ساغلاملىق تورى خەۋىرى، نۇر تورى تەرجىمىسى:
بۆرەك ئاجىزلاش مۇقىم بىر خىل كېسەللىك ئەمەس. ئۇ پەقەت تېبابەتتىكى بۆرەك ۋە ئومۇمىي بەدەن ئاجىزلىشىشنى كۆرسىتىدۇ. ئادەتتە كۆپىنچە كىشىلەر زادى قايسى خىلدىكى ئاجىزلىق ئىكەنلىكىنى ئېنىق ئايرىماي قالايمىقان قۇۋۋەت تولۇقلاپ، ئالامەتلىرى ياخشىلانمىغاننىڭ ئۈستىگە مىجەزىنى بۇزۇۋېلىپ تېخىمۇ قىيىن ئەھۋالغا چۈشۈپ قالىدۇ. جۇڭيى تېبابىتىدىكى بۆرەك ئاجىزلىشىش زادى قانداق ئۇقۇم؟ قانداق قىلساق توغرا قۇۋۋەتلىنەلەيمىز؟
بۆرەك ئاجىزلىشىش ئادەتتە تۆت خىلغا بۆلۈنىدۇ.
1. بۆرەك قۇۋۋىتى ئاجىزلاش.
ئالامەتلىرى: پۇت-قولى ماغدۇرسىزلىنىش، بەدەن ئاجىز، روھى چۈشكۈن بولۇش، ئاسان زۇكام بولۇش قاتارلىقلار. ئەرلەردە مەنىي ئېقىپ قېلىش، جىنسى ئاجىزلىق، مەنىي بالدۇر كېتىش قاتارلىق مەسىلىلەر كۆرۈلىدۇ. ئاياللاردا ئاق خۇن سۈزۈك ھەم سۇيۇق، مىقدارى كۆپ بولۇش، ھەيز مەزگىلى ئۇزۇن بولۇش قاتارلىقلار كۆرۈلىدۇ. بۇنى داۋالاشتا ئادەتتە بەدەننى ئىللىتىپ قۇۋۋەت تولۇقلاش ئاساس قىلىنىدۇ.
2. بەدەننى سوغۇق ئېلىپ كېتىش.
بۆرەك قۇۋۋىتى ئاجىزلاش ۋاقتى ئۇزىراپ كەتسە بەدەننى سوغۇق ئېلىپ كېتىشنى كەلتۈرۈپ چىقىرىدۇ. ئىپادىسى: سوغۇقتىن قورقۇش، چىرايى تاتىراڭغۇ، ماغدۇرسىز، بېشى قېيىپ كۆزى تورلىشىش. ئەرلەردە بەل ئاغرىش، كىچىك تەرىتى سۈزۈك ھەم ئىنچىكە بولۇش، كېچىدە ھاجەتكە كۆپ چىقىش، جىنسىي ھەۋىسى چېكىنىش قاتارلىقلار. ئاياللاردا بالىياتقۇنى سوغۇق قاپلاپ تۇغماسلىقنى كەلتۈرۈپ چىقىرىدۇ.
3. بەدەننى ئىسسىق قاپلاش.
كۆپىنچە ئالامەتلىرى قۇرۇق ئىسسىققا مايىل بولىدۇ. ئاساسلىق ئىپادىسى: ئېغىزى قۇرۇش، ئىچى تىتىلداش، ئىچى قىزىش، مەيدە، قول، پۇتى قىزىپ تۇرۇش، كالپۇكى قىزىرىش، سوغۇق تەرلەش، چوڭ تەرىتى قېتىپ قېلىش. بۇنىڭدىن باشقا ئەرلەردە كېچىسى ئۇخلىيالماسلىق، ئاسانلا قايىم بولۇش، جىنسى ئىنتىلىشى كۈچلۈك بولۇش، ئاياللاردا مەڭزى قىزىل تۇرۇش، بەدىنى ئورۇق، ھەيز مىقدارى ئاز ياكى كەلمەسلىك ئالامەتلىرى كۆرۈلىدۇ.
4. بەدەننى ئىسسىق سوغۇق تەڭ قاپلاش.
بۇنىڭدا ئالامەتلەر ئارىلاش كېلىدۇ. مەسىلەن: بەل، تىز سىرقىراپ يۇمشاش، ئەرلىك جىنسى ئاجىزلىق، ئېھتىلام بولۇش، قول پۇت مۇزلاپ سوغۇقتىن قورقۇش بىلەن بىرگە سوغۇق تەرلەش، بەزىدە بەدەن قىزىپ كېتىش قاتارلىقلار. بۇنىڭدا قۇۋۋەتنى تەڭ تولۇقلاش كېرەك.
مەنبە:
https://m.nur.cn/news/2023/12/18031698.shtml
