ھازىرقى جەمئىيىتىمىزدە بولسۇن ، بۇرۇنقى جەمئىيەتتە بولسۇن ، ئەرلەرنىڭ توختىماي ئويلىشىدىغان ئىشلىرىنىڭ بىرى بولسا دەل مۇشۇ جىنسىي قۇۋۋەتنى قانداق قىلغاندا ئاشۇرغىلى بولىدۇ دىگەن مەسىلىدۇر تۆۋەندە تىببىي نۇقتىدىن چىقىپ تۇرۇپ بىر قانچە تەۋسىيە بېرىمىز ھەم چۈشەندۈرۈپ قويىمىز
ئەرلىك جىنسىي قۇۋۋەتنى قانداق قىلسا ئاشۇرغىلى بولىدۇ؟
ئەلۋەتتە دوختۇر بولمىغان بىرەر دوستىڭىزدىن سورىسىڭىزمۇ ، ئۇلار چوقۇم بىرىنجى بولۇپ بېرىدىغان جاۋابى : چېنىقىشتۇر .
چېنىقىش ، ھەقىقەتەن مەيلى ئەرلەرنىڭ بولسۇن ياكى ئاياللارنىڭ بولسۇن جىنسىي قۇۋۋىتىنى ئاشۇرالايدۇ . چۈنكى چېنىقىش ئارقىلىق بەدەندىكى مۇسكۇللارنىڭ ئېلاستىكىلىق كۈچىنى يۇقىرى كۆتۈرگىلى ، نېرۋىلارنىڭ سىزىمچانلىقىنى ئاشۇرغىلى ، سىرتقى دۇنيادىن كەلگەن يەنى جىنسىي مۇناسىۋەتتە قارشى تەرەپتىن كەلگەن ھىس تۇيغۇلارنى تېخىمۇ ئىتتىك قوبۇل قىلالايدىدۇ .
ئويلاپ بېقىڭ ، ئەگەر ئادەتتە سىز ئانچە چېنىقمايدىغان ، نەچچە قەۋەت پەلەمپەي ياماشسىڭىز ھاسىرايدىغان ، ياكى بەدىنىڭىز سېمىز تېرىڭىزنىڭ ئاستى مايلار بىلەن قاپلاپ كەتكەن بىرسى بولسىڭىز جىنسىي مۇناسىۋەتتە ھەرگىزمۇ بىر چېنىقىپ تۇرىدىغان ، ئۇزۇنغا چىدىيالايدىغان ، تېرىسىنىڭ ئاستى نېرۋىلارغا تولغان بىرسىنىڭ ئالىدىغان ھوزۇرىنى تەسەۋۋۇر قىلالمايسىز ھەم ئۆمۈر بويى تەسەۋۋۇر قىلالاماي ئۆتۈپ كېتىشىڭىز مۇمكىن .
شۇڭا بىرىنجى بولۇپ سىزگە چېنىقىشنى تەۋسىيە قىلىمىز . چېنىققاندىمۇ قارىغۇلارچە چېىنىقىش ئەمەس بەلكى رېتىملىق چېنىقىش ئۇسۇللىرى بولۇش لازىم . ئۇنى كېيىنكى يازمىلاردا تىلغا ئالىمىز .
ئىككىنجىدىن ، ئوزۇقلۇق تەۋسىيەسى .
ئوزۇقلۇقتا تەۋسىيەسىدە ، ئوزۇقلۇقشۇناسلار ، ئەرلەر دوختۇرلىرى ، ئۇيغۇر تېبابىتىدىكى تىۋىپلار ، جۇڭيى دوختۇرلىرى بىربىرىگە ئوخشىمىغان ئوزۇقلۇقلارنى تەۋسىيە قىلىشى مۇمكىن . ئەڭ مۇھىمى بەدەندىكى ھەرقايسى ۋىتامىنلارنىڭ تولۇق بولۇشى ، ياغ ئاقسىللارنىڭ تولۇق بولۇشى ، مىنىرال ماددىلارنىڭ تولۇق بولۇشى لازىم . بۇ ماددىلارنىڭ ھەر تۈرلۈك مىۋىلەردىن ، كۆكتاتلارنىڭ ۋە گۆشلەردىن تولۇقلىيالايسىز . يەنى شۇنى دىمەكچىمەن ، ھەرگىزمۇ بىر خىللا تاماق ، مىۋىلەردىنلار چوقۇم جىنسىي ھىسسىياتى كۈچۈمنى ئاشۇرالايمەن دەپ ئويلىماڭ . چوقۇم ھەرخىل تاماق ، كۆكتات ، مىۋىلەرنى ئۆز ئارا ئارىلاشتۇرۇپ ماسلاشتۇرۇپ ئىستىمال قىلىش لازىم .
ۋىتامىن E,ۋىتامىن C, ۋىتامىن A، ۋىتامىن B6 ، ۋىتامىن B بىرلەشمىسى ، سىنىك قاتارلىقلار ئىسپىرمىنىڭ كۈچىنى ئاشۇرالايدۇ ، سانىنى كۆپەيتەلەيدۇ ، مەزى بېزى رولىنى ياخشىلاپ نېرۋا سېستىمىنى تېخىمۇ ياخشىلالايدۇ .
يېمەكلىكلەردىن بانان ، جىگەر ، بۆرەك ، ئەنجۈر ، ياڭاق ، قاق ۋە مېغىزلار ، نەشپۈت ، بۆلجۈرگەن ، كاۋا ، شاكىلات … ۋە باشقا بەزى يېمەكلىكلەرمۇ جىنسىي ھەۋەسنى يۇقىرىلىتىدۇ .
ئەمما يۇقىرىدا ئېيتىلغاندەك ، باشقا دوختۇرلار بەلكى باشقىچىراق تەۋسىيە ۋە تېئورىلارنى ئوتتۇرىغا قويۇشى مۇمكىن . نىگىزلىك ئۆزگەرمەيدىغان مەسىلە يېمەكلىكلەرنى نورمىلىق ، تۈرىلىرىنى مول ئورۇنلاشتۇرۇش لازىم . مۇشۇنداق قىلغاندىلا ئاندىن بەدەنگە كېرەكلىك بولغان ماددىلارنى تولۇقلىيالايمىز .
ئۈچىنجىدىن، جىنسىي تۇرمۇشتا مۇھىم رول ئوينايدىغان ئامىل : روھىي كەيپىياتتۇر
روھىي كەيپىيات يۇقىرى ۋاقىتتا جىنسىي كۈچى ئۇرغۇپ تۇرالايدۇ ھەم تېخىمۇ ياخشى جىنسىي مۇناسىۋەت ئېلىپ بارالايدۇ . بەزى كىشىلەر خىزمەت جەھەتتىكى بېسىم ، ئائىلە كىرىم چىقىم بىسىمى ، تۇرمۇشتىكى توسالغۇلار… قاتارلىق ھەر تۈرلۈك سەۋەبلەردىن روھىي كەيپىياتى تۆۋەن بولۇشى بىلەن بىرگە جىنسىي ئىستىكىمۇ تۆۋەنلەپ كىتىدۇ .
شۇڭا بۇنداق ئەھۋال كۆرۈلگەندە ھەرگىزمۇ ئۆزدە جىنسىي كېسەللىك بولۇپ قالدىم دەپ ئەنسىرەپ كەتمەسلىك كېرەك . ۋاقتىدا مەسىلىنى بايقاپ ھەل قىلىش ئارقىلىق كەيپىياتنى تۇراقلاشتۇرسىلا يەنە بۇرۇنقى ھالىتىگە قايتىپ كەلگىلى بولىدىغانلىقىغا ئىشەنچى بولۇشى كېرەك .
