ئاياللار ئۇخلاشتىن بۇرۇن يوتىنىڭ ئىچى تەرىپىنى ئۇۋۇلاش سالامەتلىككە پايدىلىق

توۋتياۋ تورى خەۋىرى، نۇر تورى تەرجىمىسى:

ئاياللار ھازىر كۈتۈنۈشنى بارغانسېرى چۈشىنىۋاتىدۇ، نۇرغۇن كىشىلەر كۈتۈنۈشنىڭ مۇھىملىقىنى بىلىدۇ، يېمەك-ئىچمەك ۋە تۇرمۇشتا ئالاھىدە دىققەت قىلىدۇ، يەنە بەزى ئاياللار كۈتۈنۈشتە ئۇۋۇلاشنى ئاساس قىلىدۇ، بەدىنىمىزدە پەللىلەر ناھايىتى كۆپ، مۇۋاپىق ئۇۋۇلاش سالامەتلىككە پايدىلىق.

بەدىنىمىزدە نۇرغۇن پەللىلەر يىغىلغان بولۇپ، ئادەتتە بۇ پەللىنى كۆپرەك غىدىقلىسا، ئويلىمىغان پايدا ئېلىپ كېلىدۇ. بۇ يەر دەل بىزنىڭ يوتىمىزنىڭ ئىچى تەرىپى.

1. بىزنىڭ ئورۇقلىشىمىزغا ياردەم قىلىدۇ.

بەزى ئاياللار خىزمەت ئالدىراشچىلىقىدا بەدەن چېنىقتۇرۇشقا ۋاقتى يوق دېيەرلىك، ئۇزاق ۋاقىت ئولتۇرسا ياغنىڭ قورساق ۋە يوتىغا يىغىلىپ قېلىشىنى كەلتۈرۈپ چىقىرىدۇ، ئۇزۇن مۇددەت بۇنداق بولغاندا گۈزەللىككە تەسىر يېتىپلا قالماي، سالامەتلىككىمۇ تەسىر يېتىدۇ، ئەگەر ئۇخلاشتىن بۇرۇن يوتىنىڭ ئىچكى تەرىپىنى ئۇۋۇلىساق، بەدەندىكى ماددا ئالمىشىشنى تېزلىتىپ، پۇتتىكى قان ئايلىنىشنى ئىلگىرى سۈرۈپ، سۇلۇق ئىششىقنىڭ پەيدا بولۇشىنىڭ ئالدىنى ئالغىلى بولىدۇ، سەمرىپ كېتىشكە ئۈنۈملۈك تاقابىل تۇرۇشىمىزغا ياردەم بېرىدۇ.

2. جىگەر تېخىمۇ ساغلام بولىدۇ.

جىگەر بىزنىڭ زەھەرنى تازىلاپ، زەھەرنى قايتۇرۇشىمىزغا ياردەم بېرىدۇ، بەدەنگە نىسبەتەن ئىنتايىن مۇھىم، شۇڭا جىگەرنىڭ ساغلاملىقى بىزگە نىسبەتەن ئىنتايىن مۇھىم، ئۇنىڭ ئۈستىگە يوتىنىڭ ئىچكى تەرىپىگە جىگەر تومۇرى جايلاشقان بولۇپ، ئۇخلاشتىن بۇرۇن يوتىنىڭ ئىچكى تەرىپىنى ئۇۋۇلاپ بەرسە، جىگەر تومۇرىنىڭ قان ئايلىنىشىنى ئىلگىرى سۈرۈپ، جىگەرنىڭ تېخىمۇ ياخشى زەھەر تازىلىشىغا ياردەم بېرىدۇ، شۇنداقلا جىگەرنىڭ ئاكتىپلىقىنى ئاشۇرىدۇ.

3. بۆرەك تېخىمۇ ساغلام بولىدۇ.

يوتىنىڭ ئىچى تەرىپى بىز ئادەتتە ئانچە يېقىنلىشالمايدىغان جاي، لېكىن يوتىنىڭ ئىچى تەرىپىدىمۇ پەللىلەر بىر قەدەر كۆپ، ئادەتتە كۆپرەك بېسىپ ئۇۋۇلاپ بەرسە، جىگەرنىڭ ساغلاملىقىنى ئىلگىرى سۈرۈپلا قالماي، يەنە بۆرەكنىڭ ساغلاملىقىنى ئىلگىرى سۈرۈپ، بۆرەكنىڭ ماددا ئالماشتۇرۇش ئىقتىدارىنى ئاشۇرۇپ، بۆرەكنى تېخىمۇ ساغلام قىلىدۇ.

مەنبە:
https://m.nur.cn/news/2023/12/19117964.shtml