دوختۇرلار تورى

تەن ساقلىق زور بايلىق

مۈرە ئەتراپ ياللۇغى 肩周炎

مۈرە بوغۇم ئەتراپ ياللۇغى ئاددىي قىلىپ مۈرە ئەتراپ ياللۇغى دەپ ئاتىلىدۇ بۇ ئاساسلىقى مۈرە بوغۇمى ۋە ئۇنىڭ ئەتراپىدىكى يۇمشاق توقۇلمىلارنىڭ چېكىنىش خاراكتېرلىك ئۆزگېرىشى كەلتۈرۈپ چىقارغان مۇسكۇل ، مۇسكۇل پېيى، سىلىق خالتا ۋە مۇسكۇل خالتىسى قاتارلىق مۈرە بوغۇمى ئەتراپىدىكى يۇمشاق توقۇلمىلارغا تارقالغان ئاستا خاراكتېرلىك ياللۇغلىنىش كېسەللىكىنى كۆرسىتىدۇ

تونۇش:

بۇ خىل كېسەللىك ئوتتۇرا ياش ۋە ياشانغانلاردا ، ئەرلەرگە نىسبەتەن ئاياللاردا، ئوڭ مۈرىگە قارىغاندا سول مۈرىدە نىسبەتەن كوپ كۆرۈلىدۇ. كۆپۈنچە ئەھۋالدا بىر تەرەپ مۈرە بوغۇمى كېسەللىنىدۇ ، ھەر ئىككى تەرەپ مۈرە بوغۇم ئوخشاش كېسەللەنگۈچىلەر %8 نى ئىگىلەيدۇ . 50 ياش ئەتراپىدىكىلەرنىڭ كېسەل بولۇش نىسبىتى ئەڭ يۇقۇرى بولۇپ ئوتتۇرا ياشلىقلار كېسەللىكى دەپمۇ ئاتىلىدۇ .

كېسەللەنگەندىن كىيىن مۈرە بوغۇمى قاتتىقلىشىپ ئىقتىدارى توسقۇنلۇققا ئۇچرايدۇ . خۇددى قېتىپقالغاندەك بولۇپ قالىدۇ . شۇڭلاشقا قېتىشىش خاراكتېرلىك مۈرە كېسەللىكى دەپمۇ ئاتىلىدۇ .

دىياگنوز ئاساسى :

تىپىك كېلىنكىلىك ئالامىتى يەنى مۈرە بوغۇم ئاغرىش ۋە ھەرىكىتى توسقۇنلۇققا ئۇچراش ، كېسەللىك تارىخىغا يەنى سوغۇق ئۆتكۈزىۋالغان ، زەخىملەنگەن ، كېسەللەنگەن تەرەپ مۈرە بوغۇمىدا چىقۇق بولغان تارىخىنىڭ بار يوقلىقىغا ئاساسەن دىياگنوز قۇيىلىدۇ

تۈرلەرگە بۆلۈنىشى ۋە ئالامىتى :

كېسەللىك سەۋەبىگە ئاساسەن بەشكە بۆلۈنىدۇ .

1- بەلغەم خىلىتىنىڭ غەيرى تەبىئىي ئۆزگىرىشىدىن كېلىپ چىققان مۈرە ئەتراپ ياللۇغى
2- سەۋدا خىلىتىنىڭ غەيرى تەبىئىي ئۆزگىرىشىدىن كېلىپ چىققان مۈرە ئەتراپ ياللۇغى
3- بەلغەم سەۋدا خىلىتىنىڭ غەيرى تەبىئىي ئۆزگىرىشىدىن كېلىپ چىققان مۈرە ئەتراپ ياللۇغى
4- سوغۇق ئۆتكۈزىۋېلىشتىن كېلىپ چىققان مۈرە ئەتراپ ياللۇغى
5- باشقىلار يەنى زەخىملىنىش ، مۈرە بوغۇم چىقۇقى ، سۇنۇق قاتارلىقلارنىڭ ئاسارىتى سەۋەبىدىن كېلىپ مۈرە ئەتراپ ياللۇغى

كېسەللىك ئالامىتىگە ئاساسەن دەرىجىگە بۆلۈنىشى:

1- دەرىجە يەڭگىل دەۋرى يەنى مۈرە قىسىم ئاغرىش .
2- دەرىجە ئوتتۇرھال دەۋرى يەنى ئاغرىش، كۆرۈنەرلىك ھەرىكىتى توسقۇنلۇققا ئۇچراش .
3- دەرىجە ئېغىر دەۋرى يەنى قېتىشىش دەۋرى .

كېلىنكىلىك ئالامىتى :

مۈرە بوغۇم ئاغرىش ۋە ھەرىكىتى توسقۇنلۇققا ئۇچراش ، ھەرىكەتلەندۈرگەندە مۈرە ئاغرىش كۈچىيىش ، قىزىش كۆرۈلۈش قاتارلىق ئالامەتلەر كۆرۈلىدۇ . مۈرە قىسىم بېسىلىپ ئاغرىش ، ھەرىكەت قىلىش ئەپسىز بولۇش ، بەزىدە كېچىلىرى ئاغرىپ ئويغىنىپ كېتىش ، ئۇخلىغاندا مۈرىنى بېسىپ ياتالماسلىق . قولىنى كەينىگە ئالالماسلىق چېچىنى تارىيالماسلىق ، كىيىم كىيىش – سېلىش، يۈز يۇيۇش ھەرىكەتلىرىنى قىلالماسلىق . يەرلىك ئورۇن مۇسكۇللىرى قېتىشىپ قىلىش ، تارتىشىش ياكى يىگلەش ئالامەتلىرى كۆرۈلىدۇ .

ئۇيغۇر تېبابەت دىياگنوزى: مۈرە ئەتراپ ياللۇغى

غەرب تېبابەت دىياگنوزى: مۈرە ئەتراپ ياللۇغى

داۋالاش پىرىنسىپى :

1 . روھى جەھەتتە كېسەلدىن ساقىيىشقا بولغان ئىشەنچىسىنى ئاشۇرۇپ ، داۋالاشقا تولۇق ماسلىشىپ بېرىش تەلەپ قىلىنىپ ، قائىدىلىك پەرۋىش خىزمىتى ۋە پەرھىزى ئورۇنلاشتۇرۇلىدۇ .
3 . ياللۇغ قايتۇرۇپ ئاغرىق توختاتقۇچى دورىلار ئىچى – سىرتىدىن ئىشلىتىلىدۇ .
4 . قان ئايلىنىش پائالىيىتىنى جانلاندۇرۇپ ، ماددا ئالمىشىش خىزمىتىنى ياخشىلىغۇچى، مۈرە ئەتراپ پەي مۇسكۇللىرىنىڭ ئېلاستىكلىقىنى ياخشىلىغۇچى دورىلار ئىچى – سىرتىدىن ئىشلىتىلىدۇ .
5 . فىزىكىلىق داۋالاش ئېلىپ بېرىلىدۇ .
6 . رەئىس ئەزالار ۋە ئومۇمىي بەدەننى قۇۋۋەتلەپ ، بەدەننىڭ تەبىئەت كۈچىنى يۇقىرى كۆتۈرگۈچى دورىلار بېرىلىدۇ .

مەزكۈر مەزمون قوشۇلغان ۋاقىت: 2022-01-17

مەزكۈر مەزمون ئاخىرقى قېتىم يېڭىلانغان ۋاقىت: 2022-01-01 / 03:18:34

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,598FansLike
697FollowersFollow
1,850SubscribersSubscribe

يېڭى مەزمونلار

مەخسۇس سەھىپىلەر