سوخۇ تورى خەۋىرى، نۇر تورى تەرجىمىسى:
ساغلام بالىلىق بولۇش بارلىق توي قىلغان بىر جۈپلەرنىڭ ئارزۇسى، ئادەتتە ئىككى تەرەپ ساغلام بولسا توي قىلىپ بىر يىل ئىچىدە ئايال تەرەپ ھامىلىدار بولالايدۇ، ھامىلىدار بولۇش ھەم بەختلىك ھەم جاپالىق ئىش، ئازراقلا دىققەت قىلمىسا بوۋاق غەلىتە تۇغۇلۇپ قېلىشنى كەلتۈرۈپ چىقىرىدۇ، ئۇنداقتا قايسى ئامىللار بالىلارنىڭ غەلىتە تۇغۇلۇپ قېلىشىنى كەلتۈرۈپ چىقىرىدۇ؟
1. ئوزۇقلۇق يېتەرلىك بولماسلىق
ھامىلىدارلىق مەزگىلىدە ئانىغا ئوزۇقلۇق يېتىشمىسە بوۋاققا تەسىرى بولىدۇ، بوۋاق ئىنتايىن سەزگۈر بولۇپ، ئوزۇقلۇق يېتەرلىك بولمىسا، ھاراق ئىچسە بوۋاقنىڭ غەلىتە تۇغۇلۇپ قېلىش ئېھتىماللىقى يۇقىرى بولىدۇ.
2. ئايالنىڭ يېشى چوڭ بولۇش
يېشى چوڭىيىپ قالغان ئاياللار تۇغقان بالىنىڭ نورمال ئايال تۇغقان بالىغا قارىغاندا غەلىتە تۇغۇلۇپ قېلىش خەۋپى بىر قەدەر يۇقىرى بولىدۇ.
3. مىكروبلاردىن يۇقۇملىنىش
ھازىر نۇرغۇن ئائىلىلەردە ئەرمەك ھايۋانلار بار، لېكىن ئايال ھامىلىدار بولغاندىن كېيىن ئامال بار ئۆيدە ئەرمەك ھايۋان باقماسلىق كېرەك، چۈنكى ئەرمەك ھايۋانلارنىڭ تېنىدىكى مىكروب، باكتېرىيەلەر ھامىلىنىڭ ساغلام ئۆسۈپ يېتىلىشىگە تەسىر كۆرسىتىشى مۇمكىن.
4. مۇھىت بۇلغىنىش
تۇرمۇش مۇھىتى، ئائىلە مۇھىتى قاتارلىقلارنىڭ بۇلغىنىشى ھامىلىنىڭ غەيرىي تۇغۇلۇپ قېلىشىنى كەلتۈرۈپ چىقىرىشى مۇمكىن.
5. يېقىن تۇققان توي قىلىش
يېقىن تۇققان توي قىلىشمۇ غەيرى بوۋاق تۇغۇلۇپ قېلىشنى كەلتۈرۈپ چىقىرىدىغان ئاساسلىق سەۋەپلەرنىڭ بىرى ھىساپلىنىدۇ.
ئۇنداقتا ھامىلىنىڭ غەيرىي تۇغۇلۇپ قېلىشىنىڭ ئالدىنى ئېلىش ئۈچۈن ھامىلىدارلار قانداق قىلىشى كېرەك؟
1. زىيانلىق ماددىلاردىن يىراقلىشىش
ھامىلىدار ئانىلار ھامىلىدارلىق مەزگىلىدە ئۆزىگە ئالاھىدە دىققەت قىلىش، ھاراق، تەم تېتىتقۇ قاتارلىقلارغا يېقىن يولىماسلىق كېرەك.
2. ئوزۇقلۇقنىڭ يېتەرلىك بولۇشىغا كاپالەتلىك قىلىش
ھامىلىدارلىق مەزگىلىدە بەزى ئانىلار كۆڭلى ئېلىشىپ نورمال تاماق يېيەلمەي قالىدۇ، لېكىن بۇنداق ئەھۋالدىمۇ ئانىلار تىرىشىپ نورمال تاماق يېيىشى، ئوزۇقلۇقلارنىڭ يېتەرلىك بولۇشىغا كاپالەتلىك قىلىشى كېرەك.
3. ھامىلىدارلىق مەزگىلىدە قالايمىقان دورا ئىشلەتمەسلىك
ھامىلىدارلىق مەزگىلىدە قالايمىقان دورا ئىشلىتىشكە قەتئىي بولمايدۇ، ھامىلىدار ئانىلار زۇكام بولۇپ قېلىشتىن، زۇكام دورىسى يېيىشتىن ساقلىنىش لازىم.
مەنبە:
https://m.nur.cn/news/2023/12/17798918.shtml
