ساغلاملىق تورى خەۋىرى، نۇر تورى تەرجىمىسى:
قەھرىتان سوغۇق كۈنلەردە نۇرغۇن كىشىلەر ئۆيلىرىگە قايتىپ كېلىپ دەرھال ئىسسىق سۇدا يۇيۇنۇشنى ئويلايدۇ، ئەمما بۇنىڭ ئىنتايىن خەتەرلىك ئىكەنلىكىنى بىلمەيدۇ. يۈرەك قان تومۇر ئىچكى كېسەللىكلەر دوختۇرلىرى مۇنۇلارنى بىلدۈردى: «ئوتتۇرا ياش، ياشانغانلارنىڭ قان تومۇرلىرىنىڭ ئېلاستىكلىقى ناچار، بەدىنىنىڭ تەڭشەش ئىقتىدارى ئاجىز، يۈرەك، مېڭە قان تومۇر كېسەللىكلىرىگە گىرىپتار بولغان بىمارلارغا نىسبەتەن، قىشتا سىرتتىن ئۆيگە كىرگەندىن كېيىن بىۋاسىتە ئىسسىق سۇدا يۇيۇنۇش ناھايىتى ئاسانلا يۈرەك مۇسكۇل تىقىلمىسىنى كەلتۈرۈپ چىقىرىدۇ».
قىش كۈنلىرى بىخەتەر يۇيۇنۇش ئۈچۈن، كىشىلەر ئەڭ ياخشىسى تۆۋەندىكى بىر قانچە پىرىنسىپقا ئەمەل قىلىشى كېرەك:
1. ئۆيگە قايتقاندىن كېيىن دەرھاللا يۇيۇنماستىن بەلكى 60-30 مىنۇتقىچە ئارام ئېلىپ، بەدەن تەدرىجىي ئىسسىغاندىن كېيىن ئاندىن يۇيۇنۇش كېرەك.
2. بەزىلەر ناھايىتى قىززىق سۇدا يۇيۇنۇشنى ياخشى كۆرىدۇ، لېكىن سۇنىڭ تېمپېراتۇرىسى ئەڭ ياخشىسى 40 گىرادۇستىن ئېشىپ كەتمەسلىكى كېرەك.
3. يۇيۇنۇش ۋاقتىنى 10~15 مىنۇت ئەتراپىدا كونترول قىلىپ، ئۇزاق ۋاقىت يېپىق، ھاۋا ئۆتۈشمەيدىغان مۇھىتتا تۇرۇشتىن، بەدەندە ئوكسىگېن يېتىشمەسلىك، قان يېتىشمەسلىكنى كەلتۈرۈپ چىقىرىشتىن ساقلىنىش كېرەك. مۇنچىدا ھاۋا ئالماشتۇرۇش ئۈسكۈنىسى بولۇشى كېرەك، ھاۋا ئالماشتۇرۇش شامالدۇرغۇچى ئارقىلىق ھاۋا ئۆتۈشۈشنى ئىلگىرى سۈرگىلى بولىدۇ.
مەنبە:
https://m.nur.cn/news/2023/12/16581475.shtml
