نېۋرالىنك خەۋىرى ، دوختۇرلار تورى تەرجىمىسى:
نېۋرالىنك ( Neuralink ) ئىككىنچى تەجرىبە بىمارى CS ئويۇن ئوينىيالايدىغان بولدى ،كومپىيوتېردا CAD ئارقىلىق رەسىم سىزالايدىغان بولدى.
بۇ بىمارنىڭ ئىسمى ئالېكس ( Alex ) ،ئاپتوموبىل تېخنىك ئۇستىسى بولۇپ ، تاساددىپىيلىق سەۋەبىدىن بەل ئومۇرتقا يىلىكى يارىلانغان ئىدى. ئالدىنقى ئايدا نېۋرالىنك ( Neuralink ) شېركىتىنىڭ مېڭە ماشىنا ئۇلاش ئۆزەك ئوپىراتسىيىسىنى قوبۇل قىلغان ئىدى. ئوپېراتسىيە ناھايىتى ئوڭۇشلۇق بولۇپ ، ئەتىسى دوختۇرخانىدىن چىققان . دوختۇرخانىدىن چىققاندىن كېيىن ئۇنىڭ سالامەتلىكىنىڭ ئەسلىگە كېلىش جەريانىمۇ ناھايىتى ئوڭۇشلۇق بولغان.
ئالېكس ھازىر «تېررورلۇققا قارشى تۇرۇش قەھرىمانى» 2 نى ئويناۋاتىدۇ
نېۋرالىنك ئوپىراتسىيىسىدىكىن كېيىنكى مەزگىلدە ئالېكس ( Alex ) ئىزچىل تۈردە ئېلېكترونلۇق ئويۇن ئويناش ماھارىتىنى يۇقىرى كۆتۈرۈشكە دېققىتىنى مەركەزلەشتۈرگەن ھەمدە كومپيۇتېر لايىھىلەش يۇمشاق دېتالى ( CAD ) ئارقىلىق 3D ئوبيېكتى لايىھىلەشنى ئۆگىنىشكە باشلىغان.
ئىككىنچى بىمار ئوپېراتسىيەدىن ياخشى بولغاندىن كېيىن، ماسك : «ئەگەر ھەممە ئىش ئوڭۇشلۇق بولسا، بىر نەچچە يىل ئىچىدە نەچچە يۈز ئادەم نېۋرالىنك ( Neuralink ) ئىشلىتىشى مۇمكىن، بەش يىل ئىچىدە نەچچە ئون مىڭ ئادەم بولۇشى مۇمكىن،10 يىل ئىچىدە نەچچە مىليون ئادەم بولۇشى مۇمكىن ……» دېدى.
تۇنجى نېۋرالىنك مېڭە ئۇلاش ئېغىزى ئۆزەك كۆچۈرگۈچى نولاند ( Noland ) دە ئۈسكۈنىنىڭ نېرۋا ھۈجەيرىسى كۆرۈش سىزىقى چۈشۈپ كېتىش مەسىلىسى كۆرۈلگەن بولۇپ، بۇ مېڭە ئۇلاش ئېغىزى ئىقتىدارىنىڭ تۆۋەنلەپ كېتىشىنى كەلتۈرۈپ چىقارغان ، نولاندنىڭ ئېيتىشىچە ،ئۇ تەپەككۇر ئارقىلىق كومپيۇتېرنى كونترول قىلىپ نۇر بەلگىسىنى يۆتكەشنىڭ بۇرۇنقىغا ئوخشاش سىلىق ئەمەسلىكىنى ھېس قىلغان. ئەينى چاغدا نولاند، نېۋرالىنك شېركىتى ئۇنىڭ بەدىنىدىكى ئۈسكۈنىلەرنى يۆتكىۋەتمەكچى دەپ ئويلاپ قېلىپ، ئاخبارات ۋاستىلىرىنىڭ زىيارىتىنى قوبۇل قىلغاندا كۆز يېشى قىلغان ئىدى. نولاند ئۇ چاغدا مۇنداق دىگەن ئىدى : ئۇلار ( نېۋرالىنك شېركىتىنى دىمەكچى ) پەقەت بىر قىسىم سانلىق مەلۇماتلارنى توپلاشنىلا بىلىدۇ ، ئاندىن زېھنىنى كېيىنكى كۆچۈرۈلگۈچىگە قاراتماقچى.
ھازىر نولاند مېڭىسىدىكى ئۈسكۈنە سىمى تۇراقلاشقان ، مېڭىسىگە كۆچۈرۈلگەن ئۈسكۈنە ئىقتىدارىمۇ ئەسلىگە كەلگەن. ھازىر ئۇنىڭ مېڭە ئۇلاش ئېغىزى ئارقىلىق كومپيۇتېر مائۇسنىڭ يۆتكىلىشىنى كونترول قىلىش ئىقتىدارى ئىلگىرىكى دۇنيا رېكورتىدىن ئىككى ھەسسە ئېشىپ كەتتى. ئىككىنچى قېتىم كۆچۈرۈلگۈچىنىڭ سىم ماتېرىيالىنىڭ تارىيىش ئېھتىماللىقىنى ئازايتىش ئۈچۈن ، نېۋرالىنك ئوپېراتسىيە جەريانىدا چوڭ مېڭىنىڭ ھەرىكىتىنى ئازايتىش ھەمدە كۆچۈرۈلگەن ماددا بىلەن چوڭ مېڭە سىرتقى يۈزى ئارىسىدىكى بوشلۇقنى ئازايتىشنى ئۆز ئىچىگە ئالغان كۆپ خىل پەسەيتىش تەدبىرلىرىنى قوللاندى. ھازىرغىچە ئالېكس نېرۋا ئېلېكتىر قۇتۇپى سىمىنىڭ چۈشۈپ كېتىشتەك مەسىلىسىگە دۇچ كەلمىدى.
ماسك مەلۇم بىر بىۋاستە كۆرسىتىشتە ئۆزىنىڭ مۇنداق بىر ئۈمىدىنى تىلغا ئالغان ئىدى. ماسك مۇنداق دېگەن ئىدى : مېڭە ئۇلاش ئېغىزىنىڭ ئاخىرقى نىشانى AI بىلەن ئىنسانلارنى بىرلەشتۈرۈش بولۇپ، ئەگەر بەزى كىشىلەر بىلىكى ياكى پۇتىدىن ئايرىلىپ قالسا، نېۋرالىنك شېركىتى ئۆزەك كۆچۈرۈش جەريانىدا Optimus ماشىنا بىلىكى ياكى پۇتىنى تۇتاشتۇرغىلى بولىدۇ . بۇنداق بولغاندا ئۇلارنىڭ چوڭ مېڭىسىنىڭ بۇيرۇقى ئۇلارنىڭ ماشىنا ئادىمىنىڭ بىلىكى ياكى پۇتىغا يېتىپ بارىدۇ.
نېۋرالىنك ئىككىنچى قېتىملىق تەجرىبىنى مۇۋەپپەقىيەتلىك تاماملىغاندىن كېيىن ،ماسك يەنە مۇنۇلارنى بىلدۈردى : نېۋرالىنك شېركىتى باشقا بىر خىل مەھسۇلاتنى ئوتتۇرىغا چىقىرىپ ،ئەمالارنىڭ كۆرۈش قۇۋۋىتىنى ئەسلىگە كەلتۈرۈشىگە ياردەم بېرىدۇ.
تۆۋەندىكى ئادرىستىن، ئىككىنچى ئۆزەك كۆچۈرگۈچى بىمارنىڭ كومپىيوتېردا CS ئويۇنى ئوينىغان ۋاقتىنى ۋە CAD بىلەن رەسىم سىزغانلىقىنى كۆرەلەيسىز.
https://neuralink.com/blog/prime-study-progress-update-second-participant
 ئىككىنچى تەجرىبە بىمارى CS ئويۇن ئوينىيالايدىغان بولدى ،كومپىيوتېردا CAD ئارقىلىق رەسىم سىزالايدىغان بولدى. بۇ بىمارنىڭ ئىسمى Alex بولۇپ ،ئاپتوموبىل تېخنىك ئۇستىسى بولۇپ ، تاساددىپىيلىق سەۋەبىدىن بەل ئومۇرتقا يىلىكى يارىلانغان ئىدى. ئالدىنقى ئايدا Neuralink شېركىتىنىڭ مېڭە ماشىنا ئۇلاش ئۆزەك ئوپىراتسىيىسىنى قوبۇل قىلغان ئىدى. ئوپېراتسىيە ناھايىتى ئوڭۇشلۇق بولۇپ ، ئەتىسى دوختۇرخانىدىن چىققان . دوختۇرخانىدىن چىققاندىن كېيىن ئۇنىڭ سالامەتلىكىنىڭ ئەسلىگە كېلىش جەريانىمۇ ناھايىتى ئوڭۇشلۇق بولغان.){kind=link}