بالىڭىز دائىم كىچىك تەرەتنى قىستىۋالامدۇ؟ ئەگەر شۇنداق ئەھۋالنى بايقىسىڭىز، ھازىردىن باشلاپ ئۇنىڭ ئۆزگەرتىشىگە ياردەم بېرىڭ چۈنكى كىچىك بالىلار كىچىك تەرىتىنى قىستاپ كۆنۈپ قالسا ، ئاقىۋىتى ئىنتايىن خەتەرلىك
كىچىك تەرەت كېلىش ئاساسلىقى مەركىزى نېرۋا سىستېمىسىنىڭ شەرتلىك رىفىلىكىسى تەرىپىدىن كونترول قىلىنىدۇ ، شۇڭلاشقا بالىلار كىچىك تەرەت قىلغىسى كەلگەندە ، ئىچى تىتىلدايدۇ ، جىدديلىشىدۇ ، بۇنداق ئەھۋال كۆپەيسە بالىلارنىڭ دېققىتىنى يىغالماسلىق ، تەپەككۈرى قالايمىقانلىشىشدەك ئەھۋاللار كۆرۈلۈپ ، بالىنىڭ ئۆگىنىشى ھەم كۈندىلىك پائالىيىتىگە تەسىر يېتىدۇ . بالىلار كىچىك تەرىتىنى قىستىۋالغاندا ، ئاشقازان ئۈچەي رولىغىمۇ تەسىر يېتىپ ، قان بېسىمى ئۆرلەيدۇ .
ھازىرقى زامان مېدىتسىنا تەتقىقاتىغا ئاساسلانغاندا ، بالىلار كىچىك تەرىتىنى قىسىتىۋالسا ، سۈيدۈك بالىنىڭ دوۋسۇنى ئىچىدە ئۇزۇن تۇرۇپ ، سۈيدۈكتىكى زەھەرلەر بۆرەك نەيچىسى تەرىپىدىن قايتىدىن بەدەنگە سۈمۈرۈۋېلىنىپ ، بۆرەكنىڭ بېسىمىنى ئېغىرلاشتۇرۋېتىدۇ .
دائىم كىچىك تەرەت قىستىسا ، بالىلارنىڭ كىچىك تەرەت سانى ئازلاپ ، بەدەندىكى زەھەر تازىلاش رولى ئاجىزلىشىدۇ ، بۇ ئارقىلىق بەدەندىكى باكتېرىيەلەرنىڭ كۆپىيىشىگە تۈرتكە كۈچ بولۇپ قالىدۇ . بولۇپمۇ قىزلاردا بۇ خىل ئەھۋال بەكرەك كۆرۈلىدۇ .
شۇڭلاشقا ئاتا-ئانىلار ، بالىلار باغچىسى ھەم باشلانغۇچ مەكتەپنىڭ مۇئەللىمىلىرى بالىلارنىڭ كىچىك تەرەت قىستاشتەك ئەھۋالىغا چوقۇم بىپەرۋا بولماسلىقى ، بالىلارنىڭ توغرا تەلىم-تەربىيە بېرىپ ، ۋاقتىدا كىچىك تەرەت قىلىشتەك ئادەت يىتىلدۈرۈشىگە ياردەم بېرىشى كېرەك . ئەگەر پائالىيەت ، ئويۇن ياكى ئىمتىھانلار بولسا ، بالىلارنىڭ ئاۋۋال كىچىك تەرەت قىلىشىنى ئەسكەرتىشى ھەم پائالىيەت ئاخىرلاشقاندىن كېيىنمۇ ئەسكەرتىشى لازىم . بالىلار كىچىك تەرەت قىلىش رۇخسىتى ئېلىش ئۈچۈن قول كۆتۈرگەندە ، ۋاقتىدا ماقۇل بولۇشى لازىم .
