مەزى بېزى ئۆسۈپ قېلىش بۇرۇن مەزى بېزى يوغىناپ قېلىش دەپ ئاتىلاتتى ، بۇ ئوتتۇرا ياشانغان كىشىلەردە كۆپ كۆرۈلىدىغان كېسەللىكلەرنىڭ بىرى ، مەزى بېزىنىڭ ياخشى سۈپەتلىك كېسەللىك ئۆزگىرىش ھېسابلىنىدۇ .
سەۋەبى:ئاساسلىقى بەدەن ئىچىدىكى ئەرلىك ھورمون ھەم ئاياللىق ھورموننىڭ تەڭپۇڭلۇقىنى يوقىتىش بىلەن مۇناسىۋەتلىك .
كېسەل پەيدا بولىدىغان ئورۇن: ئاۋۋال ئارقا سۈيدۈك يولى شىللىق پەردىسى ئاستىدىكى ئوتتۇرا ياپراقچە ياكى يان ياپراقچىدىكى بەز توقۇلمىلار، بىرىكتۈرگۈچى توقۇلمىلار ھەم سىلىق مۇسكۇل توقۇلمىلىرىدىن باشلىنىپ ، بىرىكمە توپچىسىمان مۇنەك ھاسىل بولىدۇ . بۇ خىل مۇنەكچىلەر كۆپىيىپ يوغىناپ ، سۈيدۈك يولى ياكى دوۋساققا كىرىپ ، دوۋساقنىڭ بويۇن قىسمى ھەم سۈيدۈك يولىنى بېسىۋېلىپ ، سۈيدۈك قىسىلىش ئەھۋالىنى كەلتۈرۈپ چىقىرىدۇ . ئەگەر كېسەللىك ئۇزۇن مۇددەت داۋاملاشسا ، بۆرەككە سۇ يىغىلىش ھەم بۆرەك رولى ئاجىزلىشىشدەك ئەھۋاللارنى كەلتۈرۈپ چىقىرىدۇ ، ئۇنىڭدىن سىرت يەنە تاش پەيدا بولۇش ، يۇقۇملىنىش ، ئۆسمە كەلتۈرۈپ چىقىرىشى مۇمكىن .
مەزى بېزى ئۆسۈپ قېلىش|前列腺增生症|BPH
