چاينى كۆپ ئىچىشتىن پەرھىز تۇتۇش كېرەك. قويۇق دەملەنگەن چاي ئىچكەندە چوڭ مېڭە جانلىق ھالەتنى ساقلاپ قېلىپ، تومۇر سوقۇشنى تېزلىتىپ، قان بېسىمىنى، بەدەن تېمپېراتۇرىسىنى يۇقىرىلىتىۋېتىپ، بىئارام بولۇشنى كەلتۈرۈپ چىقىرىدۇ. شۇنىڭ بىلەن بىللە، چاي دورىنىڭ تارقىلىشى، ھەزىم بولۇشىغا تەسىر يەتكۈزۈپ، داۋالاش ئۈنۈمىنى تۆۋەنلىتىۋېتىدۇ.
سوغۇق ئىچىملىكتىن پەرھىز تۇتۇش كېرەك. پاكىز بولمىغان يېمەكلىك سەۋەبىدىن كېلىپ چىققان باكتېرىيە خاراكتېرلىك ئىچى سۈرۈش قاتارلىق يۇقۇملۇق كېسەللەر كەلتۈرۈپ چىقارغان قىزىش بولسا، ئاشقازان، ئۈچەي يولى ئىقتىدارى تۆۋەنلەيدۇ، سوغۇق ئىچىملىكنى كۆپ ئىچكەندە كېسەل ئەھۋالى تېخىمۇ ئېغىرلىشىدۇ ھەتتا كېسەل ئەھۋالىنى ناچارلاشتۇرۇۋېتىپ، جانغا خەۋپ يەتكۈزىدۇ.
ئاچچىق – چۈچۈكتىن پەرھىز تۇتۇش كېرەك. بەدەن تېمپېراتۇرىسى ئۆرلىگەندە زەنجىۋىل، سامساق، مۇچ تۈرىدىكى مۆتىدىل ئاچچىق – چۈچۈك يېمەكلىكلەرنى يېگەندە، ئىسسىق ئارقىلىق ئىسسىقنى ئاشۇرۇپ، كېسەل ئەھۋالىنى ئېغىرلاشتۇرۇۋېتىپ، قىزىتمىنى پەسەيتىش ۋە بالدۇر ئەسلىگە كېلىشكە پايدىسىز بولىدۇ.
مەجبۇرىي غىزالىنىشتىن پەرھىز تۇتۇش كېرەك. بالىلار قىزىپ قالغاندا، بەزى ئاتا – ئانىلار بەدەن قۇۋۋىتى خوراپ كەتتى، دەپ قاراپ، بالىنى مەجبۇرىي غىزالاندۇرىدۇ، ھەتتا بەزىلىرى بالىغا ئوزۇقلۇق تەركىبىي يۇقىرى يېمەكلىكلىرىنى يېگۈزىدۇ، ئەمەلىيەتتە، بۇ ئۇسۇل ئىشتىھاغا تەسىر يەتكۈزىدۇ، يەنە كۆڭۈلنى ئېلەشتۈرىدۇ، ھەتتا ياندۇرۇش، ئىچى سۈرۈش قاتارلىق ئالامەتلەرنى كەلتۈرۈپ چىقىرىپ، كېسەل ئەھۋالىنى ئېغىرلاشتۇرۇۋېتىدۇ.
