دوختۇرلار تورى

تەن ساقلىق زور بايلىق

بالىلار مىتال بۇيۇملارنى يۇتىۋالسا قانداق قىلىش كېرەك

بالىلار بەزىدە ئويناۋاتقان ياكى تۇتالايدىغان نەرسىلەرنى (مەسىلەن، تۈگمە، مېتال پۇل، مىخ، شارەك، يىڭنە قاتارلىقلار) ئاغزىغا سېلىپ ئويناۋېتىپ تۇيۇقسىزلا دىققەتسىزلىكتىن يۇتۇۋالىدۇ ئاتا – ئانىلار بالا ھاياتىنىڭ خەۋپتە قېلىشى ياكى كېيىنكى ھەر ئېھتىمالدىن ئەنسىرەپ نېمە قىلىشىنى بىلمەي ھودۇقۇپ دوختۇرغا يۈگۈرىدۇ

بالا يۇتۇۋالغان يات بۇيۇملارنى زادى قانداق زىيىنى بار؟ قانداق قىلىش كېرەك؟ ئەڭ ئاۋۋال بالا تۇيۇقسىز يۇتۇۋالغان نەرسىنىڭ شەكلى، چوڭ – كىچىكلىكى، ئۇزۇن – قىسقىلىقى قاتارلىقلارنى ئىگىلەش لازىم. ئەگەر بالا يۇتۇۋالغان نەرسە مېتال پۇل، تۈگمە قاتارلىق دۈگىلەك شەكىلدىكى نەرسىلەر بولسا، ئۇچلۇق قىرلىق بولمىسىلا ئەنسىرەشنىڭ ھاجىتى يوق. بۇ خىل نەرسىلەر 1 – 2 كۈن ئىچىدە چوڭ تەرەت بىلەن بىللە چۈشۈپ كېتىدۇ.

ئەگەر يۇتۇۋالغان نەرسە يىڭنە، مىخ، تۆمۈر پارچىسى قاتارلىق ئۇچلۇق نەرسىلەر بولسا ئېتىبارسىز قاراشقا بولمايدۇ. بۇ خىل نەرسىلەر ئۈچەي دىۋارلىرىنى تېشىۋېتىشى مۇمكىن. بۇنداق نەرسىلەرنى زۆرۈر تېپىلغاندا ئوپېراتسىيە قىلىپ ئېلىۋېتىشكە توغرا كېلىدۇ. بەزىدە يىڭنە، مىخ قاتارلىق قىرلىق نەرسىلەرمۇ چوڭ تەرەت ئارقىلىق ئۆزلۈكىدىن چۈشۈپمۇ كېتىدۇ. شۇڭلاشقا ئاتا – ئانىلار ئادەتتە بالىلار ئوينىغاندا قىرلىق، ئۇچلۇق نەرسىلەر ۋە يۇقىرىقىدەك نەرسىلەرنى تۇتقۇزماسلىقى لازىم. ئادەمنىڭ ئۈچىيى ئاستا – ئاستا ئۈزلۈكسىز ھالدا لۆمۈلدەش ئارقىلىق ئۈچەي ئىچىدىكى نەرسىلەرنى تۆۋەنگە قاراپ سىلجىتىدۇ. نەرسىلەر چوڭ ۋ ئۇزۇن بولمىسىلا ياكى سىرتىدىن بېسىم تەسىرى بولمىسىلا ئادەتتە ئۈچەي دىۋارلىرىنى زەخىملەندۈرمەيدۇ.

مېتال بۇيۇملارنى بالىلار يۇتۇۋالغاندا ئەڭ ئاۋۋال يۇتۇۋالغان نەرسىنىڭ نېمە ئىكەنلىكىنى ئېنىقلاش بىلەن شۇ نەرسىنىڭ ھەزىم قىلىش يوللىرىنى زەخىملەندۈرۈش ئېھتىمالى بار يوقلۇقىنى پەرەز قىلغاندىن كېيىن ئاندىن مۇۋاپىق چارە تەدبىر قوللىنىش، ئەڭ ياخشىسى بالىنىڭ يۇتۇۋالغان نەرسىسىنىڭ شەكلىنى ۋە زادى يۇتۇۋالغان ياكى يۇتۇۋالمىغانلىقىنى ئېنىق بىلىش ئۈچۈن رېنتىگېنگە چۈشۈرۈپ كۆرۈش كېرەك. رېنتىگېنگە چۈشۈرۈش ئارقىلىق يۇتۇۋالغان نەرسىنىڭ ھەزىم قىلىش يولىدا تۇرغان ئورنى، شەكلى، چوڭ كىچىكلىكى ۋە ئۇنىڭ ساننى ئېنىقلىۋېلىش كېرەك.

ئەگەر يۇتۇۋالغان مېتال بۇيۇملار ئۇچلۇق ياكى قىرلىق بولسا دەرھال دوختۇرخانا جىددىي كېسەل كۆرۈش بۆلۈمىگە كۆرسىتىش كېرەك. شۇنداقلا يۇتۇۋالغان نەرسىنىڭ ئۈچەي دىۋارىنى تېشىۋېتىشىدىن ساقلىنىش ئۈچۈن بالىنىڭ قورسىقىنى ھەرگىزمۇ باسماسلىق ھەمدە ئىشتان كەمەرلىرىنى بوشىتىۋېتىش لازىم. ئادەتتىكى ئەھۋالدا يۇتۇۋالغان نەرسىنىڭ ئورنى، شەكلى، چوڭ ـ كىچىكلىكى، يۆنىلىشى قاتارلىقلارنى ئىنچىكىلىك بىلەن ئىككى سائەت، تۆت سائەت، 12 سائەت، 24 سائەتتە بىر قېتىم رېنتىگېن بىلەن كۆزىتىش كېرەك. ئەگەر تەكشۈرۈش جەريانىدا يۇتۇۋالغان نەرسىنىڭ ئۈزلۈكسىز ھالدا تۆۋەنگە قاراپ سىلجىۋاتقانلىقى بىلىنسە، ئۇنىڭ ئۈچەيگە سانجىلىپ قالمىغانلىقىنى ئىپادىلەيدۇ. بۇنداق ئەھۋالدا تاكى چوڭ تەرەت يولىدىن چىقىپ كەتكىچە كۆزەتسە بولىدۇ.

ئەگەر بىر نەچچە سائەت، يېرىم كۈن ياكى بىر كۈندىن كېيىنمۇ بىر ئورۇندا توختاپ قالسا، ئۈچەي دىۋارىغا سانجىلىپ قالغانلىقىنى ئىپادىلەيدۇ. بۇنداقتا ئوپېراتسىيە قىلىپ ئېلىۋېتىشنى ئويلىشىش كېرەك. ئەگەر رېنتىگېندە كۆزىتىش جەريانىدا دىيافراگما ئاستىدا ئەركىن گاز كۆرۈلسە، بۇ ئۈچەي تېشىلگەنلىكىنى ئىپادىلەيدۇ. بۇنداق ئەھۋالدا دەرھال ئوپېراتسىيە قىلىشقا توغرا كېلىدۇ.

بالا يۇتۇۋالغان نەرسىلەر دۈگىلەك شەكىلدە بولسا كۈدە، بەسەي، كەرەپشە قاتارلىق ئۇزۇن تالالىق كۆكتاتلاردىن مۇۋاپىق ئىستېمال قىلسا، بۇ خىل كۆكتات ئۈچەي ھەرىكىتىنى تېزلەشتۈرۈپ، ئۈچەيدىكى نەرسىنىڭ چوڭ تەرەت ئارقىلىق سىرتقا چىقىرىلىشىنى تېزلىتىدۇ. لېكىن يۇتۇۋالغان مېتال بۇيۇملار ئۇچلۇق، قىرلىق بولسا بۇ ئۇسۇلنىڭ ئۈنۈم بېرىشى ناتايىن. شۇڭلاشقا بۇنداق ئەھۋالدا مەلۇم مىقداردا كەرەپشە، كۈدە، بەسەي قاتارلىقلارنى يېگۈزۈپ بېقىش، لېكىن بەك تويغۇزىۋەتمەسلىك ھەمدە ئۆز ۋاقتىدا دوختۇرغا كۆرسىتىش لازىم.

بەزىلەر بۇنداق بالىغا بىر يۇتۇم سۇماي ئىچكۈزۈۋەتسە ئۈچەي ئىچى سىلىقلىشىپ كىرگەن نەرسە ئاسان تۆۋەنگە سىلجىيدۇ دەپ تونۇيدۇ. بۇنداق قىلىشنىڭ زىيىنى باركى پايدىسى يوق. بالىغا ماي ئىچكۈزگەندە ئۈچەي ھەرىكىتى كۆرۈنەرلىك ھالدا كۈچىيىپ ھەم تېزلىشىپ بالىنىڭ ئىچى سۈرىدۇ. ئەگەر يۇتۇۋالغان نەرسە قىرلىق بولسا ئۈچەي تېشىلىپ كېتىشنى ئىلگىرى سۈرۈشى مۇمكىن.

ئومۇمەن بالىلار تۇيۇقسىز مېتال بۇيۇملارنى ۋە يات بۇيۇملارنى يۇتۇۋالسا ئاتا – ئانىلار جىددىيلىشىپ كەتمەي، ئەنسىرىمەي، دوختۇرنىڭ مەسلىھەتى بويىچە ئىش قىلىش كېرەك.

مەزكۈر مەزمون قوشۇلغان ۋاقىت: 2021-11-03

مەزكۈر مەزمون ئاخىرقى قېتىم يېڭىلانغان ۋاقىت: 2021-10-22 / 06:32:39

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر