بوۋاقلار ئۆزىنى قانداق ئىپادىلەيدۇ؟
بوۋاقلارنىڭ دۇنياسىنى بىزگە ھىچ ئوخشىمايدىغان ، باشقىچىلا بىر دۇنيا دىسەك بولىدۇ. چۈنكى ئۇلار سۆزلىيەلمەيدۇ، يازالمايدۇ، شۇڭا پەقەت ھەرخىل ئاۋاز چىقىرىش ئارقىلىق ئۆزىنى ئىپادىلەشكە تىرىشىدۇ. ئەمما بوۋاقلار ھەرخىل ئاۋازلارنى چىقىرىپ ئۆزىنى ئىپادىلەشكە تىرىشقاندا، تەجرىبىسىز ئاتا ئانىلار بەكلا تەمتىرەپ قېلىشى مۇمكىن. ئەگەر ئاتا ئانىلار، بوۋاقلارنىڭ چىقارغان ئاۋازلىرىغا ياخشى دىققەت قىلىپ باقسا، بوۋاقلار ئۆزىنىڭ بەدەن ئەھۋالىنى مۇشۇ ئاۋازلار بىلەن ئاتا ئانىسىغا بىلدۈرمەكچى بولغانلىقىنى ھىس قىلالايمىز. ۋاي ئۇماقلار.
بۇ قىسقا ۋىدىئورىمىزدا، چەتئەللىك بىر ئايال بوۋاقلارنىڭ ھەرخىل ئەھۋاللار ئاستىدا چىقارغان ھەرخىل ئاۋازلىرىنى كۈزىتىش جەريانىدا يەكۈنلەپ چىققان تەجرىبىسىنى خۇلاسىلەپ چىققان بولۇپ، تورداشلارنىڭ پايدىلىنىشى ئۈچۈن ھەمبەھىرلىنىشنى توغرا كۆردۈم. باشلاشنىڭ ئالدىدا، فىلىم ئاستىدىكى بارىكاللا بارمىقىنى بېسىپ قويۇڭ، ھەم قانىلىمىزغا مۇشتەرى بولۇشنى ئۇنۇتماڭ.
بوۋاقلارنىڭ ھەرخىل ئاۋازلىرى
1. نېھ، نى، نېخ
قورسىقى ئاچقاندا
قورسىقى ئاچقاندا، «نېھ، نى، نېخ» ئاۋازلىرىنى چىقىرىشى مۇمكىن
بوۋاقلارنىڭ قورسىقى ئاچقاندا، كۆپىنچە ۋاقىتلاردا مۇشۇنداق ئاۋاز چىقىرىدۇ، بۇ چاغدا دەرھال پۇرسەت چىقىرىپ بوۋاققا سۈت بېرىڭ.
2. ئوۋ،ئا، ئاۋ، ئاھ
ئۇيقۇسى كەلگەندە
ئۇيقۇسى كەلگەندە، « ئوۋ،ئا، ئاۋ، ئاھ » ئاۋازلىرىنى چىقىرىشى مۇمكىن
بوۋاقلارنىڭ ئۇيقۇسى كېلىپ قېرىشقاندا، مۇشۇنداق ئاۋاز چىقىرىدۇ. بۇ چاغدا، بوۋاقنى جىمجىت مۇھىتقا ئېلىپ كىرىپ ئۇخلىتىپ بېقىشقا تىرىشىڭ.
3. ھى، ئى، ئىغ…
بەدىنى بىئارام بولغاندا
بەدىنى بىئارام بولغاندا، « ھى، ئى، ئىغ… » ئاۋازلىرىنى چىقىرىشى مۇمكىن
بوۋاقلار بۇ خىل ئاۋاز چىققاندا، بەدىنىنىڭ بىر يېرىدە بىئارامچىلىق بولۇشى مۇمكىن. بوۋاقنىڭ بەدىنىنى تەكشۈرۈپ بېقىڭ، قىزىتما بارمۇ، سۈيدۈك لاتىسى يەنە بىر ئىسمى پامپىر ياخشى تاقالماي قالدىمۇ، ياتقان يېرى راھەتسىزمۇ بۇلارنى بىر قۇر كۆرۈپ بېقىڭ. پۈتۈن بەدىنىنى تەكشۈرۈپ بىرەر بىنورماللىق بارمۇ ئىزدەپ باقسىڭىز بولىدۇ.
4. ئىر، ئىڭە ، ئىڭا
يەل سانجىقى ئاغرىقى
يەل سانجىقى ئاغرىقى تۇتقاندا، « ئىر، ئىڭە ، ئىڭا…» ئاۋازلىرىنى چىقىرىشى مۇمكىن
يەل سانجىقى بوۋاقلارنىڭ 1-2 ئايلىرىدا ئەڭ بىئارام قىلىدىغان سەۋەبلىرىنىڭ بىرى ھىساپلىنىدۇ. يەل سانجىقى بولغاندا كۆپىنچە بوۋاقلار مۇشۇنداق ئاۋاز چىقىرىدۇ. بۇ چاغدا قورسىقىنى سائەت توغرا يۆلىنىشىدە ئۇۋۇلاپ بېرىڭ ۋەيا ئەھۋالغا قاراپ يەل ماڭدۇرىدىغان دورىلارنى بەرسىڭىز بولىدۇ.
يۇقارىدا تىلغا ئېلىنغان ئەھۋاللار 100دە 100 دىيەلمىسەكمۇ، ھىچ بولمىسا كۆپىنچە بوۋاقلارغا ماس كىلىدۇ. يېڭى ئاتا ئانا بولغانلار پايدىلىنىپ قالسا ئەجەپ ئەمەس.
