ئامېرىكىلىق مۇتەخەسسىسلەر يېقىندا ئاشكارىلىغان تەتقىقات دوكلاتىدا مۇنداق دېيىلدى:«بەزى كىشىلەر كۆپ ھاللاردا قورسىقى ئاچماي تۇرۇپلا تاماق يەيدۇ، چۈنكى تەرەققىيات ئۇلارغا يېمەكلىككە ئېرىشىشنىڭ يېڭى يوللىرىنى ئېچىپ بەردى، يېمەكلىكنىڭ تەمى ۋە رەڭگى ئادەملەرنى ئۆزىنى تۇتۇۋالالمايدىغان قىلىپ قويدى
بىراق بىز بۇ قېتىمقى تەتقىقات داۋامىدا قورساق تېخى ئاچماي تۇرۇپلا يېگەن تاماقنىڭ قاندىكى قەنت مىقدارىنى ئۆرلىتىۋېتىدىغانلىقىنى بايقىدۇق، بۇنىڭ سالامەتلىككە ئىنتايىن پايدىسىز ئىكەنلىكىنى تەكىتلەش بىھاجەت بولسا كېرەك».
تەتقىقاتقا قاتناشقان مۇتەخەسسىسلەر يەنە مۇنداق دېيىشتى:«بىز بۇ تەتقىقاتنى ئالىي مەكتەپ ئوقۇغۇچىلىرى ئارىسىدا ئېلىپ باردۇق، بۇ جەرياندا تاماق يېيىشتىن بۇرۇن قورسىقى بىر ئاز ئاچ كىشىلەرگە قارىغاندا، قورسىقى ئاچمايلا تاماق يېگەن ئادەمنىڭ قېنىدىكى قەنتنىڭ زىيادە ئۆرە بولىدىغانلىقىنى بايقىدۇق. تەتقىقات نەتىجىسى ئادەملەر قورسىقى سەل ئاچقاندا ئاندىن تاماق يېسە، قورسىقى ئېچىشتىن بۇرۇن تاماق يېگەنگە قارىغاندا كۆپ ساغلام بولىدىغانلىقىنى دەلىللىدى، چۈنكى بۇ چاغدا قاندىكى قەنتنىڭ مىقدارىدا ئۆرلەش بولمىدى».
«ئۈرۈمچى كەچلىك گېزىتى»دىن ئېلىندى
