ياشانغانلارنىڭ ئەستە تۇتۇش قابىلىيىتىنى ئاشۇرۇشنىڭ ئاددىي رىتسىپلىرى

ئەستە تۇتۇش قابىلىيىتى تۆۋەنلەپ كېتىش ياشانغانلاردا كۆپ كۆرۈلىدىغان كېسەلىك ئالامەتلىرىنىڭ بىرى بولۇپ ،ئۇنى تۆۋەندىكىدەك ئاددىي رېتسىپلار بىلەن داۋالاشقا بولىدۇ

1. ئەستە تۇتۇش قابىلىيىتى تۆۋەنلەپ كەتكەنلەر تۇخۇمنىڭ سېرىقىنى مۇۋاپىق مىقداردا يەپ بەرگەندە ئەستە تۇتۇش قابىلىيىتىنى ئاشۇرغۇلى بولىدۇ.

2. تاتلىق بادام مېغىزىنى كۈنۈگە ئىككى قېتىم ،ھەر قېتىمدا 20~30 دانە يەپ بەرگەندە ئۇتۇلغاقلىقنىڭ ئالدىنى ئالغىلى بولىدۇ.

3. لاچىندانە ھىندى، سېرىق ھېلىلە پوستى، ناۋاتتىن 30 گرام، ئۈستقۇددۇستىن 10 گرام تەيارلاپ سوقۇپ دەملەپ ئىچىپ بەرگەندە مېڭىنى قۇۋەتلەپ ئۇتۇلغاقلىققا شىپا بولىدۇ.

4.ياڭاق مۇرابباسىنى ئەتىگەندە ۋە كەچتە تاماتىن بۇرۇن يەپ بەرگەندە ئۇتۇلغاقلىققا شىپا بولىدۇ.

5. سامساقنى ئاچىقسۇغا چىلاپ يەپ بەرگەندە ئۇتۇلغاقلىققا شىپا بولىدۇ.

6. تاماققا 30~50 گرام پىيازنى قوشۇپ يەپ بەرگەندە بەدەنى ساغلاملاشتۇرۇپ، ئۇتۇلغاقلىققا شىپا بولىدۇ.

7. كۈندۈر، زەنجىۋىل، ئىگىرلەردىن تەڭ مىقتاردا ئېلىپ سوقۇپ مۇۋاپىق مىقداردا ھەسەل ئارلاشتۇرۇپ مەلھەم تەييارلاپ ، كۈندە يەپ بەرگەندە ئەستە تۇتۇش قابىلىيىتىنى ئاشۇرغىلى بولىدۇ.

8. رەيھان ،قەلەمپۇر ، دارچىن، جۇيۇزەىن ئايرىم – ئايرىم ھالدا 30 گرام، قىزىل ئۈزۈمدىن 50 گرام ئېلىپ شەربەت تەييارلاپ كۈندە مۇۋاپىق مىقداردا يەپ بەرگەندە ئاشقازان ۋە مېڭىنى قۇۋەتلەپ ، ئۇتۇلغاقلىققا شىپا بولىدۇ.

9. قىزىل گۈل، گاۋزىبان، بادرىنجىبۇيىدىن تەڭ مىقداردا ئېلىپ يۇمشاق سوقۇپ كۈنىگە ئىككى قېتىم ، ھەر قېتىمدا بىر چىمدىمدىن يەپ بەرگەندە مېڭىنى قۇۋۋەتلەپ، ئۇتۇلغاقلىققا شىپا بولىدۇ.

10. ئالما چېچىكىدە گۈلقەنت ياساپ يەپ بەرسە ئۇتۇلغاقلىققا شىپا بولىدۇ.

11.قارىغاي يوپۇرمىقىدىن مۇۋاپىق مىقداردا ئېلىپ سۇدا قاينىتىپ چاي ئورنىدا ئىچىپ بەرسە ئۇتۇلغاقلىققا شىپا بولىدۇ.