بالىلارنىڭ سۆڭىكىنىڭ پىشىپ يېتىلىش دەرىجىسىنى كۆرسىتىدىغان بىر ئامىل بولۇپ، سۆڭەكنىڭ پىشىپ يېتىلىش دەرىجىسىنى ئۆلچەش ئارقىلىق بۇ بالىنىڭ يېشىنى مۆلچەرلىگىلى بولىدۇ.
ئۇيغۇرچە: سۆڭەك يېشى
ئىنگىلىزچە: bone age
خەنزۇچە: 骨龄
تۈركچە: kemik yaşı
سۆڭەك يېشى دېگىنىمىز ،X نۇرى ئارقىلىق قول بېغىشىدىكى سۆڭەكنىڭ يېتىلىش ئەھۋالىنى تەكشۈرۈش ئارقىلىق بىر ئادەمنىڭ فىزىيولوگىيەلىك يېشىنى باھالاشنى كۆرسىتىدۇ. ئۇ بالىلار ۋە ياش – ئۆسمۈرلەرنىڭ ئۆسۈپ يېتىلىشىنىڭ نورمال ياكى نورمال ئەمەسلىكىنى بېكىتىشكە، شۇنداقلا ئۇلارنىڭ قۇرامىغا يەتكەن بوي ئېگىزلىكىنى مۆلچەرلەشكە ئىشلىتىلىدۇ.
سۆڭەك يېشىنى ئادەتتە كەسپىي دوختۇر ياكى رېنتگېن بۆلۈمى دوختۇرى ئۆلچەيدۇ ياكى ھېسابلايدۇ. ئۇلار بېغىش سۆڭىكى ۋە كۆمۈرچەكنى كۆزىتىدۇ ھەمدە ئۇنى ئوخشاش ياشتىكىلەرنىڭ ئوتتۇرىچە سەۋىيەسى بىلەن سېلىشتۇرىدۇ. ئادەتتىكىچە قىلىپ ئېيتقاندا، سۆڭەك يېشى ئەمەلىي يېشىدىن كىچىك بولسا، ئۆسۈپ يېتىلىشنىڭ بىر قەدەر تېز ئىكەنلىكىنى، ئەكسىچە بولسا، ئۆسۈپ يېتىلىشنىڭ بىر قەدەر ئاستا ئىكەنلىكىنى بىلدۈرىدۇ.
سۆڭەك يېشىنى ئۆلچەش ئۇسۇلى كۆپ خىل بولۇپ، بۇنىڭ ئىچىدە ئەڭ كۆپ ئىشلىتىلىدىغىنى Greulich-Pyle ئۇسۇلى ۋە Tanner -Whitehouse ئۇسۇلى. Greulich-Pyle ئۇسۇلىدا بېغىشتىكى 10 سۆڭەكنى سېلىشتۇرۇش ئارقىلىق سۆڭەك يېشى بېكىتىلىدۇ؛ Tanner-Whitehouse ئۇسۇلىدا بولسا بېغىشتىكى ئۈچ سۆڭەكنى سېلىشتۇرۇش ئارقىلىق سۆڭەك يېشى بېكىتىلىدۇ. بۇ ئۇسۇللارنىڭ ھەممىسى كەسپىي خادىملارنىڭ مەشغۇلات ئېلىپ بېرىشى ۋە نەتىجىسىنى چۈشەندۈرۈشىگە مۇھتاج.
