ئاقسىل تالقىنى، ۋىتامىن تابلىتى، كالتسىيدىن ياسالغان دورىلارنىڭ ھەممىسى نۆۋەتتە كەڭ تارقىلىۋاتقان قۇۋۋەت بۇيۇملىرىغا ئايلىنىپ قالدى
بىر قىسىم ئىستېمالچىلار ھەر كۈنى بىر ئىستاكان ۋىتامىن تابلىتى سېلىنغان سۇ ئىچىشكە، ناشتىلىقىغا بىر قوشۇق ئاقسىل تالقىنى قوشۇشقا ئادەتلىنىپ قالدى. بىر قىسىم ئاتا- ئانىلار بالىلىرىنىڭ ساغلام ئۆسۈپ يېتىلىشىنى كۆزلەپ، بالىلىرىغا بۇ خىل قۇۋۋەت بۇيۇملىرىنى كۆپلەپ بەرمەكتە.
مەلۇم قۇۋۋەت ئىلمى مۇتەخەسسىسىنىڭ ئېيتىشىچە، ئىچكىرىدىكى بىر قىسىم چوڭ دوختۇرخانىلاردا داۋالىنىۋاتقان بالىلار ئىچىدە بىر قىسىم بالىلارغا ئاقسىل ماددىسى زىيادە كۆپ بېرىلگەنلىكتىن، قېنىدا ئورىيا ئازوتى كۆپ بولۇش، ماددا ئالمىشىش خاراكتېرلىك كىسلاتادىن زەھەرلىنىش ۋە سىڭىش خاراكتېرلىك سۈيدۈك كېسىلى پەيدا بولۇپ، بالىلارنىڭ ئىممۇنىتېت كۈچىنى ئاجىزلاشتۇرىۋەتكەن.
مۇتەخەسسىسلەر: “ئادەتتە ئىستېمالچىلارنىڭ كۈندىلىك يېمەك- ئىچمىكى بىلەن ئاقسىل ماددىسىنىڭ قوبۇل قىلىنىشى ئاساسىي جەھەتتىن كاپالەتلەندۈرۈلىدۇ؛ شۇڭا، ئىستېمالچىلار ئاقسىل ۋە ۋىتامىنلىق دورىلارغىلا تايىنىۋالماي، مېۋە- چىۋىلەرنى كۆپ يېيىشكە، ھەر كۈنى 250 مىللىلېتر ئەتراپىدا سۈت ئىچىشكە ۋە راك قاتارلىق كالتسىي ماددىسى بىر قەدەر كۆپ يېمەكلىكلەرنى يېيىشكە ئەھمىيەت بېرىشى كېرەك” دەپ تەكىتلىدى.
