يۈرەكنىڭ شەكلى ۋە روللىرى

بۈگۈن سىلەر بىلەن مەن قىزىقىدىغان بىر تېما، يەنى يۈرەك توغرىلىق بەزى مەزمونلارنى ھەمبەھىرلىنىمىز.

يۈرەك ھەممىمىز بىلىدىغان ئورگان. ئەگەر يۈرەك توختاپ قالسا، ئادەم ئۆلىدۇ ( قۇرۇق گەپ !! ). بۇنىڭ سەۋەبى، يۈرەك بەدىنىمىزنىڭ قان ئايلىنىش سىستىمىسىنىڭ نورمال ئىشلىشى ئۈچۈن پومپا رولىنى ئوينايدىغان يەر. يەنى يۈرەك پۈتۈن بەدىنىمىزدىن كەلگەن قاننى ئۆپكىگە ئېتىپ ئەۋەتىپ بېرىپ، ئۆپكىدە ئوكسىگىن ئالمىشىشىغا ياردەم قىلىدۇ، ئاندىن ئۆپكىدىن كەلگەن ئوكسىگىنگە تويغان قاننى بەدەننىڭ ھەر قايسى قان تومۇرلىرىغا ئېتىپ بېرىشىكە مەسئۇل بولىدۇ.

يۈرەكنىڭ شەكلى ۋە روللىرى

يۈرەكنىڭ تۈزۈلۈش شەكلى

يۈرەك ئىككى ئۆپكىنىڭ ئارىسىدا، كۆكرىكىمىزنىڭ ئوتتۇرىسىدىن سەل سولغىراق جايلىشىدۇ. مۇشتۇم شەكلىدە بولىدۇ، ھەم تەخمىنەن ئۆزىڭىزنىڭ مۇشتۇمى چوڭ كىچىكلىدە بولىدۇ. ئادەتتە قۇرامىغا يەتكەن ساغلام كىشىنىڭ يۈرىكىنىڭ ئېغىرلىقى تەخمىنەن 250 300 گىرام ئەتراپىدا بولىدۇ. سىرتتىن ئىچىگە يۈرەك سىرتقى پەردىسى، يۈرەك مۇسكۇلى، ۋە يۈرەك ئىچكى پەردىسى دەپ ئۈچكە بۆلۈنىدۇ.

يۈرەكنىڭ قەۋىتى
يۈرەكنىڭ قەۋىتى

يۈرەكتە 4 بوشلۇق بولىدۇ. بۇ خۇددىي بىر ئۆينىڭ 4 ئايرىم ئايرىم ياتىقىغا ئوخشايدۇ. ئۈستىدىكى ئىككىسى يۈرەك دالانچىسى، ئاستىدىكى ئىككىسى بولسا يۈرەك قېرىنچىسى دەپ ئاتايمىز. يۈرەكنىڭ مۇسكۇللىرى قىسقىراش ۋە كېڭىيىشى ئارقىلىق قانلار بىر بوشلۇقتىن يەنە بىر بوشلۇققا قاراپ ماڭىدۇ.  بەدەندىكى قانلار ئوڭ يۈرەك دالانچىسىغا كېلىدۇ، بۇ دالانچا قىسقىراق سىقىش ئارقىلىق ، قاننى ئوڭ يۈرەك قېرىنچىسىگە ئەۋەتىدۇ، ئوڭ يۈرەك قېرىنچىسى بۇ قانلارنى سىقىپ ئۆپكىگە ئەۋەتىپ بېرىدۇ. قانلار ئۆپكىڭىزدە ئوكسىگىن ئېلىپ بولغاندىن كىيىن، سول دالانچىغا كېلىدۇ. سول دالانچىدىن ئوخشاش مەنتىقى بىلەن بۇ قاننى سول قېرىنچىگە يوللايدۇ، ئاندىن سول قىرىنچا قاننى سىقىپ پومپالاپ پۈتۈن بەدىنىڭىزگە ئەۋەتىپ بېرىدۇ. ئەمدى بۇ قانلار مۇشۇ تەرتىپ بويىچە ماڭماي ئارقىسىغا مېڭىپ كىتىش ئىھتىمالى بولامدۇ؟ بولىدۇ، ئەمما شۇ ئارقىغا مېڭىپ كىتىشنىڭ ئالدىنى ئېلىش ئۈچۈن يۈرەكتە كلاپان بولىدۇ.

يۈرەك بوشلۇقلىرى ۋە كىلاپانلىرى
يۈرەك بوشلۇقلىرى ۋە كىلاپانلىرى

ھەر بىر بوشلۇق ئارىسىدا كلاپان يەنى ئىشىك رولىنى ئوينايدىغان قاننىڭ ئارقىغا مېڭىپ كىتىشىنى توسايدىغان پەردە بولۇپ جەمئىي 4 تانە كلاپان بولىدۇ. بۇلار قانلارنىڭ ئارقىغا يېنىپ كىتىشنىڭ ئالدىنى ئالىدۇ. بۇ كىلاپانلارنىڭ ئايرىم ئايرىم ئىسمى بولىدۇ، ھەم شەكلىمۇ بىراز ئوخشىماسلىق بولىدۇ. ئوڭ يۈرەك دانلانچە ۋە قېرىنچە ئارىسىدىكى كىلاپاننى ترىكاسپىت، يەنى ئۈچ ياپراقلىق كلاپان، ئوڭ قېرىنچىدىن ئۆپكىگە قان ئەۋەتىدىغان يەردىكى كلاپاننى ئۆپكە كىلاپانى دەيمىز، سول دالانچىدىن قېرىنچىگە كىرىدىغان يولدىكسىىنى بىكاسپىت، ياكى ئىككى ياپراقلىق كلاپان دەيمىز، سول قېرىنچىدىن غول تومۇر يەنى پۈتۈن بەدەنگە ئەۋەتىدىغان يەردىكىنى غول تومۇر كلاپان دەيمىز. بۇلارنى ئايرىم چۈشەندۈرۈشتىكى سەۋەب، بۇلار قانلارنىڭ ئۆز يولى بىلەن نورمال مېڭىشى ئۈچۈن مۇھىم رول ئوينايدۇ، بۇ كلاپانلاردا كېسەللىك پەيدا بولۇش ئىھتىمالى بولىدۇ ھەتتا ئوپىراتسىيە بىلەن ئالماشتۇرۇش ئېھتىماللىغى بولىدىغان جايلاردۇر.

يۈرەك مۇسكۇللىرى گەرچە نورمال بىلەك پاچاق مۇسكۇللىرىمىزغا شەكىل جەھەتتىن ئوخشىسىمۇ، ئەمما مېڭىمىز يۈرەك مۇسكۇلىمىزنى كونترول قىلالمايمىز. يۈرەك مۇسكۇلى ئاپتۇماتىك رىتىملىق قىسقىراش، ئۇزىراش ئالاھىدىلىكىگە ئېگە. ۋە دەل مۇشۇ ئالاھىدىلىكى بىزنىڭ رىتىملىق يۈرەك سوقۇشىمىزنى شەكىللەندۈرىدۇ.

يۈرەكنىڭ سوقۇشى

يۈرەك تۆرەلمىنىڭ 2-ھەپتىسىدە ئاستا ئاستا شەكىللىنىشكە باشلايدۇ ۋە 8-ھەپتىسىگىچە بولغان ئارىلىقتا يۈرەكنىڭ دەسلەپكى شەكلى پۈتىدۇ. 10-ھەپتىدە يۈرەكنىڭ قان تومۇرىلىرى كۆرۈنۈشكە باشلايدۇ. تۇنجى قىتىم يۈرەك سوقۇشى 5-6 ھەپتىدە ئاستا ئاستا باشلىنىدۇ. ئەمما نورمالدا 9-10 ھەپتىلىرىدە ئاندىن دوختۇرخانىدا ھامىلىنىڭ يۈرەك سوقۇشىنى ئۇلترا ئاۋازلىق تەكشۈرۈشتە بىلگىلى بولىدۇ.

تۆرەلمە يۈرەكنىڭ شەكىللىنىشى
تۆرەلمە يۈرەكنىڭ شەكىللىنىشى
ھامىلىلەرگە ئۇلترا ئاۋازلىق تەكشۈرۈش
ھامىلىلەرگە ئۇلترا ئاۋازلىق تەكشۈرۈش

يۈرەكنىڭ نورمال سوقۇشى ئۈچۈن، ئەڭ ئاۋۋال ئوڭ يۈرەك دالانچىسىنىڭ سىنۈس نوقتىسى دىگەن بىر يەردىن باشلايدۇ. ئاندىن يۈرەكنىڭ باشقا يەرلىرىگە تارايدۇ. ۋە بىر قىتىملىق يۈرەك سوقۇش تاماملىنىدۇ.

سىنۈس نوقتىسى يۈرەك رىتىمى
سىنۈس نوقتىسى يۈرەك رىتىمى

يۈرەك سوققاندا دۇك دۇك دەپ ئىككى قېتىم ئاۋاز چىقىدۇ. بۇ ئاۋازلار ئاساسلىقى كلاپانلارنىڭ يىپىلغاندا بىر بىرىسىگە تەككەندە چىققان ئاۋاز. 1 ئاۋازنى س 1 دەپ قويىمىز، ئىككى ياپراقلىق كلاپان ۋە ئۈچ ياپراقلىق كىلاپاننىڭ يېپىلىشىدىن چىقىدۇ. 2 ئاۋاس س 2 ئاۋازى، غول تومۇر كلاپان ۋە ئۆپكە ئارتېرىيە كلاپاننىڭ يېپىلىشىدىن چىقىدۇ. بۇنىڭدىن سىرت يەنە س 3، س 4 دىگەندەك قوشۇمچە ئاۋازلار چىقىشى مۇمكىن.  بەزى س 3 لەر بىلەن س4 ئاۋازلارنىڭ ھەممىسى كېسەللىكنىڭ بىشارىتىدۇر.

نورمال كىشىلەرنىڭ يۈرەك سوقۇشى مىنوتىغا 60-90 ئەتراپىدا بولىدۇ. يېڭى تۇغۇلغان بالىلارنىڭ مىنوتىغا 120-160 ئەتراپىدا بولىدۇ. 2-3 ياش ئارىسىدىكى بالىلارنىڭمۇ يۈرەك سوقۇشى 100 ئەتراپىدا بولىدۇ. ئۇزۇن يىل تەنھەرىكەت بىلەن شۇغۇللانغانلارنىڭ نورمال يۈرەك سوقۇشى 60دىن ئاز بولۇشى مۇمكىن. ئەمما ئادەم تەنھەرىكەت قىلغان ۋاقىتنىڭ ئۆزىدە، يۈرەك سوقۇشى ئىتتىكلەپ، 150-200 گە چىقىشىمۇ مۇمكىن. ئەمما ھەرىكەتتىن توختىغاندا، يۈرەك سوقۇشى ئاستا ئاستا ئەسلىگە كېلىدۇ. ئەگەر ئەسلىگە كەلمىسە، بىر كېسەللىكنىڭ ئالامىتى بولۇشى مۇمكىن.

يۈرەكنىڭ ھەر مىنۇتتا سوقۇش سانى
يۈرەكنىڭ ھەر مىنۇتتا سوقۇش سانى

مۇشۇ ھىساپتا ئادەمنىڭ يۈرىكى بىر كۈندە  تەخمىنەن 120000-150000 قىتىم سوقىدۇ. ھەر قىتىم سوقۇشتا يۈرەكتىكى قاننىڭ 55-60 پىرسەنتىنى ئىتىپ چىقىرىپ بېرىدۇ. بۇ قان تەخمىنەن 60-80 مىللىلىتىر ئەتراپىدا بولىدۇ. دىمەك، يۈرەك ھەر مىنوتتا 4.8 لىتىر ئەتراپىدا، ھەر كۈن 6900 لىتىر ئەتراپىدىكى قاننى بەدەنگە ئېتىپ بېرىشكە مەسئۇل. بۇنى 365 كە كۆپەيتىپ بېقىڭ، ئاندىن 70 يىلغا كۆپەيتىڭ. ئويلىنىپ بېقىڭ،  يۈرەك بۇ ئىشنى بىر ئۆمۈر يەنى تا بىز ئۆلۈپ كەتكىچە زېرىكمەي قىلىدۇ. ئەگەر مۇشۇنداق سىزگە ئۆمۈر بويى سادىق ئىشلىگەن ئورگاننى ئاسرىمىسىڭىز، ئۇنىڭغا بەك ئۇۋال قىلغان بولىسىز.

يۈرەكنىڭ ئاتقان قان مىقتارى ئىشلەش كۈچى جەدۋىلى
يۈرەكنىڭ ئاتقان قان مىقتارى ئىشلەش كۈچى جەدۋىلى

يۈرەك بىلەن مۇناسىۋەتلىك كېسەللىكلەر

يۈرەك بىلەن مۇناسىۋەتلىك خېلىلا كۆپ كېسەللىلەر بار بولۇپ، بۇنىڭ ئىچىدە ئەڭ مۇھىمى، قان بېسىمى بىلەن يۈرەك قان تومۇرلىرىنىڭ جىددىي توسۇلۇپ قېلىشى، قان بېسىمى دۇنيادا كۆپلىگەن كىشىلەردە بولىدىغان بىر كېسەللىك. قان بېسىمىنىڭ يۈزدە 95 كېسەللىك سەۋەبى ئېنىق بولمىسىمۇ، ئەمما مۇشۇ 5% ئېنىق بولغان سەۋەبلەرنىڭ بىرىسى دەل مۇشۇ يۈرەكتىكى مەسىلىدۇر. يەنە بىرى يۈرەك قان تومۇرىنىڭ جىددىي توسۇلۇپ قىلىشى، بۇ كېسەللىكتە ئادەمنىڭ شۇ زامان ئۆلۈپ كىتىش ئىھتىمالى بولىدۇ، شۇڭا بۇ ئىككى كېسەللىك يۈرەك كېسەللىكلىرى ئىچىدە مۇھىم ئورۇندا تۇرىدۇ. ئەلۋەتتە باشقا يۈرەك بىلەن مۇناسىۋەتلىك كېسەللىكلەرمۇ مۇھىم، بۇلار بولسا، يۈرەكنىڭ تۇغما كېسەللىكلىرى مەسىلەن كىلاپان كەمتۈكلۈگى ،يۈرەك قان تومۇرلىرىنىڭ ئالمىشىپ قېلىشى، يۈرەكتە تۆشۈك بولۇپ قىلىش قاتارلىقار بار. ۋە تۇغۇلغاندىن كىيىن ياشنىڭ چوڭىيىشىغا ئەگىشىپ ئاستا ئاستا پەيدا بولغان باشقا كېسەللىكلەرمۇ بار. مەسىلەن يۈرەك ياللۇغلىرى، يۈرەك يوغىناپ كىتىش، يۈرەك زەئىپلىشىش قاتارلىقلار.

يۈرەكنى تەكشۈرۈش ۋە داۋالاش ئۇسۇللىرى

يۈرەك مۇھىم بىر ئورگان بولغاچقا، مىدىتسىنا تەرەققىي قىلىشىغا ئەگىشىپ، يۈرەككە بولغان تەتقىقات ناھايىتىتى تەرەققىي قىلىپ كەتكەن. ئايرىم يۈرەكنى تەكشۈرىدىغان بۆلۈملەر مەيدانغا كەلگەن.  يۈرەكنىڭ نورمال نورمال ئەمەسلىكىنى بىلىش ئۈچۈن ھەر خىل تەكشۈرۈش ئۇسۇللىرى ئىجاد قىلىنغان. بۇنىڭ ئىچىدە بىزگە ناھايىتى تونۇش بولغىنى، تومۇر تۇتۇش ، ئېكاگى، ئۇلترا ئاۋازلىق تەكشۈرۈش، قان تەكشۈرۈش ئۇسۇللىرى. بۇنىڭدىن سىرت يەنە 24 سائەتلىك خولتىر ئەسۋابى تاقاپ تۇرۇپ كۈزىتىش، سى تى تارتىش، يۈرەككە نەيچە سېلىپ تۇرۇپ تەكشۈرۈش قاتارلىق ھەر خىل ئۇسۇللار بار. يۈرەكنى داۋالاشتىمۇ ھەر خىل دورىلار ئىجاد قىلىندى، مەسىلەن يۈرەك كۈچلەندۈرىدىغان دورىلار، يۈرەكنىڭ رىتىمىنى ئىتتىكلىتىدىغان ياكى ئاستىلىدىغان دورىلار، يۈرەك ياللۇغىلىرىغا پايدا قىلدىغان دورىلار قاتارلىق دورىلار ئىجاد قىلىندى. ھەر خىل يۈرەك ئوپىراتسىيەلىرى، توسۇلۇپ قالغان تومۇرنى ئېچىش ئوپىراتسىيلىرى، تومۇر ئالماشتۇرۇش ئوپىراتسىيەلىرى ، يۈرەك كۆچۈرۈش ئوپىراتسىيەلىرى مەيدانغا كەلدى. بۇنىڭدىن سىرت يەنە سۈنئىي يۈرەك تېخنىكىلىرىمۇ ئىجاد قىلىندى. مەسىلەن كلاپانلار ئىشلىمەس بولۇپ قالغاندا، مىخانىك يۈرەك كلاپانلىرىنى سېلىش، يۈرەك ئاتالماي قالغان چاغدا، يۈرەك سوقۇش ھەرىكەتلەندۈرگۈچ ئەسۋابى قاتالىقلارمۇ ئىشلىتىلشكە باشلىدى.

ئې كا گ EKG ئۈسكۈنىسى
ئې كا گ EKG ئۈسكۈنىسى
سۈنئىي ئىككى ياپراقلىق كىلاپان
سۈنئىي ئىككى ياپراقلىق كىلاپان

يۈرەكنى تەكشۈرۈش ئۈچۈن قايسى بۆلۈمگە بېرىش كېرەك؟

يۈرەكنى تەكشۈرۈش ئۈچۈن ئادەتتە دوختۇرخانىنىڭ يۈرەك كېسەللىكلىرى بۆلۈمىگە بېرىش لازىم، تۈركچە ئىنگىلىزچە كاردىئولوجى دەپ قويىدۇ. ئەگەر يۈرەكتە جىددىي قان توسۇلۇش ئەھۋاللىرى كۆرۈلگەندە، يەنى كۆكرەك قىسمىدا قاتتىق ئاغرىش، يۈك بېسىۋالغاندەك ھىس قىلىش، بۇنىڭ بىلەن باراۋەر سول مۈرىدە ئاغرىش ، سول قول سول بىلەكتە ئاغرىش، سول ئىڭەكتە ئۇيۇشۇش قاتارلىق ئالامەتلەر كۆرۈلسە، يۈرەك كېسەللىكلىرى بۆلۈمىگە نومۇر ئېلىپ باراي دىمەي، دەرھال شۇ ۋاقىتنىڭ ئۆزىدە، سىز تۇرۇۋاتقان شۇ دۆلەتنىڭ جىددىي قۇتقۇزۇش بۆلۈمىگە بېرىشىڭىز ياكى جىددىي قۇتقۇزۇش ماشىنىسىغا تېلىفون قىلىش لازىم. چۈنكى يۈرەكتە جىددىي قان تومۇر توسۇلۇش كېسىلى ئادەمنىڭ شۇ مىنۇت، شۇ سائەتتە ئۆلۈپ كىتىش خەۋپى بولىدۇ، بۇ ھەرگىزمۇ ئالدىرماي تەكشۈرتۈۋالامەن دەيدىغان بىر كېسەللىك ئەمەس. تۈركىيەنىڭ جىددىي قۇتقۇزۇش تېلىفون نومۇرى 112. مەيلى ئىقامىتىڭىز ياكى پاسپورتىڭىز بولسۇن بولمىسۇن، بۇ خىل ئەھۋالدا چوقۇم كىلىش مەجبۇرىيىتى بولىدۇ.

يۈرەك قان تومۇر جىددىي توسۇلۇپ قىلىشنىڭ ئالامەتلىرى
يۈرەك قان تومۇر جىددىي توسۇلۇپ قىلىشنىڭ ئالامەتلىرى

يۈرەكنى ئاسراش ئۇسۇللىرى

يۈرەكنى ئاسراش ئۈچۈن، خۇددىي باشقا ئورگانلارنى ئاسرىغاندەك، ساغلام بىر تۇرمۇش تەرتىپى بولۇش كېرەك. ( يەنە قۇرۇق گەپ !! )، بۇ ھەرگىزمۇ قۇرۇق گەپ ئەمەس. ئارام ياخشى بولۇش لازىم، ئەيشى ئىشرەت كەيىپ ساپادىن، بولۇپمۇ ھاراق، تاماكىدىن يىراق تۇرۇش لازىم. مايلىق تاماقلارنى كۆپ ئىستىمال قىلماسىلىق لازىم، ۋە بەدەن ئېغىرلىقىنى كونترول قىلىش لازىم. چۈنكى بۇلارنىڭ ھەممىسى يۈرەك قان تومۇر قېتىش ئەھۋاللىرىنى كەلتۈرۈپ چىقىرىدۇ. كەيپىياتمۇ ناھايىتى مۇھىم ئورۇندا تۇرىدۇ. چۈنكى كەيپىيات دائىم تۇراقسىز بولۇپ تۇرسا، يۈرەك سوقۇشى بىنورمال بولىۋەرسە، ۋاقىت ئۆتۈشىگە ئەگىشىپ، يۈرەك ئاسان ھارىدىغان بولۇپ قالىدۇ، يوغىناپ كىتىدۇ. رىتىملىق تەنھەرىكەت يۈرەككە ئەڭ پايدىلىق بولغان ئىش. كۈندە 30 مىنۇت ھەرىكەت بەرسە، ساپ ھاۋالىق يەردە ئىتتىك مېڭىپ بەرسە، يۈرەكنىڭ ساغلام تۇرۇشىغا كاپالەت بېرىدۇ.

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

جاۋاپ قايتۇراي

Please enter your comment!
Please enter your name here

سوتسىيال تاراتقۇلىرىمىز

942FansLike
163FollowersFollow
1,470SubscribersSubscribe

يېڭى مەزمونلار

مەنى سۇيۇقلۇقىدا قان كېلىش دىگەن قانداق ئەھۋال؟

سوئال: كېچىلىك ئۇيقۇدا ئېھتىلام بولغاندا، مەنى بىلەن قان كېلىش نېمىدىن دېرەك بېرىدۇ؟ يېقىنقى بىر نەچچە ھەپتىدە ئېھتىلام بولغاندا چىققان مەنىنىڭ توق قىزىل،...

تۈركىيە ۋىرۇس يۇقۇملىنىش ئەھۋالى 2020.10.20

تۈركىيەنىڭ ۋىرۇس ئەھۋالى، ۋىرۇس يۇقۇملانغانلارنىڭ بالدۇر ساقىيىشىغا تىلەكداشمىز، تۈگەپ كەتكەنلەرنىڭ ياتقان يېرى جەننەت بولسۇن. түркийәниң...

بالىڭىزنىڭ سالامەتلىكى ئۈچۈن بۇ ئىشلارغا دىققەت قىلىڭ

1. ئۆيدە تاماكا چەكمەڭ بالىنىڭ نەپەسلىنىش سىستېمىسى يېتىلىش باسقۇچىدا تۇرغاچقا، تاماكا تەركىبىدىكى زەھەرلىك ماددىلارغا بىر قەدەر سەزگۈر كېلىدۇ. بولۇپمۇ تاماكا تەركىبىدىكى نىكوتىن...

بالىلىق بولۇش ئاياللارنىڭ ئەقلىي ئىقتىدارىنى ئاشۇرىدۇ

ئامېرىكا تەتقىقاتچىلىرى يېقىندا ئانا بولۇشنىڭ ئاياللارنىڭ چوڭ مېڭىسىنىڭ ھەرىكىتىنى ئاشۇرۇپ، پىكىر قىلىش ئىقتىدارىنى ئۇزاق ۋاقىت ياخشىلايدىغانلىقىنى بايقىغان

ئەرلەر تاماكا تاشلىغاندىن كېيىن كىسەل بولامدۇ?

تاماكا چېكىش سىزنىڭ بەدىنىڭىزنى نىكوتىنغا ئادەتلەندۈرۈپ قويىدىغان بولۇپ ، سىز خۇمار بولۇپ قالغاندىن كېيىن ، بەدىنىڭىزنىڭ نىكوتىنغا بولغان ئېھتىياجىنى قاندۇرۇپ تۇرۇشىڭىز كېرەك