تېڭشۈن تورى، نۇر تورى تەرجىمىسى
مەينەتچىلىك ئۈستىدە توختالغاندا، بىز باكتېرىيە بىلەن قاپلانغان تەرەت قاچىسىنى، ئەخلەت بىلەن تولۇپ كەتكەن ئەۋرەز يولىنى، چىۋىن، ئەخلەت دۆۋىلىرىنى ئويلايمىز، لېكىن بىزنىڭ يېنىمىزدا ھەر كۈنى ئىشلىتىدىغان بىر نەرسە تەرەت قاچىسىدىنمۇ مەينەت بولسىمۇ ئۇنىڭدىن ئايرىلالمايمىز، ھەتتا تاماق يېگەندىمۇ ئۇنى قۇچاقلاپ تاماق يەيمىز، ئۇنداقتا بۇ زادى قانداق نەرسە؟
سىرتقا چىققاندا چوقۇم ئېلىپ چىقىمىز، تەرەت قىلغاندىمۇ ئايرىلالمايمىز، تېلېۋىزىيە تىياتىرى كۆرگەندە چوقۇم لازىم بولىدۇ، توغرا، ئۇ دەل بىزنىڭ يانفونىمىز، بەزىلەر «يانفون قانچىلىك مەينەت بولماقچىدى؟» دەيدۇ. مەركىزىي تېلېۋىزىيە ئىستانسىسى بىر تەجرىبە ئىشلەپ، ھەر خىل كەسپىي خادىملارنىڭ يانفونىنى يىغىپ، تەرتىپكە تىزىپ مىكروسكوپ ئاستىدا كۆزەتكەن، 24 سائەت ئىچىدە مىكروسكوپ ئارقىلىق كۆزەتكەندە، يانفوندىكى باكتېرىيە كولونىيىسى بارغانسېرى كۆپىيىپ، ناھايىتى تېز تەرەققىي قىلغان؛ بەزىلەر «يانفونۇم ئۇنچە مەينەت ئەمەس، ھەر كۈنى ئىسپىرتلىق پاختا بىلەن يانفونۇمنى سۈرتىمەن» دەيدۇ، بۇ قاراشمۇ تەجرىبىگە كىرگۈزۈلگەن، نەتىجىدە باكتېرىيە مىقدارى ھېچقانچە ئازايمىغان، ئوخشاش تەجرىبىدە، تەرەت تۇڭىمۇ سېلىشتۇرۇش ئوبيېكتى بولۇپ قالغان، تەتقىقاتچى خادىملارنى ھەيران قالدۇرغىنى، يانفوندىكى باكتېرىيە تەرەت تۇڭىدىكى باكتېرىيەدىنمۇ كۆپ بولغان، دېمەك، بىزنىڭ يانفونىمىز ئەمەلىيەتتە تەرەت تۇڭىدىنمۇ مەينەتكەن.
ھازىرقى زامان كىشىلىرى ئاساسەن يانفوندىن ئايرىلالمايدۇ، ئىشقا چىققاندا، ئىشتىن چۈشكەندە، كۆكتات سېتىۋالغاندا، بازار چۆگىلىگەندە، ھەتتا تاماق يېگەچ قىسقا فىلىم كۆرىدۇ، ھەتتا ئۇخلايدىغان چاغدا، يانفون كارىۋات بېشىغا قويۇلغان، ئەگەر بىر كۈندىكى قايسى ۋاقىتتا يانفوننىڭ كېرىكى يوق دېيىلسە، ئۇ چاغدا چوقۇم يۇيۇنىدىغان ۋاقىت بولىدۇ، يۇقىرى چاستوتا، ئۇزۇن ۋاقىت ئىشلىتىش باكتېرىيەنىڭ كۆپىيىدىغان جايى، كېسەللىك باكتېرىيەسىنىڭ ئەڭ ياخشى تارقىلىش يولى بولۇپ قالىدۇ. بىر مىكرو بىلوگدا مۇنداق دېيىلگەن: ھازىرقى زامان كىشىلىرىنىڭ بارمىقىنىڭ ھەر كۈنى يانفوندا سىيرىلغان ئۇزۇنلۇقى سىزنىڭ بىر كۈندە ماڭغان يولىڭىزدىنمۇ ئۇزۇن بولىدۇ.
دەۋرنىڭ تەرەققىياتىغا، پەن-تېخنىكىنىڭ ئۈزلۈكسىز تەرەققىي قىلىشىغا ئەگىشىپ، تېخىمۇ كۆپ ئېلېكترونلۇق مەھسۇلاتلار تۇرمۇشىمىزغا سىڭىپ كىردى، تازىلىق مەسىلىسىمۇ ئالاھىدە ئويلىنىشقا تېگىشلىك مەسىلە بولۇپ قالدى، شۇڭا ئادەتتە يانفوننى ئىمكانقەدەر ئاز ئىشلىتىشىمىز، تاماق يېيىشتىن بۇرۇن قولنى يۇيۇپ دېزىنفىكسىيە قىلىشىمىز، تاماق يېگەچ يانفون ئوينايدىغان ئادەتنى قەتئىي ئۆزگەرتىشىمىز كېرەك، شۇنىڭ بىلەن بۈگۈن يانفونىڭىزنى قويۇپ قويدىڭىزمۇ؟
مەنبە:
https://m.nur.cn/news/2024/06/7275020.shtml
