1. بېھى سۈيىگە مۇۋاپىق مىقداردا شېكەر ئارىلاشتۇرۇپ شەربەت تەييارلاپ، كۈندە ئۈچ قېتىم، ھەر قېتىمدا 50 مىللىلىتىردىن ئىستىمال قىلسا بولىدۇ.
2. ئۈزۈم، ئالما، بېھى، ئۆرۈك غورىسى، ئەينۇلا، ئانار سۈيلىرىنىڭ ھەر بىرىدىن 100 مىللىلىتىر ئېلىپ، 250 گرام سىركە بىلەن ئارىلاشتۇرۇپ، 600 گرام ئاق شېكەردە شەربەت تەييارلاپ، ئۈچ گرام زەپەر تالقىنىنى تەكشى ئارىلاشتۇرۇپ، كۈندە مۇۋاپىق مىقداردا ئىچىپ بەرسە بولىدۇ.
3. 150 مىللىلىتىر سىركە، 60 مىللىلىتىر ئاچچاق ئانار سۈيى، 60 مىللىلىتىر لىمون سۈيى، 60 مىللىلىتىر قىزىلگۈل سۈيى، 200 مىللىلىتىر ئالما سۈيى، 30 مىللىلىتىر ھۆل پىننە سۈيىنى بىرگە سۇس ئوتتا ئۈچتىن بىر قىسمى قالغۇچە قاينىتىپ، 350 گرام شېكەر بىلەن شەربەت تەييارلاپ، كۈندە ئەھۋالغا قاراپ ئىچىپ بەرسە بولىدۇ.
4. ئىككى كىلوگرام بېھىنى پاكىز يۇيۇپ، پوستىنى،ئۇرۇقىنى ئېلىۋىتىپ ئۇششاق توغراپ، بەش كىلوگرام قايناق سۇدا ئۈچ كىلوگرام قالغۇچە قاينىتىپ، بېھى يۇمشىغاندىن كېيىن سىقىپ سۈزىۋىتىپ، سۈيىگە ئىككى كىلوگرام شېكەرنى سېلىپ، قىيام بولغىچە قاينىتىپ، كۈندە ئىككى قېتىم، ھەر قېتىمدا 40 مىللىلىتىر ئىچىپ بەرسە بولىدۇ.
تور ماتېرىياللىرى
