ھەيىز كېسىلىش يىغىندى ئالامەتلىرى 绝经期综合症
ھەيىز كېسىلىش (كلىماكتېرىيە دەۋرى) دەۋرى بولسا ، ئاياللار تۇخۇمدان رولىنىڭ تەدرىجىي ئاجىزلاپ ، ھەيز توختاشنىڭ ئالدى كەينى دەۋرى بولۇپ ، 40~50ياش ئەتراپىدا بولىدۇ
ھەيز كېىسىلىش دەۋرىدە ئاياللارنىڭ ئىچكى ئاجراتما تەڭپۇڭلۇقىدا ئۆزگىرىش بولۇپ، ۋېگېتاتىۋ نېرۋا خىزمىتى قالايمىقانلاشقانلىقىدىن ھەرخىل ئالامەتلەر كۆرۈلىدۇ . مەسىلە:يۈز كۆزلىرى قىزىرىش ، قۇلىقى غوڭۇلداش، ئۇيقۇسىزلىق ، غەمكىن بولۇش ، ئاسان ھاياجانلىشىش ، ھەتتا يىغلاش ، بېشى چىڭقىلىش ، بەزىلىرىدە قان بېسىمى ئۆرلەش ، يۈرەك تېز سېلىپ كېتىش ، قاتارلىق ئالامەتلەر كۆرۈلىدۇ .
بۇ دەۋرىدە كۆپىنچە ئاياللار سەمىرىپ ، ماي قورسىقى ۋە ساغرىسىغا يىغىلىدۇ . بەزىلىرى ئورۇقلايدۇ . ئاياللارنىڭ ھەيزى كېسىلىش دەۋرىدىكى ئالامەتلىرىنىڭ ئېغىر – يىنىكلىكى ، داۋاملىشىش ۋاقتىنىڭ ئۇزۇن -قىسقىلىقى ھەر بىر ئادەمنىڭ ئوخشىمايدۇ . ۋاقىتنىڭ ئۆتۈشىگە ئەگىشىپ ئىچكى ئاجراتما خىزمىتىنىڭ قايتىدىن تەڭشىلىشىدىن ئالامەتلىرى ئۆزلىكىدىن يوقايدۇ .
ئاياللارنىڭ ھەيز كېسىلىش دەۋرىدىكى ئالامەتلىرىنىڭ ئىپادىلىنىش بىر تەبىئىي باسقۇچ . شۇڭا ئىدىيىدىكى غەمكىنلىكنى تۈەىتىش ، ئۆزىدە قانداقتۇ بىر كېسەل بار دەپ گۇمانلىنىۋەرمەسلىك كېرەك .
خىزمەت بىلەن دەم ئېلىشنى بىرلەشتۈرۈپ ، روھىي كەيپىياتنى ياخشى تۇتۇش ، روھىي يۈكنى يېنىكلىتىش كېرەك . ئالامەتلىرى ئېغىرلىرىنى دوختۇرغا كۆرسىتىش ، كېسەل ئالامىتىگە قارىتا تىنچلاندۇرۇش ، ھورمون دورىلىرنى ئىشلىتىش لازىم .
ھەيز كېسىلىش دەۋرىدە كۆرۈلىدىغان ئالامەتلەر يالغۇز مەزكۈر كېسەلدە كۆرىلىپلا قالماي ، بەلكى بۇنىڭدىن باشقا كېسەللىكتىمۇ كۆرۈلىدۇ . شۇڭا ئەڭ ياخشىسى دوختۇرغا كۆرۈنۈپ ، ئومۇميۈزلۈك تەكشۈرۈش كېرەك .
