سوئال: مەن يېقىندا مەزى بېزىنى ئوپېراتسىيە قىلدۇردۇم، شۇنىڭدىن كېىن، جىنسى ئالاقە قىلغاندا مەنى دوۋساققا ئېقىپ كېتىدىغان بولۇپ قالدى، بۇ قانداق ئىش؟ مەنىنىڭ داۋاملىق دوۋساققا ئېقىپ كېتىشنىڭ زىيىنى بارمۇ يوق؟
دوختۇر: سىز ئېيتقان كېسەللىك «مەنى تەتۈر كېلىش» دەپ ئاتىلىدۇ. سۈيدۈك يولى ئارقىلىق، مەزى بېزى ئوپېراتسىيە قىلىنغان كىشىلەرنىڭ زور كۆپچىلىكىدە «مەنى تەتۈر كېلىش» يۈز بېرىدۇ. ئەپسۇسكى، دوختۇر بۇ ئەھۋالنى كېسەل كىشىگە ئالدىنئالا ئېيتماي، نەتىجىدە ئوپېراتسىيەدىن كېىن ئورۇنسىز ۋەھىمە كېلىپ چىقىدۇ (ئومۇمەن ياشانغان كىشىلەردە پەرزەنت كۆرۈش ئىقتىدارى بولمايدۇ، جىنسىي پائالىيەتمۇ ئازراق بولىدۇ) .
مەنى تەتۈر كېلىشنىڭ يۈز بېرىشى قىسمەن ياكى پۈتۈنلەي ئىشىغان مەزى بېزىنى ئېلىۋېتىش ۋاقتىدا، سۈيدۈك يول قىرى ۋە ئارقا تەرەت يولىنىڭ ئىچىدىكى قورۇغۇچى مۇسكۇللار زەخىملىنىدۇ، نەتىجىدە ئۇرۇق خالتىسىدىكى مەنى چىقىرىش نەيچىسىنىڭ يۆنىلىشى سۈيدۈك چىقىرىش يولىدىن دوۋساق تەرەپكە قاراپ ئۆزگىرىپ كېتىپ، «مەنى تەتۈر كېلىش» كېلىپ چىقىدۇ.
ئارقار تەرەت يولىدىن مەزى بېزىنى ئوپېراتسىيە قىلىشتا، سۈيدۈك يول قىرىنى زەخمىلەندۈرۈپ قويۇشتىن ساقلىنىش ناھايىتى تەس. چۈنكى ئوپېراتسىيە تاتۇقى مۇسكۇللارنىڭ قىسقىرىشىنى كەلتۈرۈپ چىقارغانلىقتىن، سۈيدۈك يولى قىرلىرى ئۆزگىرىپ كېتىپ، مەنى چىقىرىش نەيچىسىنىڭ يۆنىلىشىدە ئۆزگىرىش پەيدا قىلىدۇ.
«مەنى تەتۈر كېلىش» نىڭ بەدەنگە زىيىنى يوق، كىچىك تەرەت قىلغاندا مەنى تەبىئىى ھالدا چىقىپ كېتىدۇ.
مەزكۈر ماتېرىيال شىنجاڭ ياش-ئۆسمۈرلەر نەشرىياتى تەرىپىدىن 1987-يىلى نەشىر قىلىنغان «سالامەتلىك ۋە جىنسىيەت» ناملىق كىتابتىن ئېلىندى
تىببىي پەن دوكتورى لىمون كېراك (ئامېرىكا)
يازغۇچى، مائارىپ ماگىستىرى ئىسادور روبىن (ئامېرىكا)
