يېقىندا تەتقىقاتچىلار يۈرەك تەكشۈرۈش ئۈچۈن بىر خىل يېڭى تىپتىكى سۈنئىي ئەقلىي ئىقتىدار ( AI ) ئۈسكۈنىسىنى تەتقىق قىلىپ چىققان بولۇپ، تېخىمۇ ئاز ئېلېكتىر قۇتۇپى ئىشلەتسىلا ئەنئەنىۋى كۆپ قۇتۇپلۇق يۈرەك تەكشۈرۈش ئېلېكتروكاردىيوگرافى ( ECG شىندىيەنتۇ ) ئۈسكۈنىسى بىلەن ئوخشاش توغرىلىق بىلەن تەمىنلىگىلى بولىدىكەن. بۇ تەتقىقات نەتىجىسى 2024 – يىلى 7 – ئاينىڭ 27 – كۈنى «يۈرەك كېسەللىكلىرى ئىلمى» ژۇرنىلىدا ئېلان قىلىنغان بولۇپ، يۈرەك كۆزىتىش تېخنىكىسىدا زور ئىلگىرىلەش بولغانلىقىدىن دېرەك بېرىدۇ.
يۈرەكنى كۆزىتىش يۈرەك كېسەللىكىگە دىئاگنوز قويۇش ۋە داۋالاشقا يول كۆرسىتىشتە ئەڭ مۇھىم ۋاسىتىلىرىنىڭ بىرى. ئەنئەنىۋى يۈرەك سوقۇشىنى تەكشۈرۈش ئۇسۇلىدا ئادەتتە كۆپ (ئەڭ ئاز 7-9) ئېلېكتىر قۇتۇپى ئىشلىتىلىدۇ، بۇ تەكشۈرگۈچىنىڭ ئىش يۈكىنى ئاشۇرۇپلا قالماي، ئۆلچەپ تەكشۈرۈش جەريانىنىمۇ مۇرەككەپلەشتۈرۈۋېتىدۇ. بۇ ئەھۋالنى ياخشىلاش ئۈچۈن ، تەتقىقاتچىلار بىر خىل AI ھېسابلاش ئۇسۇلىنى كەشىپ قىلىپ ، ئېلېكتروكاردىيوگرافى ( ECG ) سانلىق مەلۇماتىنى ئانالىز قىلىشقا ئىشلەتكەن. بۇ خىل سۈنئىي ئەقلىي ئىقتىدارلىق تەكشۈرۈشكە پەقەت ئۈچ ئېلېكترود ئىشلىتىلسە يېتەرلىك بولۇپ، ئەنئەنىۋى ئۇسۇلدا ئېھتىياجلىق بولغان 12 ئېلېكترودنىڭ سانى كۆرۈنەرلىك دەرىجىدە ئاز ئىكەن ۋە تەكشۈرۈش ئۇسۇلى ئاسانلىشىدىكەن.
تەتقىقات كوللېكتىپى AI ھېسابلاش ئۇسۇلى ئارقىلىق ئاز مىقداردىكى ئېلېكتىر قۇتۇپى ئارقىلىق ئۆلچۈلگەن سانلىق مەلۇماتلارنى ئانالىز قىلغان ھەمدە مۇكەممەل ئېلېكتروكاردىيوگرافى سۈرىتى ھاسىل قىلىپ، يۈرەكنى توغرا ئۆلچەپ چىققان. تەجرىبە نەتىجىسىدىن مەلۇم بولۇشىچە ، يېڭى تىپتىكى AI قوراللىرىنىڭ يۈرەك نورمالسىزلىقىنى تەكشۈرۈش جەھەتتىكى توغرىلىقى ئەنئەنىۋى 12 ئېلېكترود ئۇسۇلى بىلەن ئوخشاش بولۇپ، يۈرەك رىتىمسىزلىقى، يۈرەك مۇسكۇل تىقىلمىسى قاتارلىق يۈرەك مەسىلىلىرىنى تېز پەرقلەندۈرەلەيدىكەن ھەمدە دىئاگنوز قويۇش سۈرىتى كۆرۈنەرلىك يۇقىرى كۆتۈرۈلىدىكەن.
500 نەپەر قاتناشقۇچىسى بولغان بىر تۈرلۈك كىلىنىكىلىق تەجرىبىدە، توغرىلىق نىسبىتىنىڭ %95 تىن ئاشقانلىقى مەلۇم بولغان. تەتقىقات كوللېكتىپى بۇ تېخنىكىنىڭ ئىشلىتىلىش ئىستىقبالىنىڭ پارلاق ئىكەنلىكىنى، بولۇپمۇ داۋالاش ۋە ئىقتىسات مەنبەسى چەكلىك بولغان داۋالاش مۇھىتىدا مۇھىم رول ئوينىشى مۇمكىنلىقىنى بىلدۈردى. AI قوراللىرىنىڭ ئىشلىتىلىشى مەشغۇلات تەرتىپىنى ئاددىيلاشتۇرۇپلا قالماي ،يەنە دىئاگنوزنىڭ توغرىلىقى ۋە ۋاقىتنىڭ قىسقا بولىدىكەن، يۈرەك كېسەللىكىگە دىئاگنوز قويۇش ۋە داۋالاش سەۋىيىسىنى يەنىمۇ ئۆستۈرىدىكەن.
تەتقىقات كوللېكتىپى بۇ تېخنىكىنى چەت ياقا ۋە داۋالاش بايلىقى يېتەرسىز رايونلارغا كېڭەيتىپ، تېخىمۇ كۆپ ئاغرىقلارنىڭ يۇقىرى سۈپەتلىك داۋالاش مۇلازىمىتىگە ئېرىشىشىگە ياردەم بېرىشنى پىلانلىدى. بۇنىڭدىن باشقا ،تەتقىقات ئەترىتى يەنە بۇ تېخنىكىنىڭ باشقا داۋالاش ساھەسىدە قوللىنىلىشى ئۈستىدە ئىزدىنىشنى پىلانلىدى ،مەسىلەن ،مېڭە ئېلېكتىر ئېقىمى ( EEG ) تەكشۈرۈش ۋە نەپەسلىنىش تەكشۈرۈش ،داۋالاش تېخنىكىسىدا يېڭىلىق يارىتىش ۋە تەرەققىياتنى يەنىمۇ ئىلگىرى سۈرۈش كېرەك.
بۇ تەتقىقاتقا ستانفورد ئۇنىۋېرسىتىتى مېدىتسىنا مەركىزىنىڭ يۈرەك كېسەللىكلىرى ئىلمى تەتقىقات كوللېكتىپى رەھبەرلىك قىلغان بولۇپ، ئامېرىكا دۆلەتلىك سەھىيە تەتقىقات يۇرتى ( NIH ) ۋە نۇرغۇن پەن – تېخنىكا شىركەتلىرىنىڭ ياردىمىگە ئېرىشكەن. تەتقىقات ئۆمىكى AI تېخنىكىسىنىڭ داۋالاش ساھەسىدىكى ئەمەلىي تەتقىقاتىغا داۋاملىق كۈچ چىقىرىپ ، بىمارلارنى تېخىمۇ ياخشى داۋالاش مۇلازىمىتى بىلەن تەمىنلەيدىغانلىقىنى بىلدۈردى.
مەنبە:
ستانفورد ئۇنىۋېرسىتىتى تېببىي مەركىزى
«يۈرەك كېسەللىكلىرى ئىلمى»
ئامېرىكا دۆلەتلىك سەھىيە تەتقىقات يۇرتى ( NIH ) ئورگان تورى
 ئۈسكۈنىسىنى تەتقىق قىلىپ چىققان بولۇپ، تېخىمۇ ئاز ئېلېكتىر قۇتۇپى ئىشلەتسىلا ئەنئەنىۋى كۆپ قۇتۇپلۇق يۈرەك تەكشۈرۈش ئېلېكتروكاردىيوگرافى ( ECG ) ئۈسكۈنىسى بىلەن ئوخشاش توغرىلىق بىلەن تەمىنلىگىلى بولىدىكەن. بۇ تەتقىقات نەتىجىسى 2024 - يىلى 7 - ئاينىڭ 27 - كۈنى «يۈرەك كېسەللىكلىرى ئىلمى» ژۇرنىلىدا ئېلان قىلىنغان بولۇپ، يۈرەك كۆزىتىش تېخنىكىسىدا زور ئىلگىرىلەش بولغانلىقىدىن دېرەك بېرىدۇ.){kind=link}