كېپىنەكسىمان قىزىل داغ سىستېمىلىق قىزىل داغلىق بۆرە چاقىسى ( SLE ) نىڭ تىپىك ئىپادىلىرىدىن بىرى بولۇپ، كېپىنەكسىمان قىزىل داغ دەپمۇ ئاتىلىدۇ. ئۇ ئادەتتە يۈز قىسمىنىڭ ئىككى مەڭزى ۋە قاڭشىرىدا پەيدا بولىدۇ، شەكلى كېپىنەكنىڭ قانىتىغا ئوخشايدۇ، شۇڭا شۇنداق ئاتالغان.
سىستېمىلىق قىزىل داغلىق بۆرە چاقىسى بىر خىل ئۆز بەدەن ئىممۇنىتېتلىق كېسەللىك، يەنى ئادەم بەدىنىنىڭ ئىممۇنىتېت سىستېمىسى خاتا ھالدا ئۆزىنىڭ توقۇلمىلىرى ۋە ئەزالىرىغا ھۇجۇم قىلىدۇ. SLE بىمارلىرىدا ئىممۇنىتېت سىستېمىسى تېرە، بوغۇم، بۆرەك، يۈرەك، ئۆپكە قاتارلىق ئورۇنلارغا ھۇجۇم قىلىپ، كۆپ خىل كېسەللىك ئالامەتلىرى ۋە ئەگەشمە كېسەللىكلەرنى كەلتۈرۈپ چىقىرىدۇ.
كېپىنەكسىمان قىزىل داغنىڭ شەكىللىنىشى تېرە قان تومۇرلىرىنىڭ كېڭىيىشى ۋە ياللۇغلىنىش رېئاكسىيەسىدىن كېلىپ چىقىدۇ. ئىممۇنىتېت سىستېمىسى تېرىگە ھۇجۇم قىلغاندا، قىل قان تومۇرلارنىڭ كېڭىيىشى ۋە قان تولۇشنى كەلتۈرۈپ چىقىرىپ، تېرە يۈزىدە قىزىل داغ پەيدا قىلىدۇ. بۇ داغ پارچىلىرى ئادەتتە قۇياش نۇرىدا ئېغىرلىشىدۇ ياكى ناچارلىشىدۇ، چۈنكى ئۇلترا بىنەپشە نۇر ئىممۇنىتېت سىستېمىسىنىڭ ئىنكاسىنى غىدىقلايدۇ.
كېپىنەكسىمان قىزىل داغدىن باشقا SLE يەنە چارچاش، بوغۇم ئاغرىش ۋە ئىششىش، قىزىش، باش ئاغرىش، مۇسكۇللار ئاغرىش قاتارلىق ئالامەتلەر كۆرۈلۈشى مۇمكىن. ئەگەر ۋاقتىدا داۋالانمىسا ،SLE ئېغىر ئەگەشمە كېسەللىكلەرنى كەلتۈرۈپ چىقىرىشى مۇمكىن ئىكەن ،مەسىلەن:بۆرەك ئىقتىدارى زەئىپلىشىش ،يۈرەك كېسىلى ئۆزگىرىش ۋە نېرۋا سىستېمىسى زەخىملىنىش قاتارلىقلار.
 نىڭ تىپىك ئىپادىلىرىدىن بىرى بولۇپ، كېپىنەكسىمان قىزىل داغ دەپمۇ ئاتىلىدۇ. ئۇ ئادەتتە يۈز قىسمىنىڭ ئىككى مەڭزى ۋە قاڭشىرىدا پەيدا بولىدۇ، شەكلى كېپىنەكنىڭ قانىتىغا ئوخشايدۇ، شۇڭا شۇنداق ئاتالغان.){kind=link}