سىنا تورى خەۋىرى، نۇر تورى تەرجىمىسى:
تۇرمۇشتا مەقئەت نەملىشىپ قىچىشىش، كىچىك مونەك پەيدا بولۇش قاتارلىقلار بىر قەدەر كۆپ ئۇچرايدىغان كېسەللىك. ئۇنداقتا مەقئەت قىچىشىشنى قانداق قىلغاندا تېز بىر تەرەپ قىلغىلى بولىدۇ؟
مەقئەت ئەتراپى قىچىشىشمۇ دائىم كۆرۈلىدىغان كېسەللىك بولۇپ ئاساسلىق سەۋەبلىرى تۆۋەندىكىدەك ئۈچ خىل بولىدۇ. مەقئەت ئەتراپى قىچىشىش پەقەت تېرە مەسىلىسىلا ئەمەس، ئۇنىڭ كەينىگە ھەر خىل كېسەللىكلەر يوشۇرۇنغان بولۇشى مۇمكىن، شۇڭا ھەرگىز سەل قاراشقا بولمايدۇ.
1. مەقئەت ئاقمىسى: مەقئەت ئاقمىسى كېسەللىكىنىڭ يۈز بېرىشى بولسا، مەقئەتنىڭ ئىچكى قىسمىدىكى ياللۇغلىنىشتىن كېلىپ چىققان بولۇپ، قوزغالغاندا ۋاقتىدا داۋالىماي، سۈزۈك سۇ بىلەنلا يۇيۇپ قويساق ھېچقانداق ئۈنۈمى بولمايدۇ، شۇڭا بىز بۇنىڭغا يۈكسەك دەرىجىدە ئەھمىيەت بېرىشىمىز كېرەك.
2. مەقئەت قورۇغۇچى مۇسكۇلىنىڭ بوشىشىشى: بۇ خىل ئەھۋالدا مەقئەت تۈز ئۈچەي ھالقىسىنىڭ چوڭ تەرەتنى كونترول قىلىش كۈچى يېتەرلىك بولماسلىق، كۆپ قېتىم چوڭ تەرەت قىلىش سېزىمى بولۇشتەك ئالامەتلەر كۆرىلىدۇ. ئۇنىڭدىن سىرت، ئىچكى گېموروي چىقىپ قېلىش، تۈز ئۈچەي شىللىق پەردىسى چىقىپ كېتىش قاتارلىق ئەھۋاللارمۇ كۆرىلىدۇ.
3. مەقئەت ئەتراپى تېرە كېسىلى: بۇ بىر خىل نېرۋا فۇنكسىيەسى توسقۇنلۇققا ئۇچراش خاراكتېرلىك تېرە كېسىلى بولۇپ، مەقئەت ئەتراپى ۋە چات ئارىلىقى بىلەنلا چەكلىنىدۇ، يۇقۇملانغاندىن كېيىن يىرىڭلىق ئىششىق يېرىلىپ كېتىش، غەلىتە قىچىشىش قاتارلىقلار ئالامەتلەر كۆرۈلىدۇ.
قانداق قىلغاندا قىچىشىشنى تېز بىر تەرەپ قىلغىلى بولىدۇ؟
1. سەۋەبكە قارىتا داۋالاش
ئەگەر قىچىشىش بىر قەدەر ئېغىر بولسا، دەرھال دوختۇرغا كۆرۈنۈش، ھەمدە كېسەللىك سەۋەبىگە قارىتا دورا بىلەن داۋالىنىش كېرەك.
2. يېمەك-ئىچمەككە دىققەت قىلىش
غىدىقلىغۇچى يېمەك-ئىچمەكلەرنىڭ مەقئەتنى غىدىقلاپ، قىچىشىشنى پەيدا قىلىشتىن ساقلىنىش، قەھۋە، چاي، كولا، شاكىلات، ئاپېلسىن قاتارلىق يېمەكلىكلەرنى ئىستېمال قىلىشنى ئازايتىش، مايسىز يېمەكلىكلەرنى كۆپرەك ئىستېمال قىلىش ئارقىلىق مەقئەت قىچىشىشنى ئۈنۈملۈك ياخشىلىغىلى بولىدۇ.
3. يەرلىك ئورۇننىڭ تازىلىقىنى ياخشىلاش
چوڭ تەرەتتىن كېيىن ئاق، پۇراقسىز قەغەز بىلەن يېنىك سۈرتۈپ، ئىككىنچى قېتىم يۇقۇملىنىشنىڭ ئالدىن ئېلىش ئۈچۈن، ئىلمان سۇ بىلەن يۇيۇپ، مەقئەت نەيچىسىدە قېلىپ قالغان تەرەتتىن ساقلىنىش كېرەك.
4. ئىچ كىيىمنى پات پات ئالماشتۇرۇش
ھەر كۈنى ئىچ كىيىمنى ئالماشتۇرۇش ھەم ۋاقتىدا يۇيۇپ ئاپتاپقا سېلىش كېرەك، بۇنداق قىلغاندا ئىچ كىيىم ئۈستىدىكى مىكروبلارنى ئىمكانقەدەر كۆپرەك ئۆلتۈرۈپ، ئىچ كىيىم پاكىز بولمىغانلىقتىن مەقئەت يۇقۇملىنىش، قىچىشىش كېلىپ چىقىشتىن ساقلانغىلى بولىدۇ .
مەقئەتتىكى كىچىك مونەكلەرگە ھەرگىزمۇ سەل قارىماڭ، ئۇلار بەلكىم ئۆسمە بولۇشى مۇمكىن. مەقئەت بەدىنىمىزدىكى كۆرۈنمەس رايونغا جايلاشقان بولۇپ، ئادەتتە كۆرگىلى بولمىغاچقا، ناھايىتى ئاسانلا نەزەردىن ساقىت قىلىنىدۇ، نۇرغۇن كىشىلەر يۇيۇنغاندا ياكى ساغرىسىنى سۈرتكەندە ئاندىن بۇنى بايقايدۇ. مەقئەتتىكى كىچىك مونەك گېموروي بولغاندىن سىرت، يەنە بەلكىم ئۆسمە بولۇشى مۇمكىن، مەقئەت ئەتراپىدا كىچىك مونەك پەيدا بولغانلىقىنى بايقىغاندا، چوقۇم ۋاقتىدا دوختۇرغا كۆرۈنۈپ تەكشۈرۈپ، داۋالاش ۋاقتىنى كېچىكتۈرۈپ قويماسلىق لازىم.
مەنبە:
https://m.nur.cn/news/2023/12/17920216.shtml
