توۋتياۋ تورى خەۋىرى، نۇر تورى تەرجىمىسى:
نۇرغۇن ياشانغانلار يېشىنىڭ چوڭىيىشىغا ئەگىشىپ، جىگەر، بۆرەك ئىقتىدارى چېكىنىدۇ، ئاستا خاراكتېرلىك يۇقۇملىنىش كۆپ سالماقنى ئىگىلەيدۇ، ساغلاملىق بىلىملىرىنىڭ ئومۇملىشىشىغا ئەگىشىپ، بارغانسېرى كۆپلىگەن ياشانغانلار دائىم ئانتىبىيوتىك دورىلارنى ئىستېمال قىلىش ئارقىلىق بەدىنىنى تەڭشەيدۇ.
ياشانغانلار نەپەسلىنىش سىستېمىسى يۇقۇملانغاندا ئۆزى ئانتىبىيوتىك دورا ئىستېمال قىلغاندا تۆۋەندىكى ئالتە نۇقتىغا دىققەت قىلىشى كېرەك :
1. ئىچكى ئەزالىرىنىڭ ئىقتىدارىنى ئىگىلەش، بۇ نۇقتىدا قاننى لابوراتورىيەلىك تەكشۈرۈش ۋە جىگەر، بۆرەك ئىقتىدارىنى تەكشۈرۈش ئارقىلىق بىمارنىڭ ھەرقايسى ئەزالىرىنىڭ ئەھۋالىنى ئىگىلەپ، دورا تاللاپ ئىشلىتىشنى ئاساس بىلەن تەمىنلىگىلى بولىدۇ.
2. دورا ئىشلىتىش چۈشەندۈرۈشىنى تەپسىلىي ئوقۇپ، دورىنىڭ خۇسۇسىيىتى، تەسىر قىلىش دائىرىسى ۋە زەھەرلىك قوشۇمچە تەسىرىنى چۈشىنىش، ئىمكانقەدەر زەھەرلىك قوشۇمچە تەسىرى كىچىك، ئەزالارغا زىيان يەتكۈزمەيدىغان دورىلارنى تاللاپ ئىشلىتىش كېرەك.
3. كېسەللىك قوزغاتقۇچى باكتېرىيەگە ئاساسەن ھۆكۈم قىلىش كېرەك. ياشانغانلاردا ئۇزاق مۇددەت تەكرار يۇقۇملانغۇچىلار كۆپىنچە مەنپىي تاياقچە باكتېرىيەنى ئاساس قىلىدۇ، بۇنىڭغا ئاساسەن دەسلەپكى قەدەمدە دورا تاللاشقا بولىدۇ.
4. دورا ئىشلىتىشنىڭ دەسلىپىدە دوختۇرخانىغا بېرىپ بەلغەم تەكشۈرتۈش ۋە دورىغا بولغان سەزگۈرلۈك تەجرىبىسىنى ئىشلەپ، دورا ئىشلىتىش لايىھەسىنى يەنىمۇ تەڭشەش كېرەك.
5. دورا ئىچىش جەريانىدا دورىنىڭ ئۈنۈمىنى كۆزىتىش، مەسىلەن بەدەن تېمپېراتۇرىسى، يۆتىلىش قېتىم سانى، بەلغەم مىقدارى ۋە رەڭگى، دەم سىقىلىش قاتارلىق ئۆزگىرىشلەرنى كۆزىتىش، شۇنىڭ بىلەن بىر ۋاقىتتا قان رايى ۋە جىگەر، بۆرەك ئىقتىدارىنى قايتا تەكشۈرۈشكە دىققەت قىلىش، دورىنىڭ ئورگانىزمغا زىيانلىق ياكى زىيانلىق ئەمەسلىكىنى بىلىش كېرەك.
6. دورا مىقدارىنى چوقۇم دوختۇرنىڭ ياكى دورىنىڭ چۈشەندۈرۈشىدە دېيىلگىنى بويىچە ئىشلىتىش كېرەك، مۇشۇنداق قىلغاندىلا ئاندىن داۋالاش ئۈنۈمىگە ئوبيېكتىپ ھۆكۈم قىلغىلى بولىدۇ.
مەنبە:
https://m.nur.cn/news/2023/12/17916170.shtml
