنىڭ قىسقىرىش ۋە كېڭىيىش ئىقتىدارىغا تەسىر يەتكۈزۈپ، يۈرەكنىڭ قان چىقىرىش مىقدارىنى ئازايتىۋېتىدۇ.
2. يۈرەك كىلاپان كېسىلى يۈرەك كىلاپان كېسىلى يۈرەكنىڭ قان ئايلىنىشىغا تەسىر يەتكۈزۈپ، يۈرەكنىڭ يۈكىنى ئېغىرلاشتۇرۇۋېتىدۇ، ئاخىرىدا يۈرەكنىڭ قان چىقىرىش مىقدارىنى ئازايتىۋېتىشى مۇمكىن.
3. يۈرەك رىتىمسىزلىقى :يۈرەك رىتىمسىزلىقى يۈرەكنىڭ رىتىملىق قىسقىرىشى ۋە كېڭىيىشىگە تەسىر كۆرسىتىدۇ، بۇنىڭ بىلەن يۈرەكنىڭ پومپا قان ئىقتىدارىغا تەسىر كۆرسىتىپ، يۈرەكنىڭ قان چىقىرىش مىقدارىنى ئازايتىۋېتىدۇ.
4. باشقا ئامىللار مەسىلەن، قان ئازلىق، تۆۋەن قان بېسىمى، قالقانسىمان بەز ئىقتىدارى چېكىنىش قاتارلىقلارمۇ يۈرەكنىڭ قان چىقىرىش مىقدارىنى ئازايتىۋېتىشى مۇمكىن.
تەكشۈرۈش ۋە دىئاگنوز قويۇش ئۇسۇلى ئادەتتە تۆۋەندىكى بىر قانچە تەرەپنى ئۆز ئىچىگە ئالىدۇ:
1. بەدەن تەكشۈرۈش دوختۇر بىمارنىڭ يۈرەك ۋە ئۆپكىسىنى تەپسىلىي ئاڭلاپ، سۇلۇق ئىششىق قاتارلىق كېسەللىك ئالامەتلىرىنىڭ بار – يوقلۇقىنى كۆزىتىدۇ.
2. شىنديەنتۇ ( ECG ):يۈرەكنىڭ توك ھەرىكىتىنى تەكشۈرۈپ ،يۈرەك رىتىمسىزلىقى قاتارلىق مەسىلىلەرنىڭ بار – يوقلۇقىغا ھۆكۈم قىلغىلى بولىدۇ.
3. ئۇلترا ئاۋازلىق كاردىئوگرامما ( Echocardiography ):يۈرەكنىڭ قۇرۇلمىسى ۋە ئىقتىدارىنى كۆزىتىپ، يۈرەك مۇسكۇلىنىڭ قىسقىرىش كۈچى ۋە كىلاپان ئىقتىدارى قاتارلىق كۆرسەتكۈچلەرنى باھالىغىلى بولىدۇ.
داۋالاش ئۇسۇلى كونكرېت كېسەللىك سەۋەبى ۋە كېسەللىك ئەھۋالىنىڭ ئېغىرلىق دەرىجىسىگە باغلىق. بەزى يېنىك دەرىجىدىكى يۈرەكنىڭ قان چىقىرىش مىقدارى ئازىيىپ كەتسە، دورا بىلەن داۋالاش ئارقىلىق كېسەللىك ئالامىتىنى پەسەيتكىلى بولىدۇ؛ ئېغىر ئەھۋالدا دوختۇرخانىدا يېتىپ داۋالىنىشقا توغرا كېلىشى مۇمكىن، ھەمدە ئاسما ئوكۇل سېلىش، ئوكسىگېن بىلەن داۋالاش، مېخانىكىلىق قوشۇمچە ھاۋا ئالماشتۇرۇش قاتارلىق تەدبىرلەرنى قوللىنىش كېرەك. بۇنىڭدىن باشقا، بەزى كېسەللىكلەر كەلتۈرۈپ چىقارغان يۈرەكنىڭ قان چىقىرىش مىقدارى ئازلاپ كېتىشكىمۇ قارىتا قاراتمىلىق ھالدا داۋالاش ئېلىپ بېرىش كېرەك.
