ئۈندىدار سالونى خەۋىرى، نۇر تورى تەرجىمىسى:
ئەرلەر ئادەتتە ئۆزىنىڭ جىنسىي ئىقتىدارىنى سۈپەتلەشتە ئۆز ئالدىغا ئىشلىتىدىغان گەپلىرى بولىدۇ، ئاياللارغا نىسبەتەن ئېيتقاندىمۇ ھەم شۇنداق. ئەمما دائىم جىنسىي ئەزالارنى ئىشلىتىپ تۇرمىغاندا «ئىقتىدار»دا چېكىنىش بولامدۇ؟
جىنسىي تۇرمۇش بىر خىل فىزىيولوگىيەلىك ئېھتىياج بولۇپ، ئەرلەرگە ئوخشاش، ئاياللارنىڭمۇ جىنسىي ئىقتىدارىدا ئۇزاق مۇددەت ئىشلەتمىگەندە تەدرىجىي چېكىنىش مەسىلىسى مەۋجۇت بولىدۇ. بۇ خۇددى ئۆتكۈر پىچاقنى داۋاملىق ئىشلىتىپ تۇرمىسا داتلىشىپ كەتكەندەكلا بىر ئىش.
ئۇزۇن مۇددەت جىنسىي تۇرمۇش كەمچىل بولۇش كەلتۈرۈپ چىقارغان جىسمانىي ۋە روھىي زىيان ئاياللارغا ئۇزۇن مۇددەت جىنسىي چەكلەش ئېلىپ كېلىدۇ، ئۇلارنىڭ مەقئەت بېزى بالدۇر چېكىنىدۇ، ھورمون سەۋىيىسى نورمال غىدىقلىنىشقا ئېرىشەلمەيدۇ، شۇنداقلا تۆۋەنلەيدۇ. بۇ ئاساسلىقى جىنسىي مۇناسىۋەت جەريانىدا جىنسىي يولدىن سۇيۇقلۇق چىقىرىش ۋە قان تولۇش يېتەرلىك بولماسلىق، جىنسىي قوزغىلىشى قىيىن بولۇش، ئۇنىڭ ئۈستىگە سىلىقلاش مېيىنىڭ سۈركىلىشى كەمچىل بولۇش، جىنسىي يول قۇرغاقلىشىپ ئاغرىش قاتارلىقلارنى كەلتۈرۈپ چىقىرىدۇ. شۇنداقلا جىنسىي تۇرمۇش ئۆتكۈزۈشنى خالىماسلىق ياكى ئەر تەرەپنى رەت قىلىش قاتارلىقلاردا ئىپادىلىنىدۇ. شۇنداقلا ھورمۇن سەۋىيەسىنىڭ تەڭپۇڭسىزلىشىشىمۇ ھەيز دەۋرىيلىكىنى قالايمىقانلاشتۇرۇۋېتىدۇ. ئۇنىڭدىن باشقا ئەگەر جىنسىي تۇرمۇش كەمچىل بولسا، ئەر-خوتۇننىڭ ھېسسىياتىغا تەسىر يېتىشى، ھەتتا ئائىلىنىڭ بۇزۇلۇشىنى كەلتۈرۈپ چىقىرىشى مۇمكىن. شۇڭا، بىر ئائىلىدىكى كىشىلەر بۇ ئىشلارغا چوقۇم كۆڭۈل بۆلۈشى كېرەك.
تەشەببۇسكار بولۇشنىڭ ئاياللارغا قانداق پايدىسى بار؟
ئالدى بىلەن جىنسىي تۇرمۇشنىڭ قېتىم سانىغا كاپالەتلىك قىلىش كېرەك. ئەر-خوتۇنلار بىر قەدەر قانۇنىيەتلىك جىنسىي تۇرمۇشنى ساقلىشى، قەرەللىك ھالدا مۇناسىۋەتنىڭ خۇشاللىقىدىن بەھرىمەن بولۇشى كېرەك، بۇ ھېسسىياتنى كۈچەيتىپلا قالماي يەنە ئۆز ئەزالىرىنىڭ ئىقتىدارىغا پايدىلىق. شۇنىڭ بىلەن بىر ۋاقىتتا، قانۇنىيەتلىك جىنسىي تۇرمۇش يەنە ئاياللارنىڭ جىنسىي يولىنىڭ سىلىقلىنىش دەرىجىسىنى يۇقىرى كۆتۈرىدۇ، ئۇنىڭ كىسلاتا-ئىشقار تەڭپۇڭلۇقىنى ساقلايدۇ، جىنسىي يولنىڭ يۇقۇملۇق كېسەللىكلەرگە قارشى تۇرۇش كۈچىنى ئاشۇرۇشتا بەلگىلىك پايدىسى بار. لېكىن ھەددىدىن زىيادە جىنسىي تۇرمۇشنىڭ ئېشىپ كېتىشىدىن ساقلىنىش ئۈچۈن يەنە ئىككى تەرەپ يېشى، چارچاش دەرىجىسى، بەدەن ئەھۋالىغا ئاساسەن، مۇۋاپىق جىنسىي تۇرمۇش قېتىم سانىنى ئورۇنلاشتۇرۇش كېرەك. ئەگەر ئاياللاردا ھېچقانداق ئوبيېكتىپ سەۋەب بولمىغان جىنسىي توڭلاش كۆرۈلسە بۇ بەلكىم كېسەللىكنىڭ سىگنالى بولۇشى مۇمكىن، شۇڭا بالدۇرراق دوختۇرغا كۆرۈنۈش كېرەك.
ئىككىنچىدىن، ھەيز توختىغاندىن كېيىنكى ئاياللار مەقئەت چوڭ بېزىنىڭ بالدۇر چېكىنىشى ۋە جىنسىي يولنىڭ يىگىلەپ كېتىشىنىڭ ئالدىنى ئېلىش ئۈچۈن ھەر ئايدا بىر قېتىمدىن ئىككى قېتىمغىچە جىنسىي مۇناسىۋەت ئۆتكۈزسە بولىدۇ. ئەگەر جىنسىي يول قۇرغاقلىشىپ بىئارام بولسا ئازراق سىلىقلاش مېيى سۈركەپ، قىسمەن ئەھۋالنى ياخشىلىسا بولىدۇ.
جىنسىيەت ئالاقىگە موھتاج بولۇپ، ئىككى تەرەپنىڭ ئۆز-ئارا ماسلىشىشىنى تەلەپ قىلىدۇ، بۇنداق بولغاندا ئاياللار جىنسىيەت جەھەتتە قانائەت ھاسىل قىلالايدۇ، ئاندىن ئۇلارنىڭ جىنسىيەت پائالىيىتىدىكى سۇبيېكتىپ پائالىيەتچانلىقىنى قوزغاپ ياخشى ئايلىنىش ھاسىل قىلغىلى بولىدۇ. ئاياللار ئۆزىنىڭ روھىي ھالىتىنى تەڭشەپ، جىنسىي ھەۋىسىنى ئاشۇرۇشى، ئەرلەرمۇ ئايالى بىلەن بولغان يېڭىلىق تۇيغۇسىنى ئۈزلۈكسىز يېتىلدۈرۈشى، جىنسىي تۇرمۇش ئۇسۇلىدا يېڭى «غىدىقلاش»نى سىناپ بېقىشى، بىر-بىرىگە ئوخشىمايدىغان خۇشاللىقلارنى ھېس قىلدۇرۇشى كېرەك.
