ئاياللار مېۋە–كۆكتاتلارنى كۆپ ئىستېمال قىلىپ بەرسە، ئۆتىگە تاش چۈشۈش خەۋىپى تۆۋەن بولىدۇ
ئامېرىكا تېببىي پەن ئالىملىرىنىڭ بىر تۈرلۈك يېڭى تەتقىقاتىدىن بايقىلىشىچە، ئاياللار مېۋە–كۆكتاتلارنى كۆپ ئىستېمال قىلىپ بەرسە ، ئۇلارنىڭ ئۆتىگە تاش چۈشۈش خەۋىپى تۆۋەن بولىدىكەن. تەتقىقاتچىلار77000نەپەر ئاياللارغا قارىتا ئۇزۇن مۇددەتلىك ئىز قوغلاپ تەجرىبە ئېلىپ بېرىش ئارقىلىق، تەجىرىبە ئېلىپ بېرىلغان16يىل ئىچىدە جەمئىي6600نەپەر ئايالنىڭ ئۆتىگە تاش چۈشكەنلىگىنى بايقىغان.
![ئاياللار مېۋە–كۆكتاتلارنى كۆپ ئىستېمال قىلىپ بەرسە، ئۆتىگە تاش چۈشۈش خەۋىپى تۆۋەن بولىدۇ](https://dohturlar.com/wp-content/uploads/2020/10/ayallar-mewe-koktatlarni-kop-istemal-qilip-berse.jpg)
ئالىملار بۇنى ئانالىز قىلىش ئارقىلىق ئادەتتە مېۋە–كۆكتاتلارنى كۆپ ئىستېمال قىلىپ بېرىدىغان ئاياللارنىڭ ، مېۋە–كۆكتاتلارنى ئانچە كۆپ ئىستېمال قىلمايدىغان ئاياللارغا قارغاندا ئۆتىگە تاش چۈشۈش نىسبىتىنىڭ%21 تۆۋەن بولىدىغانلىقىنى مۇئەييەنلەشتۈرگەن.
ئالىملار بۇنداق بولۇشتىكى سەۋەپ مېۋە–كۆكتاتلار تەركىبىدە ۋېتامىنCنىڭ مول بولغانلىقىدا دەپ قارىغان شۇنداقلا ئاياللارنىڭ مېۋە–كۆكتاتلارنى كۆپرەك ئىستېمال قىلىپ بېرىشىنى تەۋسىيە قىلغان.